Stuart Fails to Save the Universe [S01 : E09] Sinhala Subtitles | ෆ්ලෑෂ්. ! [සිංහල උපසිරසි]

පහුගිය කොටසින්...

කතාව පටන් ගන්නේ ස්ටුවර්ට්, අනිත් අයට කියනවා යන්ත්‍රය සහ එහි පාලකය (controller) ආපහු ගෙනියන්න යන්න ඕනේ කියලා. ඩෙනිස් අහනවා "අපි මැරෙන්න ඔන්න මෙන්න කියල හිටපු තැනින්ද?" කියලා. ස්ටුවර්ට් කියනවා "ඒක ගැන වැඩිය හිතන්න එපා" කියලා. ඩෙනිස් කියනවා එතන තුවක්කු තිබුණා මතක නැද්ද කියලා. ස්ටුවර්ට් කියනවා අපි මේ යන්ත්‍රය පොඩ්ඩක් ඉස්සරහට කරලා බලමු කියලා. බර්ට් කිබ්ලර් අහනවා "මේකේ ඉස්සරහට කරන බොත්තමක් තියෙනවද?" කියලා. ස්ටුවර්ට් "සමහරවිට ඇති" කියලා යන්ත්‍රයේ තිබුණු බොත්තමක් කරකවනවා. ඒත් එක්කම යන්ත්‍රය ක්‍රියාත්මක වෙලා එයාලාව වෙනම විශ්වයකට ඇදලා දානවා.

ස්ටුවර්ට් ඇස් ඇරලා බලද්දී එයාලා ඉන්නේ යුද්ධයක් යන ලෝකයක; මොකද හැමෝම හමුදා ඇඳුම් ඇඳගෙනයි ඉන්නේ. එයාලට මුලින්ම දකින්න ලැබෙන්නේ බිම මැරිලා වැටිලා ඉන්න ට්‍රෙවර් සහ කේල්. බැරි ක්‍රිප්කේ අහනවා "එහෙනම් අර අනිත් යන්ත්‍රය කොහේද තියෙන්නේ?" කියලා. ස්ටුවර්ට් කියනවා "මෙතන අපේම වගේ පෙනෙන අය ඉන්න ඕනේ, එයාලාව හොයාගත්තොත් අපිට යන්ත්‍රයත් හොයාගන්න පුළුවන්" කියලා. ඊට ටික වෙලාවකට පස්සේ ගැරි එතනට ඇවිල්ලා අහනවා ඔයාලා මෙතන මොකද කරන්නේ, 0900 ට (උදෑසන 9ට) අපි මෙතනින් පිටත්වෙනවා නේද කියලා. ඊටපස්සේ එයා එයාලට තමන්ගේ කණ්ඩායම ළඟට යන්න කියනවා.

කඳවුරට ගියාම, ගැරි අනිත් අයට කියනවා ඇල්ෆා සහ බ්‍රාවෝ සමාගම් දෙකටම ආපහු එන්න ලැබිලා නැහැ කියලා. දැන් හැමදේම රඳා පවතින්නේ මෙයාලා උඩ, ඒත් මෙයාලා ගාව ඉන්නේ සීමිත පිරිසක් සහ ආයුධයි. ඊටපස්සේ ගැරි පොඩි ප්‍රාර්ථනයක් කරලා එයාලාව යුධ පිටියට යවනවා.

