A Separation (2011) | වෙන්වීම [සිංහල උපසිරැසි සමඟ]

ප්‍රධාන වශයෙන් අපේ අවධානයට ලක් වන්නේ ඉංග්‍රීසි, හින්දි, දමිළ චිත්‍රපටයි. එහෙත් මෑතක ඉඳන් තෙළිඟු, කොරියානු, තායි, ඉන්දුනීසියානු වගේ වෙනත් භාෂා කෘතීන්ද ලංකාවේ ජනප්‍රිය වුණා. එයින් ඇතැම් නිර්මාණ සිංහල සිනමා ලෝලියා අතරට ගෙන යෑමේ ලා බයිස්කෝප් අඩවිය සුවිසල් කාර්යභාරයක් ඉටු කළ බව කවුරුත් දන්නවා.

ඉරානය යනු දීර්ඝ ඉතිහාසයකට උරුමකම් කියන රාජ්‍යකි. අතීතයේ ලොව පුරා ව්‍යාප්ත වුණ ආර්යන්ගේ නිජභූමිය ඉරානය ආශ්‍රිත එකළ පර්සියාව ලෙස හැඳුන්වූ ප්‍රදේශයයි. සෙසු මුස්ලිම් රාජ්‍යන්ගෙන් වෙනස් වූ සෞන්දර්යාත්මක සංස්කෘතියක් ඇති ඉරානය අදද ඉහළ බුද්ධිමතුන් පිරිසක් ජීවත් වන රටකි. කුමේනි පාලනය අයටතේදී විටක අධ්‍යක්ෂකවරු සිරගත කිරීම්, ඇතැම් විට චිත්‍රපට අධ්‍යක්ෂණය වාරණය කිරීම් වගේ දැඩි ක්‍රියාමාර්ග හමුවේද ඉරාන සිනමාව පුළුල් ජාත්‍යන්තර අවධානයකට ගෙන ගිය සිනමා කෘතියකි මේ.

A separation යනු පර්සියානු භාෂාවෙන් නිපැයුණු IMDb Ratings 8.5 වැනි ඉහළ අගයක් ලබා ගෙන ඇති ඉරාන චිත්‍රපටයකි. Top 250 #106 | Won 1 Oscar හොඳම විදේශ චිත්‍රපටයට හිමි ඇකඩමි සම්මානය, Golden Bear, Golden Globe සම්මාන අතුළුව විවිධ අන්තර්ජාතික සම්මාන 80 කට ආසන්න ප්‍රමාණයක් හිමි කරගත් මෙය 2011-2012 කාල වකවානුවේදි වැඩිපුරම ජාත්‍යන්තර අවධානයටපත් වුණ විදේශ භාෂා සිනමා කෘතියයි.

චිත්‍රපටය අධ්‍යක්ෂණය කරන්නේ Asghar Farhadi කියන සිනමාවේදියා විසින්. Leila Hatami, Peyman Moaadi, Shahab ආදී ඉරාන සම්භාව්‍ය රංගනවේදීන් පිරිසක් දායක වෙන මෙම නිර්මානය මධ්‍යම පාන්තික උගත් ඉරාන පවුලක් මූලික කරගනිමින් නිර්මාණය කෙරී ඇත.

ගුරුවරියක් වන සිමින් හට විදේස් ගත වීමට අවශ්‍ය වෙයි. මේ තීරණයට ඇයගේ සැමියා වන නදර් අකමැති වන්නේ Alzheimer නම් මොළය සම්බන්ධ මානසික ආබාධයකින් පෙළෙන තම පියාව තනි කර විදෙස් ගත වීමට නොහැකි හේතුවෙන්. මොවුන්ගේ මතබේදය දික්කසාදය දක්වා දුර දිග ගොස් ඇති අවස්ථාවකින් චිත්‍රපටය ආරම්භ වෙන්නේ. සිමින් නිවස හැර යයි. මේ අතර තම පියාව හා ගෙදර කටයුතු කිරීමට සේවිකාවක් නදර් විසින් ගන්නවා.

දිනක් නදර් හා දුව නිවසට එනකොට දොර ලොක් කරලා තාත්තාව ඇඳේ ගැට ගහලා සේවිකාව පලා ගොස්ය. කොහොමවුණත් ඇය ආපසු ගෙදරට එනවා.සිදුවූ දෙය පිළිබද දැඩි කෝපයකින් සිටි නදර් ඇයට දැඩි දෝෂාරෝපනය කර නිවසින් එලවා දමනවා. ඒ අතර ඇයව දොරින් එළියට තල්ලු කිරීමේදි පඩි පෙලේ ලිස්සා ගොස් ඇයට ලැබෙන්න සිටිය දරුවා මිය යනවා.

මිනී මැරීමේ චෝදනාවට ශරියා නීතිය යටතේ නඩුව විභාග කෙරෙනවා. සිමින් හා නදර් නැවත් එක් වෙයිද නදර් ට මරණ දණ්ඩණය ලැබෙයිද කියලා දැන ගන්න ෆිල්ම් එක බලන්න වෙනවා. මව්පියන්ගේ වෙන්වීම දරුවන්ට බලපාන හැටි මෙන්ම නීතිය හා සමාජ ක්‍රමයේ අසාධාරනත්වය ආදිය කතා තේමාව තුළ ප්‍රශ්න කිරීමට අධ්‍යක්ශකවරයා සමත් වෙලා තියෙනවා.

 

 

710 MB (BR) කොපිය මෙතනින් බාගන්න 36e390cffc71d8a1b113523403d3928b05f0b29f 760 MB (BR) කොපිය මෙතනින් බාගන්න 55a3e3b26b2dfd2c59c50f801af2216e81734d73 ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ්  (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

1,728 downloadsDownload A-Separation-2011.zip103 KB

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “හිරුෂාන් ෆර්නෑන්ඩු” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.