Sacred Games S01E01 Sinhala Subtitles | අමරණීය අපරාධකරුවා! [සිංහල උපසිරැසි සමඟ] (18+)

මගේ නම ගනේෂ් ගයිතොන්ඩේ.
අවුරුදු 17ක් තිස්සේ ලෝකෙන් වහං වෙලා ඉන්නේ.
මොන ඉලව්වකටද එහෙම හැංගිලා ඉන්නේ?
මොකද…
මට විරුද්ධව මිනීමැරුම් නඩු 158 ක් මේ වෙද්දී තියෙනවා.
ISI එකටයි…
රෝ ඔත්තු සේවයටයි…
දෙගොල්ලොන්ටම කෙලවලා දාලා තමයි මං හැංගිලා ඉන්නේ.

වෙලාවකට මට හිතෙනවා මං දෙයියොද මන්දා කියලත්…
මේ ලෝකය පටන්ගත්තේ කොහොමද කියන්න නම් මං දන්නේ නැහැ.
ඒත්, අවසාන වෙන්නේ කොහොමද කියලා නම් මං දන්නවා.
පරිස්සම් වෙයං සර්ටාජ් මහත්තයෝ!
උඹ ආදරය කරන මේ මුම්බායි නගරය සහමුලින්ම විනාශ වෙලා යන්න…
හරියටම තව දවස් 25ක් විතරයි තියෙන්නේ!
පුළුවන් නම් බේරගන්න බලහන්!

ඒ වගේම මතක තියාගනින්…
මේක දැන්මම ඉවරයක් වෙන්නේ නම් නැහැ, මහත්තයෝ!
මොකද, මං අමරණීය නිසා!
සෙල්ලම ඉවරයක් වෙනකම්,
මාව නවත්වන්න මොන ජගතෙක්ටවත් බැහැ!

සිනමා රසිකයෙක් නම්, නෙට්ෆ්ලික්ස් කියන නම ඇහුවම නොදන්න කෙනෙක් ඉන්න බැහැ මං හිතන්නේ. ඒ තරමටම මේ සිනමා ලෝකයේ පතාක යෝධයෙක් තමයි නෙට්ෆ්ලික්ස් කියන්නේ. ඉතිං මේ පතාක යෝධයා පහුගිය දා අති දැවැන්ත පියවරක් තිබ්බා. එසේ මෙසේ පියවරක් නම් නෙමෙයි. මුළු ලෝකයම හොල්ලන විදියේ චණ්ඩ මාරුතයක් වගේ වැඩකට තමයි මේ වතාවේ නෙට්ෆ්ලික්ස්ලා අත ගැහුවේ. ඒ තමයි, ලොව දෙවැනි ප්‍රබලතම සිනමා ප්‍රේක්ෂකයන් සිටින රට වන, ඉන්දියාව තුල සිය පළමුවන කතා මාලාව නිෂ්පාදනය කිරීම.

ගොඩක් දෙනෙක් එක එක විදියේ කතා කිව්වා. බහුතරයක් දෙනා කිව්වේ, ඉන්දියාව අස්සේ රිංගන්න ගිහිල්ලා මෙච්චර කාලයක් යස අගේට හිටපු නෙට්ෆ්ලික්ස් එක මේ වතාවේ නම් වැඩේ අනාගන්නවා කියලා තමයි. නමුත්, බොහොම ශක්තිමත් කතාවක් සහිත නව කතාවක් අනුසාරයෙන්, ඉන්දීය සිනමා ක්ෂේත්‍රයේ ඉහළම තලයේ වැජඹෙන තාරකා තුනක් සහභාගී කරගනිමින්, ඉන්දීය සිනමා ක්ෂේත්‍රයේ විශ්වකර්මයන් බඳු වූ අධ්‍යක්ෂකවරුන් දෙදෙනෙකුගේ නොමසුරු දායකත්වය ලබාගනිමින්, නෙට්ෆ්ලික්ස් ආයතනයේ අතිශය ප්‍රථම ඉන්දියානු කතා මාලාව ලෙසින් පසුගියදා කරළියට සම්ප්‍රාප්ත වූ මෙම කතා මාළාව, මේ සටහන ලියවෙන මොහොත වනවිට එදාමෙදා තුර ලෝක ඉතිහාසය තුල නිෂ්පාදනය වුණා වූ කතා මාළාවන් අතුරින්, Top Rated TV ලැයිස්තුව තුල 26 වන ස්ථානයද, එකොළොස් දහස ඉක්මවූ මනාප සංඛාවකින් IMDB දර්ශකය 9.4ක් වැනි අති දැවැන්ත අගයක් කරා කරකවන්නටද සමත්කම් දක්වමින්, තමන්ට නින්දා අපහාස කළ ප්‍රේක්ෂකයන්, විචාරකයන් හට දෑත බදා, රිදෙන්නම කම්මුල් පහරක් එල්ල කරනවා.

