My Neighbor Totoro AKA Tonari no Totoro (1988) with Sinhala Subtitles | කැලයෙන් පැමිණි මිතුරැ භූතයා [සිංහල උපසිරසි සමඟ]

සුභ දවසක් ඔබ සියලු දෙනාට. මේක මගේ 9 වෙනි සබ් එක. මීට දවස් කීපෙකට උඩදි තමා මං මේ චිත්‍රපටය නැරඹුවේ. නරඹද්දිම මං මේ වෙනුවෙන් සබ් එකක් හදාගෙන ගියා. ඉතිං දවස් 2ක් වගේ පොඩි කාලයකදි මට මේක ඉවරකරගන්න ලැබුනා. වෙනසකටත් එක්ක තමා මං මේ වතාවේ ඇනිමේෂන් ෆිල්ම් එකක් දෙන්න හිතුවේ. ඇත්තටම මේ චිත්‍රපටය කුඩා ළමුන් සඳහා නිර්මාණය වුවක්. ඒත්  වයස් භේදයකින් තොරව ඕන කෙනෙක්ට මේක රසවිඳින්න පුළුවන්.

මේ චිත්‍රපටය ජපානයේ නිෂ්පාදනය වුවක්. මෙය තිරගත උනේ 1988දී. ඇත්තටම ජපන් ඇනිමේෂන් චිත්‍රපට සාමන්‍යයෙන් අපි එදිනෙදා දකින කාටූන් චිත්‍රපට වලට වඩා තරමක් වෙනස්. ඉතා අලංකාර රෑප රාමු, ලස්සන සාම්ප්‍රදායික සංගීතය, ආදර්ෂමත් කතාවක් යන මේ සියළු ගුණාංග කැටි කරගත් ඉහල මට්ටමේ නිර්මාණ ලෙස ඒවා අර්ථ දක්වන්න පුළුවන්. මීට පෙර බයිස්කෝප් වෙබ් අඩවිය මගින් ලබා දී තිබෙන Spirited Away, Grave of the Fireflies, Princess Mononoke වැනි ජපන් ඇනිමේෂන් චිත්‍රපට ඔබ නරඹලා තියෙනවනම් ජපන් ඇනිමේෂන් චිත්‍රපටවල ඇති විශිෂ්ටත්වය ගැන ආයි අමුතුවෙන් කතා කරන්න අවශ්‍ය නෑ. මෙය සුපිරි IMDB අගයක් ලබාගෙන තිබෙනවා. 8.2ක් වැනි ඉහල IMDB අගයක් ලබාගෙන IMDB දර්ෂකයේ 127 වෙනි තැන පසුවෙනවා. ඇත්තටම කිව්වොත් IMDB හොඳම චිත්‍රපට 250 ලැයිස්තුවේ ඇනිමේෂන් චිත්‍රපට තිබෙන්නෙ 19ක් පමණයි. ඒ අතරින් 7ක්ම ජපන් ඇනිමේෂන් චිත්‍රපට. එමෙන්ම මෙම චිත්‍රපටය ජපානය තුළදි සම්මාන ගණනාවක් හිමි කරගෙන තිබෙනවා. මං මෙයට සබ් එක හැදුවේ ඉතා හොඳ කොලිටියක් තිබෙන 720P බ්ලුරේ කොපියකට අදාලව. එය නම් පසුකාලීනව ඉංග්‍රීසි භාෂාවෙන් හඬ ගැන්වුවක්.

මේකේ කතාව ගැන නම් එච්චර විස්තරයක් කරන්න අවශ්‍ය නෑ. මොකද මෙහි අන්තර්ගත වෙන්නෙ ඉතාම සරල කතන්දරයක්. කුඩා දියණියන් දෙදෙනෙක් සිටින පවුලක් වටා තමයි මේ චිත්‍රපටය නිර්මාණය වී තිබෙන්නෙ. මොවුන්ගෙ මව අසනීප වී රෝහල් ගත වී සිටිනවා. පසුව මොවුන් දෙදෙනා සිය පියාත් සමගගම්බද පෙදෙසක පදිංචියට යනවා. එහිදි ඔවුන්ට මුහුණ දීමට සිදුවන අත්දැකීම් සමූහයක් වටා තමයි මේ චිත්‍රපටය නිර්මාණය වී තිබෙන්නෙ. ඇත්තටම මං මේ සබ් එක හැදුවේ කුඩා ළමයින් වෙනුවෙන්. ඒ නිසාම මේකේ භාෂාව ගොඩාක් සරල විදියට තියෙන්න ඇරියා. ඇත්තටම මේක පවුලේ හැමෝටම එකට රසවිඳින්න පුළුවන් බොහොම අහිංසක නිර්මාණයක්. ඉතිං ඔයාලත් වෙනසකටත් එක්ක මේ වගේ නිර්මාණයක් රස විඳිවි යැයි කියා බලාපොරොත්තු වෙනවා. තවත් උපසිරසක් සමගින් ලඟඳිම හම්බවෙමු.

ඔබ සැමට ජයෙන් ජය පතමි!

 

 

 

Due to copyright issues, we do not provide any torrent links.

My Neighbor Totoro aka Tonari no Totoro (1988) 720p BRRiP x264 AAC (738 MB)

මෙම ලබා දී ඇති උපසිරසි ඉහත පිටපත සඳහා වලංගු වේ.

3,957 downloadsDownload My-Neighbor-Totoro1988Baiscopelk.com_.rar23 KB

 

මේ ලබා දී ඇති සිංහල උපසිරැසි පිළිබද “James DC” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.