The Flash [S03 : E10] with Sinhala Subtitles | අනාගතයෙන් ප්‍රශ්නයක්.. [සිංහල උපසිරැසි සමඟ]

කට්ටියට ෆ්ලෑෂ් කියලා ටීවි සිරියස් එකක් තිබ්බා කියලත් මතකද දන්නේ නෑ නේද? ඇයි ඉතින් මාස එක හමාරක් විතර කතාව විකාශය වුනේ නෑනේ. ෆ්ලෑෂ් කට්ටිය නත්තලටයි අලුත් අවුරුද්දටයි නිවාඩු ගත්ත හින්දා අපිටත් ලොකු නිවාඩුවක් ලැබුනා. කොහොම හරි දැන් නම් ෂුවර් එකටම ගොඩක් අයට කලින් කොටසේ මොකද වුනේ කියලා මතක නැතිව ඇති නේද? හරි සුපුරුදු පරිදි කලින් කොටසේ වුන දේවල් ගැන අපි ටිකක් කතා කරමු.

ඉතින් ගිය සතියේ කොටස ලොකු ක්‍රොස් ඕවර් එකකට පස්සේ තිබුන අවසාන කොටස වුනා. ඒක කලින් කොටස් වලට වඩා ගොඩක් සුවිශේෂි කාගෙත් හිත් ඇදිලා යන විදියේ කොටසක් වුනා. වැදගත්ම දේ තමයි මිඩ් සිසන් බ්‍රේක් එක දෙන්න ඒ කොටස ගොඩක් ගැලපුනා. ඉතින් මුලින්ම අපිට බලාගන්න පුලුවන් වුනානේ ජුලියන් කොහොමද අර පාෂාණය හොයාගත්තේ කියලා. මට මතක විදියට නම් ගිය සතිය වෙනකන්ම ජුලියන් ඇමරිකාවට පිට රටක ඉදන් ආවා කියන කතාව හැරෙන්න වෙන මොකුත්ම අපි දැනගෙන හිටියේ නෑනේ. ඉතින් එයා ඇල්කමි චරිතයට කොයි විදියටද සම්බන්ද කියලා දැනගන්න ලැබුන එකත් වැදගත් දෙයක්. ජුලියන්ට එයාගේ හිතේ කටහඩක් ඇහුනම සිහිය නැති වෙලා ඇල්කමි වෙනවා කියලා අපිට දැනගන්න ලැබුනානේ. ඒ කියන්නේ ජුලියන් ඇගෙන්වත් හිතින්වත් ඇල්කමි වුනේ නෑ. එයාව සැවටාර් පාලනය කරන එක තමයි වෙන්නේ.

ඒ වගේම අපිට අලුත් දෙයක් දකින්න ලැබුනා. වෙන මොකුත් නෙවෙයි තුන්වෙනි ලෝකයේ ට්‍රික්ස්ටර්ව. මං හිතන්නේ එයා තමයි ෆ්ලෑෂ් කතාවේ හිටපු හිනායන විනෝදකාමි එකම සතුරා. එයාගේ තව කතා දෙක තුනක් තිබුනත් පාඩු නෑ. මොකද මං හිතන්නේ කවුරු වුනත් එයාට ගොඩක් කැමතියි. ට්‍රික්ස්ටර් ගැන කියද්දි මතක් වෙන අනිත් කෙනා තමයි ජේ. දැන් එයා ආයෙමත් තුන්වෙනි වතාවට තෙවැනි ලෝකයේ ෆ්ලෑෂ් විදියට කතාවට ආවා. ඒ නිසාම ආයෙමත් අපිට බෙරියි එයයි අතරේ පිය පුතු සම්බන්ධතාව බලාගන්න පුලුවන් වේවි. අනික ඒක ගොඩක් ගැලපෙන දෙයක් මොකද එයා කලිනුත් බෙරීගේ තාත්තා විදියට හිටියානේ.

ඔන්න කොහොමෙන් කොහොම හරි අන්තිමේට වොලි වෙස්ට් කිඩ් ෆ්ලෑෂ් වුනා. ගොඩක් කාලයක ඉදන් ඒ වැඩේ පස්සට දැම්මානේ. දැන් අපිට පළවෙනි ලෝකයේ කිඩ් ෆ්ලැෂ් කෙනෙක් ඉන්නවා. ඉතින් මේ දේ නිසා සිසන් එකේ ඉතිරි කොටස ගොඩක් පුදුමාකාර එකක් වේවි. මොකද වොලියි බෙරීයි එකතු කණ්ඩායමක් විදියට එකතු වුනානේ. ඒ කියන්නේ අත්දැකිම් තියෙන ස්පීඩ්ස්ටර් කෙනෙක් අලුත් කෙනෙක්ව එයාගේ යටතට අරගෙන එයාව පුහුණු කරන්නනේ යන්නේ. ඔයාලට මතක ඇතිනේ කලිනුත් මේ වගේ බෙරියි ජෙසියි එකතු වෙලා ස්පීඩ්ස්ටර් එකතුමුතුවක් හදාගත්තා. ඒ වගේම මේකත් පුදුමාකාර එකතුවක් වෙයි කියලා අපි හිතමු. ස්පිඩ්ස්ටර් එකතුව ගැන කතා කරද්දි වොලියි බෙරියි එකතු වුනේ වෙල්ස් නැත්නම් HR හින්දානේ. පේන විදියට දැන් අපිට ටික ටික මේ HRව හුරු වේගෙන එනවා වගේ. මොකද එයා වොලිත් එක්කත් එකතු වුනානේ.