ඩෙනිස් අහනවා "ඔයා යන්ත්‍රය දැම්මේ කොහේද? අපිට කොහොම හරි මෙතනින් යන්න වෙනවා" කියලා. ස්ටුවර්ට් කියනවා "මම ආරක්ෂාවට ඒක බැරැක්කේ තියලා ආවා" කියලා. ඩෙනිස් කියනවා "මැරෙන්නේ නැතුව මෙතනින් පැනලා යන එක නේද ඊට වඩා ආරක්ෂිත?" කියලා. ටික වෙලාවකින් ක්‍රිප්කේ ඇවිල්ලා කියනවා අපිට මෙතනින් පැනගන්න ඕනේ කියලා. ඩෙනිස් කියනවා "අපිත් ඔය ගැන තමයි කතා කරමින් හිටියේ" කියලා. ස්ටුවර්ට් කියනවා "මම අර උපකරණය කඳවුරේ දාලා ආවනේ" කියලා. බර්ට් ඇවිල්ලා කියනවා "අපිට මෙතනින් යන්න උදව් කරන්න" කියලා. ඩෙනිස් කියනවා "ඒක නම් ස්ටුවර්ට්ගෙන්ම තමයි අහන්න වෙන්නේ" කියලා. හරියටම ඒ වෙලාවේ ගැරි එතනට ඇවිල්ලා කියනවා "අපි මේ යුද්ධය මෙතනින්ම, දැන්ම අවසන් කරමු" කියලා. එයා සතුරා දෙසට දුවද්දී, සතුන්ගේ වෙඩි ප්‍රහාරයකින් එයා බිම වැටී මිය යනවා. කීත් ගැරිගේ මළ සිරුර දැකලා "ගැරි වෙනුවෙන් අපි සතුරන්ගෙන් පළිගමු" කියලා කෑගහනවා. හැබැයි බිත්තියෙන් පනින්න යද්දී, ආපහු යුද්ධයට යන්න වෙයි කියලා බයට ක්‍රිප්කේ එයාට පිටිපස්සෙන් වෙඩි තියනවා.

බැරැක්කේදී ස්ටුවර්ට් ඩෙනිස් ළඟට වෙලා ඉන්න උත්සාහ කළත්, ඩෙනිස්ට ඒකට මූඩ් එකක් නැහැ; මොකද එයා තාමත් ගැරිගේ මරණය ගැන කල්පනා කරමින් ඉන්නේ. වෙනත් තැනක, බර්ට් ක්‍රිප්කේගෙන් අහනවා උඹ හොඳින්ද කියලා. ක්‍රිප්කේ කියනවා මම හොඳින් ඉන්නවා කියලා. බර්ට් කියනවා "මොනවාහරි ප්‍රශ්නයක් තියෙනවා නම් මම උදව් කරන්න ඉන්නවා" කියලා. ඩෙනිස් කියනවා "අපි කවදාවත් අර අනිත් යන්ත්‍රය නම් හොයාගන්නේ නැහැ, අපි කොහොමහරි මෙතනින් පැනලා යන්න ඕනේ" කියලා. ස්ටුවර්ට් කියනවා "මට වගකීමක් තියෙනවා" කියලා. ඩෙනිස් කියනවා "මම වීරයෙක්ට ආදරය කරන්න ගිහිල්ලා මාත් අමාරුවේ වැටුණා" කියලා.

පහුවදා උදේ, කණ්ඩායමට අලුත් අණ දෙන නිලධාරියෙක් හම්බෙනවා; ඒ තමයි කැප්ටන් රිචඩ් විලියම්ස්. මිනිහා කියනවා "ඔයාලා හැමෝම දැන් අමාරුවක වැටිලා ඉන්න බව මම දන්නවා, නමුත් මගේ වගකීම තමයි ඔයාලගේ ධෛර්යය වැඩි කරන එක. අනාගතයේදී මේ යුද්ධය ආපහු රඟදක්වන අය ගැන හිතන්න. මොනවාහරි ප්‍රශ්න තියෙනවද?" කියලා. බර්ට් අහනවා "අපි මේ මොකටද සටන් කරන්නේ?" කියලා. විලියම්ස් කියනවා "පවුල, රට සහ දෙවියන් වෙනුවෙන්" කියලා. බර්ට් අහනවා "එහෙනම් සතුරා සටන් කරන්නේ මොකටද?" කියලා. විලියම්ස් කියනවා "වැරදි පවුලක්, වැරදි රටක් සහ වැරදි දෙවියෙක් වෙනුවෙන්. යමු අර කාලකණ්ණින්ව මරා දාන්න" කියලා. ස්ටුවර්ට් කියනවා "අලුත් ප්ලෑන් එකක් තියෙනවා, අපි දැන් මෙතනින් පැනලා යමු" කියලා. ක්‍රිප්කේ අහනවා "අර යන්ත්‍රය අමතක කළාද?" කියලා. ස්ටුවර්ට් කියනවා "ඔයාට මැරෙන්න ඕනේ නම් ඔහේ ඉන්න" කියලා. එයාලා බැරැක්කය දිහාවට යද්දී, මගදී මිනිස්සු දෙන්නෙක් එයාලව නවත්තලා අහනවා ඔයාලා ඇයි තමන්ගේ සමාගමත් එක්ක නැත්තේ කියලා. ස්ටුවර්ට් එයාලට උත්තරයක් විදිහට "ඔයාලා ඇයි තමන්ගේ සමාගමත් එක්ක නැත්තේ?" කියලා අහනවා. අන්තිමට මෙයාලාව හිරගෙදරට දානවා.

