The Conjuring 3: The Devil Made Me Do It (2021) Sinhala Subtitles | යක්ෂයාගේ හෝරාව [සිංහල උපසිරසි] *100*

මීට අවුරුදු කීපයකට කලින් එක කොල්ලෙක්ට ආසාවක් ඇතිවෙනවා සිංහල උපසිරැසියක් කරන්න හරියටම 2015.11.01 වෙනිදා. ඉතින් එදා ඒ කොල්ලා චිත්‍රපටියක් හොයාගෙන ගොඩක් ආමාරුවෙන් සතියක් විතර මහන්සි වෙලා ඒ චිත්‍රපටයේ සිංහල උපසිරැසිය නිර්මාණය කරනවා. ඉතින් එදා එහෙම මේ ගමන පටන් ගන්නකොට ඒ කොල්ලා හීනෙකින් වත් හිතුවේ නෑ එයාට ගොඩක් දුර ගමනක් යන්න පුළුවන් වෙයි කියලා, ඉතින් කොහොම හරි ඒ කොල්ලා 2017දී Annabelle Creation (2017) චිත්‍රපටියෙන් එයාගේ උපසිරැසි 50 කඩයිම පහුකරනවා. ඉතින් එහෙම හිමිහිට මේ ගමන ආව කොල්ලා වෙන කවුරුත් නෙමේ මේ මම. අද මම මගේ උපසිරැසි ජීවිතේ 2වෙනි කඩයිම මෙහෙම පහුකරනවා. ඒ සින්හල උපසිරැසි නිර්මාණ සීයක්ති කරලා. ඉතින් මේක ලේසි දෙයක් නෙමෙයි. මට මෙතන්ට එන්න ගොඩක් කට්ටිය උදව් කලා මුලින්ම මතක් කරන්න ඕනී ඇඩ්මින් මංඩලේ අශාන් විමුක්ති අයියව මොකද එයා නැත්තම් මම අද මෙතන නෑ. ඒ වගේම ඉසිර අයියා, රොයිලි අයියා, හසන්ත අයියා ,සමීර අයියා,අසංක අයියා, සමන් අයියා, චාමර අයියා, නිර්මාණි අක්කා ,ආසිරි අයියා, සිසිල අයියා (මෙයාටනම් පුදුම වදයක් දුන්නා මම), ලක්ෂාන් මල්ලී, සුදීර අයියා, තිසර අයියා, පීටර් අයියා ඇතුලු ඇඩ්මින් මංඩලයේ හැමෝම මතක් කරනවා.

ඒ වගේම මේ වෙබ් අඩවිය නිසා මට සහෝදර සහෝදරියෝ ගොඩාක් හම්බවුනා. ඒ හැමෝවම ආදරයෙන් මතක් කරනවා මොකද ඒ කවුරුත් මට අමතක කරන්න බැරි නිසා වෙන වෙනම නම් කියන්න ගියොත් ලිපිය ගොඩක් දික් වෙනවා. ඒත් මේ ගමන පටන් ගත්ත කාලේ ඉදන් මගෙත් එක්කම හිටිය හොදම යාළුවෝ දෙන්නෙක් හිටියා ඒ තමා රවිදු රුක්ෂාන් සහ සොහාන් ජයසූරිය. අපි හැමෝම මේ ගමන පටන් ගත්තේ එකම කාලෙදි. ඒ දවසේ ඉදන් මෙයාලා මගේ දුක සැප හැම දේකටම ලගින් හිටියා. ඇත්තටම මෙච්චර දුරක් එන්න එයාලා මට ලොකු සහයෝගයක් දුන්නා.

