Money Heist aka La casa de papel [S01 : E01] Sinhala Subtitles | නොනිමි මංකොල්ලයක ආරම්භය… [සිංහල උපසිරැසි සමඟ] (18+)

ඔන්න එහෙනම් මාසයක පමණ විරාමයකින් අනතුරුව මේ පැත්තට ආවේ එසේ මෙසේ භාණ්ඩයක් නොව සුපිරිම භාණ්ඩයක් රැගෙනයි. සමීර කරුණාරත්න සහෝ අතින් මට බාර වුන, ඔහු ඇලුම් කල, නමුත් නිසැකවම ඊටවඩා ඔබ, මා ඇලුම් කරන ටෙලි කතා මාලාවක් එක්ක එකතු වෙන්නයි මේ සූදනම.

ගොඩක් දෙනෙක්ට භාෂා ගැටලුව නිසා මගහැරුන, පට්ටම පට්ට කතා තේමාවක් රැගත්, ස්පාඤ්ඤ කතා මාලවක් ලෙස ඉපිද පසුව නැවතත් Netflix හරහා ඔබ සමීපයට පැමිනි “LA CASA DE PAPEL” නොහොත් “Money Heist” කතා මාලාව ඔබ වෙත දිග හරින්නයි මේ සුදානම.

IMDb දර්ශකයේ  (8.7) හොඳම ටෙලි කතාවන් අතර #132 ස්ථානයේ වැජඹෙන, කුණු තක්කාලි 🍅 දර්ශකයේ 89% ක ප්‍රතිචාර ලබා ඇති මෙම කතා මාලව සම්මාන උළෙල 14කදී විවිද අංගයන් උදෙසා නාමයෝජනා ලබා ඉන් සම්මාන 3ක් දිනාගන්නට සමත් වී ඇත. ඒ අතර 2017 වසරේ ස්පාඤ්ඤ Atv සම්මාන උළෙලේදී Iris Award Best Screenplay වෙනුවෙන් සම්මාන හිමිකර ගන්නට සමත්වූවා. එමෙන්ම 2018 වසරේ Feroz සම්මාන උළෙලේදී හොඳම කතා මාලාව වෙනුවෙන් නාම යෝජනා ලැබුවා පමනක් නොව 2018 වසරේ ජනතා මනපයෙන් ජනප්‍රියම කතා මාලාව වන්නට සමත්කම් පෑවා.

මෙසේ සම්මාන හිමිකරගත් කතා මාලාවේ අධ්‍යක්ෂවරුන් 5 දෙනෙකු සිටීමත් සුවිශේෂීත්වයක්. ඔවුන් පිළිවලින් Jesús Colmenar,Alex Rodrigo, Alejandro Bazzano, Miguel Ángel Vivas,Javier Quintas.කතා මාලාව ලියවෙන්නේ 7 දෙනෙකුගේ අතින් වීමත් විශේෂයක්.

මංකොල්ල කරුවන් අට දෙනෙකුට මාස පහක සැලසුමක් වූ ද, මහ මොළකරුට අනුවනම් ජිවිත කාලයක සැලසුමක් වූ, කතා සමයන් දෙකක් පුරාවට ඔබ‍ට දැකගත හැකි වේවි… විශේෂයෙන් කියන්න ඕන කතා මාලා දෙකක් වෙන්නේ Netflix ලොව පුරා බෙදාහැරීම නිසාවෙන් මතක ඇතුව ඒ පිටපතම ලබාගන්න. Atv නාලිකාවේ විකාශය වුනේ තනි කතා සමයක් හැටියට ඒ කොටසක් මිනිත්තු 90 ක් වගේ දිගයි, නමුත් අපි ඔබට ලබා දෙන උපසිරස ගැලපෙන්නේ මිනිත්තු 45 ක Netflix බෙදා හැරීම සිද්ධ කල කොටස්වලට.

ඉතින් මෙතෙක් සිනමාව පුරාම බැංකු, දුම්රිය, දියමන්ති, රැදවුම් සේප්පු වැනි දේ මංකොල්ලකෑම් කල අවස්ථා විශිෂ්ඨ ලෙස පෙන්වූ අවස්ථා ඕන තරම් තියන එකේ, මේ කතාව ඉන් පොඩ්ඩක් එහාට, පොඩ්ඩක් කිව්වට යූරෝ බිලියන ගණනක් එහාට යන්න සුදානම් කතාවක්.

මතකද දන්නේ නැහැ ටික කාලෙකට කලින් ශ්‍රී ලාංකේය ප්‍රේක්ෂකයන් බොහොම ආදරයෙන් වැලද ගත්ත “කුඹියෝ” ටෙලි කතා මාලාව, විශිෂ්ඨ සැලසුමක් එක්ක දියත් වුන සුපිරි මෙහෙයුමක් වීම නිසාවෙන්ම, ඔබ අපි හැමෝම බොහොම ආදරයෙන් ඒ විශිෂ්ඨ දේශපාලන කොල්ලය වැලද ගත්තා ඉතින් මේ ආරාධනය ඒ වගේ එක්කෝ ඊටත් එහාගිය කියමුකෝ…. සැලසුමක් එක්ක විශිෂ්ඨ ක්‍රියාදාම සපිරි කොල්ලයක් එක්ක එකාසු වන්නයි…

වරක ඉඳන් හිටි තැන් වලින් ඉබේ නැගිටවෙන, වරක ඔබට ඊළඟ නිමේෂය අනුමාන කල නොහැකිව අන්ද මන්ද වී යන නමුත්, සෑම ක්‍රියාවකටම පෙර සැලසුම් කල විකල්ප සැලසුම් හිමි, තවත් විටක පොලීසිය අල්ලේ නටවන, විටක ජාත්‍යන්තර අවදානය ලබන මංකොල්ලයක් කෙසේ නරඹා නොසිටින්නද ?