බර්ට් කියනවා එයාලා දැන් අපිව පේළියට තියලා වෙඩි තියයි කියලා. ස්ටුවර්ට් කියනවා "අපි මේක ගැන හිතුවේ වැරදියට, අපිට අර ලෝකයේ යන්ත්‍රය හොයන්න ඕනේ නැහැ, අපිට පුළුවන් ආපහු ගිහිල්ලා ඒක අරන් එන්න. අපි අපේ යන්ත්‍රය විශ්වයන් 3ක් එහාට යන්න සෙට් කරලා අපේම යන්ත්‍රය අපෙන් ඉල්ලන් එමු" කියලා. ක්‍රිප්කේ කියනවා "ඔහේට තේරෙනවද අපි දැන් ඉන්නේ හිරකූඩුවක කියලා?" කියලා.

ටික වෙලාවකින්, ස්ටුවර්ටුයි අනිත් අයයි උසාවි අරන් යනවා. ස්ටුවර්ට් එයාලගේ නීතිඥයාගෙන් අහනවා තත්ත්වය කොහොමද කියලා. නීතිඥයා කියනවා වැඩේ වැඩි වෙලාවක් යන්නේ නැහැ කියලා. ස්ටුවර්ට් අහනවා "ඒ අපි නිවැරදිකරුවන් නිසාද?" කියලා. නීතිඥයා "අන්න හරි" කියනවා. ඒත් එක්කම පෙනී එතනට එනවා. පෙනී චෝදනා පත්‍රය කියවනවා. ස්ටුවර්ට්ලාගෙන් අහනවා එයාලගේ වරද පිළිගන්නවද නැද්ද කියලා. එයාලගේ නීතිඥයා වරද පිළිගන්න කියද්දී, ස්ටුවර්ට් කියනවා අපි වරදකරුවෝ නෙමෙයි කියලා. පෙනී කියනවා "අපි හැමෝම දැක්කා මෙයාලගේ නීචකම, ඒත් වඩාත්ම භයානක දෙයක් තමයි මේ උපකරණය සොයාගැනීම. මේක පැහැදිලිවම අපේ සතුරන්ට තොරතුරු යවන්න පාවිච්චි කරපු එකක්" කියලා. විනිසුරුවරුන්ගෙන් එක්කෙනෙක් කැප්ටන් සිබර්ට්ගෙන් අහනවා මෙතන මොකක්ද වෙන්නේ කියලා පැහැදිලි කරන්න කියලා. සිබර්ට් ස්ටුවර්ට් එක්ක ටිකක් කතා කරලා "බැහැ" කියලා උත්තර දෙනවා. පෙනී කියනවා සාක්ෂි පැහැදිලියි, මේකට දෙන්න තියෙන එකම දඬුවම වෙඩි තබා මරා දැමීමයි කියලා. ස්ටුවර්ට් සිබර්ට්ට කියනවා අපේ පැත්තෙන් පෙනී සිටින්න කියලා. සිබර්ට් සමාව ඉල්ලුවත්, විනිසුරුවරු ඒක ප්‍රතික්ෂේප කරනවා. ස්ටුවර්ට් නැගිටලා කියනවා "මට මේක පැහැදිලි කරන්න පුළුවන්. අපි මේ විශ්වයෙන් නෙමෙයි, මීටත් වඩා නරක ලෝකයක ඉඳලා ආපු පිරිසක්. ඔයාලා ඒක දැනගන්න කැමති වෙන එකක් නැහැ. අපි උත්සාහ කරන්නේ හැම විශ්වයකම සාමය ඇති කරන්නයි" කියලා. අන්තිමට ස්ටුවර්ට් එපා වෙලා "මකලා දාලා අපිට වෙඩි තියලා දාන්න" කියලා කියනවා.