දශක ගණනාවක් තිස්සේ බොලිවුඩ් පුරවරය සිය රංගන කෞශල්‍යයෙන් අමන්දානදයට පත්කළ ඒ අසමසම රංගන තාරකාව, සායිෆ් අලී ඛාන්! වර්තමාන බොලිවුඩ් පුරවරයේ සිටින්නාවූ අති දක්ෂ, සම්මානනීය මෙන්ම ජනප්‍රියම රංගන ශිල්පියෙකු වන, නවසුඩීන් සිද්දික් සමගින් කවදත් වෙනස්ම ආරක සිනමා නිර්මාණයක් සමගින් ප්‍රේක්ෂකයා තමා වෙතට ඇද බැඳ තබා ගැනීමට සමත්වූ රාධිකා ආප්තේ! නිකමට හිතලා බලන්න බොලිවුඩයේ ඉහළම තලයේ සිටින්නා වූ මේ තාරකා තුන එකිනෙක ඝට්ටනය වුවහොත් කුමකින් කුමක් වේවිද? පොඩ්ඩක් ඉන්නකෝ.

මතකද Raman Raghav 2.0, Bombay Velvet, Ugly, Gangs of Wasseypur, Gulaal, Dev D, Black Friday වගේ විශිෂ්ඨ සිනමා නිර්මාණ අධ්‍යක්ෂණය කරපු Anurag Kashyap ? ඒ වගේම, Trapped, Lootera, Udaan චිත්‍රපට අධ්‍යක්ෂණය කරපු Vikramaditya Motwane ව දන්නවද? දන්න අය දන්නවා ඇති මේ මොන විදියේ විශ්වකර්මයෝ දෙන්නෙක්ද කියලා. හිතලා බලන්නකෝ මේ විශ්වකර්මයෝ දෙන්නා එකට එකතු වුනොත් මොන වගේ වේවිද කියලා. ඔව්, මේ නෙට්ෆ්ලික්ස් පළමු හින්දි කතා මාලාව අධ්‍යක්ෂණය වෙන්නේ මේ කියපු විශ්වකර්මයෝ දෙන්නගේ සුසංයෝගයෙන්. ඒ වගේම, මේ කතා මාලාව සඳහා පදනම් වෙන්නේ Vikram Chandra විසින් රචනා කරන ලද Sacred Games නම් සම්මානනීය නව කතාව.

ඒ වගේම විශේෂයෙන්ම කියන්න ඕනේ, පුරා චිත්‍රපට 105 කට පස්සේ මේ තමයි පළවෙනි වතාවට කතා මාලාවක් සඳහා අත ගහන්නේ. මෙච්චර කාලයක් තිස්සේ ගොඩක් දෙනෙක් ඇහුවා ඇයි චිත්‍රපට විතරක්ම කරන්නේ, කතා මාළාවකුත් කරන්න කියලා. ඔන්න එහෙනම් ඒ අයගේ ඉල්ලීම ඉෂ්ට කරලා ඇති. ඒත්, නරඹන අයගෙන් හොඳ ප්‍රතිචාර ලැබුනේ නැහැ කියන්නේ, මේක පළවෙනි වගේම අවසාන කතා මාළාවත් වේවි අනිවාර්‍යයෙන්ම.

මේ කතා මාලාව කොටස් අටකින් සමන්විත වෙනවා වගේම, මේ සටහන ලියවෙන මොහොත වෙද්දී කොටස් කීපයකටම උපසිරැසි ගන්වලා අවසානයි. ඒත්, දවස් 3-4 කට සැරයක් එක කොටසක් වෙබ් අඩවියට නිකුත් කරන්න තමයි දැනට හිතාගෙන ඉන්නේ. මොකද, ඕනෙම දෙයක් ඕනෙවට වඩා ඉක්මණට දෙනකොටත් අපේ මිනිස්සුන්ට අගයක් නැති වෙනවනෙ. (හැබැයි ඉතිං ප්‍රේක්ෂකයන්ගේ පැත්තෙන් පොඩ්ඩක් උනන්දු කරලා ගත්තොත් දවස් දෙකකට එකක් ගානේ දෙන්නත් බැරි නැහැ 😀 )

එහෙනම්, අන්තිමට මෙහෙම කියන්නම්. අඩුතරමේ එක කොටසක් වත් නරඹන්නේ නැතුවම ඔබ හිතනවා නම්, “මූ මේ අපේ ඇඟේ ගහන්න හදන්නේ ඉන්දියන් මළ ජරාවක්” කියලා, හිතාගන්න ඒ ඔබේ අවාසනාව හෝ නොලැබීම කියලා. අඩුගානේ එක කොටසක් හරි බැලුවට පස්සෙත් ඔබට හිතෙනවා “අපෝ! මළ ජරාවක්” කියලා, අන්න එහෙනම් බැනලා ගියා කියලා තරහක් නැහැ. පළවෙනි කතාංගය අවසානයේදී ඔබ ඉඳගෙන ඉන්න තැනින් එක සැරේටම ඔබට නැගිට්ටුනේ නැත්නම්, ඇත්තටම එක ලෝක පුදුමයක් වෙන්න ඕනේ මගේ අදහස නම්!

එහෙනම්, දෙවැනි කොටසත් එක්ක හම්බෙමු. ජය!

 

 

 

 

Due to copyright issues, we do not provide any torrent links.

ලබා දී ඇති උපසිරසිය WEB-DL පිටපත් සඳහා අදාළ වේ.

17,946 downloadsDownload Sacred-Games-S01E01.zip22 KB

 

මේ ලබා දී ඇති සිංහල උපසිරැසි පිළිබද “ සිසිල ප්‍රසාද් ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – 2015-01-24
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.