ඉතින් මේ ගමන පටන් ගන්නකොට ගොඩක් අය මට කිව්වා ඕවා කරා කියලා මොනාද ලැබෙන්නේ. සල්ලි දෙනවද. ඒ වගේ කතා. ඉතින් ඇත්තෙන්ම මම මේ ෆැමිලියට එකතුවුනාට පස්සේ මට මිල කරන්න බැරි ගොඩක් දේවල් ලැබුනා. බයිස්කෝප් එකත් එක්ක එකතුවෙලා හොද දේවල් ගොඩාක් කරා. ඉතින් ඒ සතුට එයාලගෙන් මට වචෙනෙකින් හරි ලැබුන දේවල් මට මිල කරන්න බැරි තරම් වටිනවා. මම ගොඩක්ම උපසිරැසි නිර්මාණය කලේ Horror, Thriller කාන්ඩයේ චිත්‍රපටි වලට ඉතින් මට කියන්න සතුටුයි ඒවටම ඇබ්බැහි වුන මම වගේම යාලුවෝ සෙට් එකක් ඒවා බලන්න ආසාවෙන් උපසිරැසි දෙනකල් මග බලාගෙන හිටියා. සමහරු මට ෆිල්ම් එකක් ආව ගමන් මැසේජ් එකක් පවා දාලා මාව දානුවත් කරනවා. ඉතින් ඒ අයට ගොඩාක් ස්තූතිවන්ත වෙනවා මාව වචනෙකින් හරි දිරිමත් කලාට. මොකද මගේ මේ ගමනට ඒක කියන්න බැරිතරම් හයියක් වුනා.

ඉතින් අවසාන වශයෙන් කියන්න තියෙන්නේ. මම මේ ගමන ආවේ ගොඩාක් භාදක මැද. ඉස්සරහට මට ගොඩාක් අමාරු කාලයක් එන්නේ. මොකද උසස් අධ්‍යාපන කටයුතුයි රැකියාවයි එක්ක මගේ නිදහස ගොඩාක් අඩුවෙලා තියෙන්නේ. ඒක නිසා ඉස්සරහට උපසිරැසි නිර්මාන කරන්න පුලුවන් වෙයිද දන්නේ නෑ. මොකද හීන ගොඩක් තියනවා හැබෑ කරගන්න. ඉතින් ඉස්සර වගේ සක්ක්‍රියව උපසිරැසි දෙන්නනම් ඉස්සරමට අමාරු වෙයි එත් ඉඩක් ලැබෙන හැම වෙලාවකම උපසිරැසි නිර්මාණයක් කරන්න බලාපොරොත්තු වෙනවා. ඉතින් එහෙනම් වැඩි විස්තර ඕනි නෑ චිත්‍රපටියේ කතාව ගැන බලමු.

The Conjuring චිතුපටි මාලාව ආරම්භ වන්නේ 2013 වසරෙදි එඩ් වෝර්න් සහ ලොරේන් වොර්න් යන අබු සැමි යුවල අද්‍රෂ්‍යමාන බලවේගවලින් පීඩා විදින මිනිසුන්ට ඒවා පළවා හරින්න උදව් කරන සිදුවීමක් තමයි මේ චිත්‍රපටි මාලාවට පසුබිම් වන්නේ. ඉතින් මේ හැම දෙයක්ම පටන් ගන්නේ The Conjuring (2013) කියන සිනමාපටයෙන්, හොර්ර චිත්‍රපටි කලාව උඩු යටිකුරු කරන්නට ඒ චිත්‍රපටියට හැකිවුනා අදටත් පේෟද්ගලිකව මගේ හොදම හොල්මන් චිත්‍රපටිය The Conjuring (2013) චිත්‍රපටිය. පළවෙනි චිත්‍රපටියෙන් ලැබුනු අසීමිත ජනප්‍රියත්වය නිසා ඔවුන් ඒ චිත්‍රපට මාලාවේ දෙවනි එක විදිහට ඒ කතාමාලාවේම අතුරු කතාවක් අලෙලා Annabelle (2014) චිත්‍රපටිය නිර්මාණය කරනවා. අඩු වියදමකින් කල සිනමා නිර්මාණයක් වුවත් ආදායම් වාර්ථා උඩු යටිකුරු කරමින් ඒකත් අතිශය ජනප්‍රිය වෙනවා.