ක්‍රිප්කේ ස්ටුවර්ට්ට කියනවා මම එයාලගේ අවධානය වෙනස් කරන්න (distraction එකක් දෙන්නම්) උත්සාහ කරන්නම්, ඔයා ගිහිල්ලා යන්ත්‍රය අරන් එන්න කියලා. ස්ටුවර්ට් කියනවා "මම අවධානය වෙනස් කරන්නම්" කියලා. ක්‍රිප්කේ අහනවා "ඔයා කොහොමද ඒක කරන්නේ?" කියලා. ස්ටුවර්ට් කියනවා "මට ඇස්මා අමාරුවක් හැදුනා වගේ රඟපාන්නම්" කියලා. ක්‍රිප්කේ කියනවා "ප්‍රැක්ටිස් කරලා පෙන්නන්න" කියලා. ස්ටුවර්ට් පෙන්නුවත් ක්‍රිප්කේට ඒක ඇත්තක් කියලා හිතෙන්නේ නැහැ. බර්ට් කියනවා "අපිට කාඩ් කුට්ටමක් හම්බුනොත් මට මැජික් පෙන්නලා එයාලගේ අවධානය වෙනස් කරන්න පුළුවන්" කියලා.

ටික වෙලාවකට පස්සේ විනිසුරුවරු ආපහු එනවා. ස්ටුවර්ට්ලා වැරදිකරුවන් වෙලා එයාලට වෙඩි තබා මරා දැමීමේ දඬුවම නියම වෙනවා. වෙඩි තියන්න කලින්, පෙනී කියනවා "අපේ බොරු යුධ සැලැස්ම සතුරාට යැව්වොත් අපි මේ මරණ දඬුවම ජීවිතාන්තය දක්වා බලහත්කාරයෙන් වැඩ ගන්න දඬුවමක් බවට පත් කරන්නම්" කියලා. ස්ටුවර්ට් "හරි කැමතියි" කියලා ඒ යුධ සැලැස්ම යවනවා. ඊටපස්සේ එයාලා සෙන්ටෝර් විශ්වයට පැනලා යනවා. පෙනීත් එයාලත් එක්කම ඒ ලෝකයට ඇදී යනවා. ඩෙනිස් ස්ටුවර්ට්ට කියනවා තව ලෝක 2කට එහාට යන්න කියලා. එයා එහෙම කරලා පෙනීව සෙන්ටෝර් විශ්වයේ දාලා එනවා.

ස්ටුවර්ට් සහ අනිත් අය ආපහු ගිහිල්ලා උපකරණය අරගෙන යුධ විශ්වයට එනවා. එතනදී අනිත් ලෝකවල ඉඳලා ආපු එයාලගේම වෙනත් රූප මුණගැහුණු නිසා, එයාලා ඉක්මනින්ම වෙනත් විශ්වයකට පනිනවා. අවාසනාවකට වගේ, මේකෙන් වෙන්නේ මෙයාලා කොමික් පොත් කඩේක තියෙන කොමික් පොතක කවරයේ හිරවීමයි. එපිසෝඩ් එක ඉවර වෙන්නේ මෙතනින්.