Defiance (2008) with Sinhala Subtitles | සදා නොමැකෙන යුදෙව්වන්ගේ අරගලය… [සිංහල උපසිරැසි සමඟ]

ඕගොල්ලො හැමෝම හොඳට දන්නවා ඇතිනෙ දෙවෙනි ලෝක යුද්ධය ගැන. යුද්ධයේ මුල් කාලයේදී කාටවත් හිතාගන්න බැරි විදිහට ජර්මනිය යුරොපයේ ගොඩක් රටවල් යටත් කරගත්තා. එහෙම යටත් කරගත්ත එක රටක් තමයි “බෙලරුසියාව” කියන්නේ. අල්ලගත්ත රටවල් හැම එකකම හිටිය යුදෙව්වෝ අල්ලගෙන එක්කො මරලා දාන එක හරි, ඒ අය නොයෙකුත් වැඩ කරවගන්න යොදන එක හරි තමයි ඒ දවස් වල පිස්සු ජර්මන් කාරයො කළේ. ඉතින් බෙලරුසියාවේ හිටපු යුදෙව්වන්ටත් සිද්ධ වුණේ ඒ සන්තෑසියම තමයි.

තුවියා බෙල්ස්කි, සූස් බෙල්ස්කි, අසායෙල් බෙල්ස්කි සහ ඒ වෙනකොට අවුරුදු 14 ක් වගේ වුණු පොඩි අරොන් බෙල්ස්කි කියන්නෙ ඒ දවස් වල බෙලරුසියාවෙ හිටපු සහෝදරයන් හතර දෙනෙක්. ජර්මන් කාරයො ඇවිල්ලා මේගොල්ලොන්ගෙ මුළු පවුලයි, ගමමයි මරලා ගොඩ දෙනෙක් පැහැරගෙන යනවා. ඉතින් මේ අය ඒ වෙලාවෙ හැංගිලා හිටියා හින්දා බේරිලා, කැලෑවට පැනගන්නවා. එතනින් තමයි මේ කතාව පටන් ගන්නෙ.

කැලෑවෙදි මේ අයට තවත් මේ අය වගේම ජර්මන් කාරයොන්ගෙන් බේරිලා පැනලා ආපු යුදෙව්වන් එකතු වෙනවා. ඉතින් මේ අයගෙ ජීවිත ටික විතරක් බේරාගන්නෙ නැතුව ඔවුන්ට එකතු වුණ සෑම දෙනෙකුගෙම ජීවිත මේ සහෝදරයො බේරාගන්නවා. සහෝදරයො වුණාට හැම වෙලේම අයියලා කියන දේ අහන්නත් බෑනෙ, ඉතින් මේ සහෝදරයනුත් වෙලාවකට මත ගැටුම් ඇති කරගන්නවා. නමුත් ඒ සියල්ලම අවසානයේදී සමථයකට පත් වෙනවා. කොච්චර කරදර ආවත්, මැරෙන්නම යන අවස්ථා ගණනාවක්ම ආවත් මේ කට්ටිය යුද්ධය ඉවර වෙනකම් බේරිලා ඉන්නවා විතරක් නෙවෙයි, තවත් 1200 දෙනෙකුගෙම ජීවිත බේරගන්නවා. ඒ බේරුණු අයෙගෙන් අද දක්වා පැවතගෙන ආපු ඒ අයගෙ දරු මුණුබුරුන්ගේ ගාන හදලා බැලුවොතින්, දසදාස් ගානක්. ඉතින් ලේසි පාසු පිනක් නෙවෙයි මේ සහෝදරයෝ ටික කරගත්තේ.

මේ කතාවෙ ක්‍රියාදාම ජවනිකා කිහිපයක් තිබුණත් මේ චිත්‍රපටය ක්‍රියාදාම (action) පැත්තට වැඩිය බර නැහැ. පාඩුවෙ ලස්සනට ගලාගෙන යන ආකාරයක් තමයි තියෙන්නෙ. චිත්‍රපටියෙ සංගීතය නියමෙට විත්‍රපටියට ගැළපෙනවා. බොහොම සංවේගජනක සංගීතය නිකන් අපිව ඇත්තටම ඒ යුගයට අරන් යනවා වගෙයි. මේක වැඩිය ප්‍රසිද්ධ නොවුණත්, ලොකු Box Office වාර්තාවක් පිහිටුවේ නැතත්, මගේ ආසම කරන චිත්‍රපට අතරින් එකක් තමයි මේ Deifiance චිත්‍රපටිය. විශේෂම කරුණ වෙන්නෙ අනෙක් ෆිල්ම් වල ඉන්න වීරයෝ වගේ නෙවෙයි මේ අය සැබෑවටම ජීවත් වුණු අය. ඒ වගේම චිත්‍රපටියෙ සිද්ධ වෙන දේවල් ඇත්ත ලෝකෙ කලින් සිද්ධ වෙච්ච දේවල් වීමයි. ඉතින් මම නම් කියන්නෙ ඔගොල්ලො නැරඹිය යුතුම චිත්‍රපටියක් තමයි මේක.

මීට පෙර පළකල ලිපිය.
මෙන්න බලනව නම් නියම ෆිල්ම් එකක්..ලෝක යුද්ද කාලයෙ සරණාගතයන් පිරිසක් දිවි රැකගන්නට දරන උත්සාහයක් මෙමගින් පෙන්වන අතර ඇත්තටම හදවතට කතා කරන චිත්‍රපටයක් ලෙස හැදින්විය හැක..අපූර්වත්වය වන්නේ මෙය සත්ය කතාවක් පසුබිම් කරගෙන නිපදවූවක් වීමයි..මිනිසුන්ගේ ජීවිතයට වටිනාකමක් නොලැබුන යුගයක අවතැන් වූවන් තම දිවි රැකගැන්මට දරන වෙහෙස මෙමගින් මනාලෙස නිරූපනය කෙරේ..කොමඩි,හොරර් ෆිල්ම් අල්ලනේ නැති අයට වගේම ෆිල්ම් එකක් බලා ඇත්තටම ජීවිතයට යමක් එකතුකරගැන්මට හැකි අයට ගැලපෙන නිර්මාණයකි..(මම බලපු හොදම ෆිල්ම් එකක් කියන්නත් පුලුවන්)ඉඩක් ලැබුනොත් බලන්න..ඇත්තටම එළ ෆිල්ම් එකක්!!

 

 

 

Due to copyright issues, we do not provide any torrent links.

 

Defiance (2008) 720p x264 600MB – YIFY

මෙම ලබා දී ඇති උපසිරසි ඉහත පිටපත සඳහා අදාළ වේ.

2,043 downloadsDownload Defiance-2008.zip206 KB

 

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “පුලස්ති විජේසිංහ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.