මුල් චිත්‍රපටි වලින් ලැබුන සාර්ථකත්වයත් එක්ක The Conjuring 2 චිත්‍රපටිය 2016දීත්, 2017දී Annabelle: Creation චිත්‍රපටියත් 2018දී The Nun චිත්‍රපටියත් 2019දි The Curse Of La Llorona චිතුපටිය සහ Annabelle Comes Home 2019 චිත්‍රපටියත් නිර්මාණය කරනවා. කාළ රාමුවට අනු ව The Conjuring 3: The Devil Made Me Do It චිත්‍රපටිය එළිදක්වන්න තිබුනේ 2020 වසරේ ඒත් ලොව පුරා ව්‍යාප්ත වුන කොවිඩ් වසන්ගතය හමුවේ එය 2021 වසරට කල් දමන්න නිෂ්පාධකයෝ කටයුතු කරනවා, තොහොමින් කොහොමින් හරි හැමෝම බලන් හිටිය ඒ චිත්‍රපටිය මේ මාසේ 04 වෙනිදා HBO Max ස්ට්‍රිමින් සර්විස් එක හරහා විකාශනය ආරම්භ කරනවා. ඉතින් මෙකේ කතාව ගැන කියනවා නම් අනිත් චිත්‍රපටිවලට වඩා හාත්පසින්ම වෙනස් කතාවක් තමයි ගලාගෙන යන්නේ. ඉතින් මේ චිත්‍රපටි එකක් වත් තවම බලලා නැති කෙනෙක් නම්, මම පහලින් දාන පිලිවලට බලන්න පටන් ගන්න.

එහෙනම් මේ පාර චිත්‍රපටියේ මොනවද සිද්ද වෙන්නේ කියලා බලමු…

ඩේවිඩ් කියන්නේ වයස අවුරුදු 8ක පොඩි ළමයෙක්, ඉතින් එයයි එයාගේ පවුලේ අයයි එක්ක පරණ ගෙදර අතහැරලා අලුත් ගෙදරකට පදින්චියට යනවා. ඉතින් මෙයාලා මේ ගෙදරට එනකල් තවත් කෙනෙක් හොර රහසෙම බලාගෙන ඉන්නවා. ආපු දවසේ ඉදන්ම ඩේවිඩ් අමුතු අමුතු විදිහට හැසිරෙන්න ගන්නවා. එයාට දැනෙනවා එයා පස්සෙන් මොකක් හරි එනවා කියලා, ඒ එන අදුු බලවේගය මොකක් වුනත් ඒක නවත්තන්න කිසිම කෙනෙකුට බැරිවෙනවා. ඉතින් ඩේවිඩ්ගේ දෙමවුපියන් ඒ ගැන එඩ් සහ ලොරේන් වොර්න් දෙපල දැනුවත් කරනවා ඉතින් මේ දෙන්නා සිදුවීම විමර්ෂණය කරන්න පිටවෙනවා.

ඒත් මෙතන තියන බලවේගය එඩ් ලොරේන් ලග තියන කිසිම දේකට මෙල්ල කරන්න බැරිවෙනවා, ඒක ඩ්විඩ්ට කරන කරදර ඉවගන්න බැරිම තැන ඩේවිඩ්ගේ අක්කගේ පෙම්වතා අර්නි ඒ යක්ෂයාට ආරාධනා කරනවා යක්ෂයා අරනිට ආවේස වෙනවා. ඉතින් ඊට පස්සේ සිද්ධ වෙන්නේ ඒ කිසිම කෙනෙක් බලාපොරොත්තු වෙන්නේ නැති දෙයක්,ඉතිනෝව කවිුදා ‍මේ අදුරු ආත්මය, මොකක් නිසාද ඒක මේ පවුල පස්සෙන් පන්නන්නේ, ඇයි ලොරේන්ටයි එඩ්ටයි ඒක හෙල්ල කරන්න බැරිවුනේ, කොහොමද ඒකෙන් අර්නිව ගලවා ගන්නේ මේ දේවල් වලට උත්තර හෙයන්න නම් මේක බලන්නම වෙනවා..!!

 

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි WEB / Blu-Ray පිටපත් සඳහා අදාළ වේ.

61,838 downloadsDownload The-Conjuring-3-The-Devil-Made-Me-Do-It-2021-Blu-Ray.zip106 KB

මේ ලබා දී ඇති සිංහල උපසිරැසි පිළිබද “දිල්ෂාන් සචින්ත(සචී)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

GOLD MEMBER
JOINING DATE – 2015-11-01
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.