බර්ලින්, ටෝකියෝ, රියෝ, ඩෙන්වර්, මොස්කව්, නයිරෝබි. හෙල්සිංකි, ඔස්ලෝ…… මේ නම් ටික කියවනකොට ඔබට හිතුනාද මට වැරදිලා ලෝක සිතියමේ ඇති නගර වල නම් ලියලා කියලා. නැහැ , මට නෙමේ ඔබටයි වැරදුනේ… මේක අන්න එහෙම ජාතියේ කතාවක්. හැමවිටම තමන් හිතනවාට වඩා යමක් ඒ සැලසුම තුල තිබෙනවා. ඒ තරම් සුපිරි මොළකරුවෙක්ගේ සැලසුමකට හා පුහුණුවකට අනුව සිදුවන ත්‍රාසය, කුතුහලය, ක්‍රියාදාම, ආදරය, විරහව, පලි ගැනීම, බුද්ධිය, +18 කැටි කොටගත් මුදල් මංකොල්ලයක පහස විදගන්න ඔබත් දැන් හොඳ හැටි සූදානම් ඇති නේද ?

කතා සමයේ ආරම්භයේදීම මංකොල්ලයේ තතු කියනවාට වඩා ඊළඟට කොටසින් විස්තර කරන එක හොඳයි. මොකද මේ කතා මාලාව ආරම්භයේ පටන්ම සෑම කොටසක්ම කුතුහලයෙන් පරිපුර්ණයි. දැනට නිකුත් වී ඇති Netflix එකක් නිසාවෙන් පලමු කතා මාලාවේ කොටස් 13ම උපසිරැසි ඉක්මනින්ම ලබා දෙන්න පොරොන්දු වෙනවා. කිසිදු බාධාවකින් තොරව මෙම කතා මාලාවේ වීඩියෝ පිටපත් අපගේ බයිස්කෝප් ඩවුන්ලෝඩ් අඩවියෙන් ඔබට ලබාගත හැක.

එමෙන්ම මේ කතා මාලාව ස්පාඤ්ඤ භාෂාවෙන් නිකුත්වුන කතා මාලාවක් නිසාවෙන් වෙනත් ඉංග්‍රීසි කතා මාලාවන් මෙන් නොව ඔයාලට සමීප කරන්න සෑහෙන කාලයක් මහන්සියක් ගන්නට සිදුවුවා. මෙහි ප්‍රධාන වශයෙන් ස්පාඤ්ඤ, රුසියානු, ඉංග්‍රීසි, සර්බියානු භාෂා ඇතුලත්. එම නිසාවෙන් ගොඩක් වෙලාවට ඉංග්‍රීසි භාෂාව සමග අසා ලිවීමක් කරන්නට සිදුවුනේ භාෂා පරිවර්තනයේ ඇති තාක්ෂණික දෝෂ නිසාවෙනි.

අවසාන වශයෙන් මෙහෙම කියන්නම්, මෙතෙක් නිර්මාණය වුන හොඳම මංකොල්ලයක් ගැන කියවෙන කතා මාලාවක් බලන්න ඔබ කැමති ද? එහෙනම් ආයේ දෙපාරක් හිතන්න එපා PSA පිටපත් තියනවා ගිහින් බාගන්න, ඔබට කතා සමයන් දෙකම උපසිරසකරණයේ මහ ගෙදරින් ලබා දෙන්න සූදානම්.

භාෂාවන් ගොන්නක් කිව්වට බය වෙන්න එපා, කතාවට කල හැකි උපරිම සාධාරනය ඉෂ්ට කරන්න උපරිම වෙහෙස දැරුවා.. යම් වැරදි අඩුපාඩුවක් ඇතොත් සමාවෙන්න. එහෙනම් ගිහින් එන්නම්. දෙවන කොටසින් හමුවනතුරු ජය…!!! 😉✌

ප:ලි:

මෙම කතා මාලාවේ සිංහල උපසිරැසි නිමවා ඇත්තේ ස්පාඤ්ඤ භාෂාව සඳහා වන අතර, නමුත් KM Player එක හරහා මෙය නැරඹීමේදී ස්වයංක්‍රීයව ස්පාඤ්ඤ භාෂාව ඉංග්‍රීසි භාෂාවට හුවමාරු වන නිසාවෙන් යම් අපහසුතා පැන නැගිය හැක. එය උපසිරැසියේ දෝෂයක් නොව තාක්ෂණික දෝෂයක් බව කරුනාවෙන් සලකන්න. වෙනත් Player එකක් තුලින් නැරඹීමේදී එසේ සිදුවන්නේ නැත.එම නිසාවෙන්, මෙය ස්පාඤ්ඤ භාෂාවෙන් නිවැරැදිව සිංහල උපසිරැසි සමග නැරඹීමට Pot හෝ Vlc player භාවිත කරන්න.

අවසාන වශයෙන් මෙය ස්පාඤ්ඤ භාෂාවෙන් නිකුත් වුන වීඩියෝ පිටපතට කල සිංහල උපසිරැසි ගැන්වීමක් වන අතර ඉංග්‍රීසි හඬ කැවූ වීඩියෝ පිටපත සමග 100% සමමුර්ථ නොවේ.

 

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි WEB පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “තරිඳු ගමගේ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2018-03-30
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.