කලින් කොටස නිසා මට නම් තවමත් පුදුම වෙලා ඉන්නේ සිසන් එකේ ඊලග කොටසක් ටික කොයි විදියට ඉවර වෙයිද කියලා. ඔයාලාටත් එහෙම හිතෙනවා නේද? මොකද අපිට අනිවාර්යයෙන්ම වොලිගේ වැඩ කිඩ ඉස්සරහට ගොඩක් බලාගන්න පුලුවන් වේවි, ඊටත් වඩා මම පුදුම වෙන දේ තමයි සැවටාර් ආපහු ආව එක. පේන විදියට මේ අයට අර විදියට කවදාවත්ම සැවටාර්ව පරද්දන්න වෙන්නේ නෑ. මොකද සැවටාර් ආයෙමත් මේ ලෝකයට ආවනේ. කොහොම වුනත් ෆ්ලෑෂ් අනාගතයට යන එක නම් ගොඩක් දුරට ස්ථිර දෙයක් වේවි. ඉතින් මේ දේවල් නිසා අපිට සැවටාරුත් ඉස්සරහට ගොඩක් දුරට බලාගන්න පුලුවන් වේවි. කොහොම වුනත් මට හිතෙන විදියට CW සුපිරි විරයන්ගේ කතා වල ඉන්න බය හිතෙන භයානකම සතුරා මේ සැවටාර් වේවි.

සම්පුර්ණයෙන්ම ගත්තම අපි ආස වුන අපි බලාපොරොත්තු වුන විදියේ පුදුමයක් එක්ක මිඩ් සිසන් අවසාන කොටස අපිට බලන්න ලැබුනා. ඉතින් ඒ නිසාම අපිට ඊලග කොටස කොයි වගේ වෙයිද? මේ කතාව මොන විදියටක ඉවර වෙයිද කියලා අපි හැමෝටම ලොකු ප්‍රශ්නාර්ථයක් මතුවෙනවා. ඉතින් කලින් සිසන් වල වගේම මේ සිසන් එකෙත් අපිට තියෙන එකම ප්‍රශ්නය තමයි නොදන්නා කෙනා අදුනාගන්න එක. ඉතින් ඇත්තටම මේ සැවටාර් කවුද? අපිට මේක ටික කාලයකින් දැනගන්න පුලුවන් වේවි. සමහර විට මේ සැවටාර් කියන්නේ බැරි වෙන්නමත් පුලුවන්. පුදුමයි නේද? ඒ යකඩ ඇදුම ඇතුලේ ඉන්නේ බෙරීගේ අනාගතය වෙන්නත් පුලුවන්. ඒක නම් ෂුවර්ම නෑ හැබැයි ඉතින් මේ සිසන් වල කරපු කියපු දේවල් එක්ක එහෙම වෙන්නත් බැරි නෑනේ නේද? ඔයාලව වැඩිය අවුල් කරන්න ඕනි නෑ. එහෙනම් වැඩි කතා බහක් නැතිව ඉලගට මොකද වෙන්නේ කියලා දැනගන්න මේ කොටස බලන්න…. . . ^_^

මීලඟ උපසිරසියෙන් හමුවෙන තුරු ඔබට ජය!

 

 

 

Due to copyright issues we don’t provide any torrent links.

 

The.Flash.2014.S03E10.720p.HDTV.2CH.x265.HEVC-PSA

ලබා දී ඇති උපසිරසි ඉහත පිටපත සඳහා අදාළ වේ.

10,520 downloadsDownload The-Flash-S03E10.zip33 KB

 

https://d36zzuvfojr38z.cloudfront.net/wp_content/uploads/2016/10/KavinduGimhanaNew2-e1477619758745.jpg මේ ලබා දී ඇති සිංහල උපසිරැසි පිළිබද “කවිඳු ගිම්හාන් (පැතුම්)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

<< Previous Episode                  All Episodes                      Next Episode>>