Doctor X: Mafia in White [S01 : E01] Sinhala Subtitles | හිතුවක්කාර වෛද්‍යවරිය [සිංහල උපසිරැසි සමඟ]

කොහොමද හැමෝටම,

අද මම අරගෙන ආවේ කුතුහලයෙන් සහ ක්‍රියාදාමයෙන් පිරුණු නවතම කොරියානු වෛද්‍ය කතා මාලාවක්, ඒ තමයි "Doctor X: Age of the White Mafia" (닥터X: 하얀 마피아의 시대) කොරියානු කතා මාලාව  
මේක SBS නාලිකාව සහ Netflix හරහා විකාශය වන තමයි විකාශ වෙන්නේ

ජපානයේ අතිශය ජනප්‍රිය වූ "Doctor-X: Surgeon Michiko Daimon" කතා මාලාව ආශ්‍රයෙන් නිර්මාණය කර ඇති මෙම කතා මාලාව, සාමාන්‍ය වෛද්‍ය කතා මාලාවකට වඩා වෙනස්ම සහ ප්‍රබල අත්දැකීමක් ප්‍රේක්ෂකයන්ට ගෙන එනවා.


කතාවේ සාරාංශය සහ විශේෂතා

දූෂණය සහ නිලධාරීවාදය රජයන, මුදලට සහ බලයට යටත් වූ වෛද්‍ය පද්ධතියක් තුළ, තම අතිශය දක්ෂ ශල්‍ය වෛද්‍ය කුසලතාවෙන් පමණක් තමන්ගේ අගය තහවුරු කරගන්නා ස්වාධීන වෛද්‍යවරියකගේ අපූරු කතාවක් තමයි මේ කතා මාලාවෙන් දැක්වෙන්නේ.

ප්‍රධාන චරිතය (ගේ සු-ජොං - Gye Su-jeong): කිසිදු උසස් බලයකට, දේශපාලන බලපෑමකට හෝ රෝහල් බලධාරීන්ට යටත් නොවී, කළ නොහැකි යැයි පවසන අභියෝගාත්මක සැත්කම් 
සාර්ථක කරන මෙයා මෙහෙයුම් කුටිය තුළ හැඳින්වෙන්නේ "මෙහෙයුම් කුටියේ පිස්සු බල්ලා" ලෙසයි. ප්‍රවීණ නිළි Kim Ji-won විසින් මෙම අපූරු චරිතයට ජීවය ලබා දෙයි.

ප්‍රධාන රෝහල (Guseo University Hospital): ගුසෝ විශ්වවිද්‍යාල රෝහල තුළ ඇති දූෂණ සහ අසාධාරණ ක්‍රමවේද හෙළිදරව් කරමින්, සුදු කබා පැළඳී බලය පවත්වාගෙන යන "සුදු මාෆියාවට" මේ වෛද්‍යවරිය
එල්ල කරන අභියෝගය කතාව පුරා ඉතා කුතුහලයෙන් යුතුව නරඹන්නට පුළුවන්.

චරිත වලට පන පොවන නළු නිලියන් :

Kim Ji-won (කිම් ජි-වොන්) ගේ සු-ජොං / ඩොක්ටර් X ලෙස--:
චරිතයේ ස්වභාවය : අඳුරු අතීතයකට මැදිවී, තනිකම ප්‍රිය කළ, අතිශය දක්ෂ ප්‍රතිභාපූර්ණ ශල්‍ය වෛද්‍යවරියක්. ගුසෝ විශ්වවිද්‍යාලයේ සෙනම් වෛද්‍ය මධ්‍යස්ථානයේ මතු වී ඇති කාර්ය මණ්ඩල හිඟය පිරවීම සඳහා ජං 
අධ්‍යක්ෂවරිය විසින් සුවිශේෂී ලෙස මෙහෙයවනු ලබයි. ඇය රෝහලේ දේශපාලන ක්‍රමවේද නොතකා, රෝගීන්ගේ සුවය සහ රැකවරණය වෙනුවෙන් පමණක් දැඩි ලෙස පෙනී සිටියි.

Lee Jung-eun (ලී ජුං-උන්) ජං හී-සුක් ලෙස--:
චරිතයේ ස්වභාවය : ජංගේ කුලී වෛද්‍ය සේවා ඒජන්සියේ අධ්‍යක්ෂවරියයි. රුධිරයෙන් නෑකමක් නැතත්,ගේ  සු-ජොංගේ ජීවිතයේ අඳුරු අතීතය බෙදාහදාගත්, 
ඇය වෙනුවෙන් සැමවිටම පෙනී සිටින විශ්වාසවන්තම භාරකාරිය සහ ආධාරකාරිය වේ.

Son Hyun-joo (සොන් හියුන්-ජූ) බු සොන්ග් වොන් ලෙස--:
චරිතයේ ස්වභාවය :  ගුසෝ විශ්වවිද්‍යාල සෙනම් වෛද්‍ය මධ්‍යස්ථානයේ අධ්‍යක්ෂවරයායි. කවදා හෝ දක්ෂ වෛද්‍යවරයකු වීමට සිහින මැව්වත්, කඩා වැටෙන රෝහල බේරා ගැනීමට සහ දූෂිත පද්ධතිය තුළ පැවැත්ම රැක ගැනීමට යම් යම් 
සම්මුතීන්ට යටත් වීමට සිදු වූ අසරණ මෙන්ම බලවත් චරිතයකි.

Kim Woo-seok (කිම් වූ-සොක්) පාක් තේ-ක්‍යොං ලෙස--:
චරිතයේ ස්වභාවය :  ගුසෝ විශ්වවිද්‍යාල සෙනම් වෛද්‍ය මධ්‍යස්ථානයේ උණුසුම් හදවතක් සහ දැඩි අනුකම්පාවක් ඇති අභ්‍යාසලාභී (Intern) ශල්‍ය වෛද්‍යවරයෙකි. 
ගේ සු-ජොංගේ පැමිණීම තම ජීවිතය සම්පූර්ණයෙන්ම වෙනස් කරනු ඇතැයි විශ්වාස කරන ඔහු, යහපත්කම සහ කරුණාව සැමවිටම ජය ගනු ඇතැයි යන ස්ථාවරයේ පිහිටා කටයුතු කරයි.

මුදලට සහ බලයට යටත් වූ වෛද්‍ය පද්ධතියක, සාමාන්‍ය රෝගීන්ගේ ජීවිත වෙනුවෙන් තනි ගැහැනියක ගෙන යන මෙම අරගලය හුදෙක්ම තවත් එක ටෙලිමාළ්‍යයක් පමණක් නොවෙයි. 
එය සමාජයේ සැබෑ යථාර්ථය මෙන්ම වෛද්‍ය ක්ෂේත්‍රයේ අඳුරු පැතිකඩ අපූරුවට මතුකර පෙන්වන විශිෂ්ට නිර්මාණයක්.

එහෙනම් තවත් වැඩි කතා නැතුව මේ කතා මාලාව සිංහල උපසිරසි සමග රසවිදින්න කියලා ආරාධනා කරනවා.