Anaconda (2025) Sinhala Subtitles | හොලිවුඩ් හීනයක් වෙනුවෙන් ඇනකොන්ඩා. [සිංහල උපසිරැසි]

2025 වසරේ නිකුත් වුණු “Anaconda” චිත්‍රපටය ගැන සවිස්තරාත්මකව කියනවා නම්, මේක අපි 1997 දී දැකපු Jennifer Lopez සහ Ice Cube හිටපු ඔරිජිනල් ෆිල්ම් එකේ සාමාන්‍ය රීමේක් (Remake) එකක් නෙවෙයි. මේක හොලිවුඩයේ අලුත් ට්‍රෙන්ඩ් එකක් වන “Meta-Comedy” ආරේට හදපු, ෆිල්ම් එකක් ඇතුළේ ෆිල්ම් එකක් හැදෙන හැටි පෙන්නන පට්ට ආතල් කතාවක්. සරලවම කිව්වොත්, මේක ත්‍රාසය, විනෝදය සහ මිත්‍රත්වය එකට කැටි වුණු වෙනස්ම විදියේ වැඩක්.

මේ ෆිල්ම් එකේ ප්‍රධාන චරිතය තමයි ඩග් මැකැලිස්ටර් (Doug McAllister). මෙයා සාමාන්‍ය ජීවිතේ වෙඩින් වීඩියෝ කරන වීඩියෝග්‍රැෆර් කෙනෙක්. හැබැයි මෙයාට තියෙනවා හීනයක් කවදාහරි තමන්ගෙම කියලා ලොකු හොලිවුඩ් චිත්‍රපටයක් හදන්න. ඉතින් මෙයා මැදිවියේ අර්බුදයකට (Mid-life crisis) මුහුණ දීලා ඉන්න එයාගේ පරණ යාළුවො සෙට් එකක් එකතු කරගන්නවා. ඒ තමයි නළුවෙක් වෙන්න හීන දකින ග්‍රිෆ් (Griff), නිළියක් වෙන්න ආස ක්ලෙයාර් (Claire) සහ කැමරාමන් කෙනී (Kenny). ඩග් මේ කට්ටියට බොරුවක් කියලා, ඒ කියන්නේ එයාට “Anaconda” ෆිල්ම් එක රීබූට් කරන්න අයිතිය තියෙනවා කියලා, කට්ටියවම බ්‍රසීලයේ ඇමසන් වනාන්තරයට එක්කගෙන යනවා.

​එහේදී එයාලා “ඇනා” (Anna) කියලා බෝට්ටු නායිකාවක් හම්බෙනවා. හැබැයි වැඩේ කියන්නේ, එයාලා හිතාගෙන ගිය විදියට නෙවෙයි වැඩේ වෙන්නේ. ඇනා කියන්නේ නිකන්ම ගයිඩ් කෙනෙක් නෙවෙයි, රත්තරන් ජාවාරම්කාරියක්. අන්තිමේදී මේ යාළුවො සෙට් එකට සිද්ධ වෙනවා පොඩි සර්පයෙක් එක්ක ෆිල්ම් එකක් කරනවා වෙනුවට, ඇමසන් කැලේ ඉන්න ඇත්තම යෝධ ඇනකොන්ඩාවෙක් එක්ක සටන් කරන්න. මේක ඇතුළේ එයාලගේ පරණ තරහ මරහ, ආදර සම්බන්ධතා සහ ජීවිතේ අතපසු වුණු හීන ගැන ලොකු කතාවක් දිගහැරෙනවා.

මේ ෆිල්ම් එකේ විශේෂත්වය තමයි මේකේ රඟපාන සුපිරි නළු කැල. හොලිවුඩයේ ප්‍රහසන රජවරු දෙන්නෙක් වන Paul Rudd සහ Jack Black තමයි මෙහි ප්‍රධාන චරිතවලට පණ පොවන්නේ. Paul Rudd – ඩග් මැකැලිස්ටර් (Doug) ගේ චරිතයට පණ පොවනවා. (කණ්ඩායමේ නායකයා සහ වෙඩින් වීඩියෝ ශිල්පියා). ​Jack Black – ග්‍රිෆ් (Griff) ගේ චරිතය නිරූපණය කරයි (හිටපු නළුවා සහ ඩග්ගේ හොඳම මිතුරා). Daniela Melchior (The Suicide Squad එකේ හිටපු) – ඇනා (Anna) ගේ චරිතයට පණ පොවයි. මෙම චිත්‍රපටය අධ්යක්ෂණය කර තිබෙන්නේ Tom Gormican විසින්. (මෙයා තමයි Nicolas Cage හිටපු “The Unbearable Weight of Massive Talent” ෆිල්ම් එකත් කළේ. ඉතින් ඒ වගේම ආතල් එකක් මේකෙත් තියෙනවා). සාරාංශයක් විදියට ගත්තොත්, මේක පරණ ඇනකොන්ඩා ෆිල්ම් එකට කරපු අපහාසයක් නෙවෙයි, ඒකට ආදරේ කරන ෆෑන්ස්ලා වෙනුවෙන් හදපු ආතල් ට්‍රිබියුට් එකක්. යාළුකම, පිස්සු වැඩ සහ සර්පයෝ මැද්දේ යන මේ ගමන ඇත්තටම බලන්න වටින එකක්.

තව දෙයක් මතක් කරන්න ඕනි මේ චිත්‍රපටය නිකුත් උනේ දෙසැම්බර් 26 වෙනිදා, උපසිරැසිය ගෙනාවේ ජනවාරි හත් වෙනිදා. ඒ නිසා තවම හොඳ කොපියක් නිකුත් වෙලා නැහැ. හදිස්සිකාරයන්ට බලන්න පුලුවන් කැම් කොපියක් තමයි මේ. කැම් කොපියක් උනාට බලන්න පුලුවන් තත්වයේ තියෙනවා. හොඳ කොපියක් ආපු සැනෙන්ම අප්ඩේට් කරන්නම්.

 

 

 

Due to copyright issues, we no longer provide any torrent links.

Anaconda.2025.1080p.TELESYNC.x264-SyncUP

මෙම ලබා දී ඇති උපසිරස ඉහත පිටපත සඳහා පමණක් ආදාළ වේ.

3,927 downloadsDownload Anaconda.2025.zip50 KB

 

 

මේ ලබා දී ඇති සිංහල උපසිරැසි පිළිබද “යසිරු හසරංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

SILVER MEMBER
JOINING DATE – 2015-10-23

SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.