Inside Edge [S03 : E04] Sinhala Subtitles | අඳුරෙන් එළියට.. [සිංහල උපසිරසි]

ආයුබෝවන්! ඔන්න අපි හතරවෙනි කොටසටත් ආවා. මම මුලදිම කීවනේ, මේ සීසන් එක සෑහෙන්න අතීතය පදනම් කරගත්ත එකක් කියලා. ඉතින් මෙන්න අපිට ආයෙත් අතීතෙට යන්න අවස්ථාවක්. දැන් කවුද මේ අඳුරෙන් එළියට එන්න හදන්නේ? පළවෙනි සීසන් එකේදි සෑහෙන තරම් කළු චරිතයක් වෙච්ච, දෙවෙනි සීසන් එකේ ඉඳලා අළු චරිතයක් බවට පත්වුණ දෙවෙන්දර් මිෂ්රා. දෙවෙන්දර් කළු චරිතයක් වුණේ ඇයි කියන එක මේ කොටසෙන් ඔයාලට දැනගන්න පුළුවන්.

තවත් අලුත් චරිතෙකුත් කතාවට එකතු වෙනවා මේ කොටසෙදි. කවුද කියලා නොකියා ඉන්නම්. ඒත් මතක තියාගන්න, මෙයා ඉස්සරහට කතාවෙ සෑහෙන බරක් දරන චරිතයක්. රංගනයෙන් දායක වෙන්නෙ Sidhant Gupta. ඔයාලා Bhoomi (2017) හින්දි ෆිල්ම් එක බැලුවනම් මෙයාව ටිකක් හරි මතක ඇති.

ඔය අතරෙ තරඟ පාවාදීම ගැන රෝයි කොමිසමේ විමර්ශන අවසන් වෙනවා. ඒ තීරණය මොන වගේ වෙයිද? වැරදිකාරයොන්ට දඬුවම් ලැබෙයිද?

මේ හැම ප්‍රශ්නෙකටම උත්තර මේ කොටසෙන් දැනගන්න පුළුවන්.. මේකේ රචනය Nidhie Sharma සමඟ Karan Anshuman. අධ්‍යක්ෂණය Kanishk Varma විසින්.

ඔයා තාමත් මේ කතාමාලාව එක්ක එකතු නොවුණ කෙනෙක් නම්, පළවෙනි සීසන් එකේ ඉඳලම එන්න කියලා ආරාධනා කරනවා. කතාවෙ ඇත්තම අර්ථය වගේම ඒකෙ සිද්ද වෙන පරිවර්තන ගැන හරි අදහසක් ලැබෙන්නෙ එතකොටයි.

පස්වෙනි කොටසෙන් හමුවෙමු.