The Ministry of Ungentlemanly Warfare (2024) Sinhala Subtitles | දෙවැනි ලෝක යුධ-වාර්ථාවන්ගෙන් වසන් කල මෙහෙයුමක්. [සිංහල උපසිරැසි]

The Ministry of Ungentlemanly Warfare (2024) Sinhala Subtitles

හැම කෙනෙක්ටම සුබ දවසක් වේවා! ඔන්න එහෙනම් මම හැමදාම කියනවා වගේ ආසම කරන ශානරයකින් තවත් සිනමාපටයක් අරගෙන ආව. ඔයාලා බලල තියෙනවද Inglourious Basterds (2009) සහ Sisu (2022) වගේ සිනමාපට? ඒවා සෙට්ද? එහෙනම් ආයේ දෙවරක් නොහිතා මේක අරගෙන බලන්න. ලොවෙත් සෙට්. අහ්හ් ඒ වගේම මේක සත්‍යය කතාවක් 😉

The Ministry of Ungentlemanly Warfare (2024) Sinhala Subtitles

යුද්ධයක් කියන්නේ කොහොමත් මිලේච්ජ දෙයක්නේ, ඒ මිලේච්ජ දේ වුණත් යම්කිසි සීමාවන් පණවාගෙන තමයි සිදු කරන්නේ. හැබැයි මේ මෙහෙයුම බ්‍රිතාන්‍යයන් විසින් සිදු කරන්නේ අන්න ඒ කියපු දේවල් වලට පිටින් යමින්. හරියටම කිව්වොත් Inglourious Basterds (2009) සිනමාපටයේ එන කණ්ඩායම වගේ කණ්ඩායමක් විසින් සිදු කරපු ඔපරේෂන් පෝස්ට්-මාස්ටර් මෙහෙයුම ගැන තමයි මේ සිනමපටයෙන් කියැවෙන්නේ. දෙවැනි ලෝක යුධ සමයේ බිතාන්‍යයේ අගමැතිව සිටි චර්චිල් විසින් දේශපාලනික සහ යුධමය කාරනා නිසාවෙන් මේ මෙහෙයුම ඕෆ් ද රෙකෝඩ් එහෙමත් නැත්නම් කිසිදු කරුණක් පිටතට හෙළිදරව් නොකරන, අවසර නොලත්, අනීතික, නොනිල මෙහෙයුමක් බවට පත් කරනවා. ඉතිං මේ කණ්ඩායම ගැන 2014 වසරේදී “Churchill’s Secret Warriors: The Explosive True Story of the Special Forces Desperadoes of WWII” නමින් කෘතියක් පලවෙනවා. 

The Ministry of Ungentlemanly Warfare (2024) Sinhala Subtitles

ඉතිං ඒ ඇසුරින් ප්‍රවීණ හොලිවුඩ් අධ්‍යක්ෂක Guy Ritchie විසින් මෙම සිනමාපටය නිර්මාණය කරන්න කටයුතු කරනවා. ඔහු මේ සඳහා ප්‍රධාන වශයෙන් ස්නයිඩර්-වර්ස් එකේ සුපර් මෑන චරිතය සිදුකරපු Henry Cavill, ඇමසොන්ලගේ සුපිරිම කතා මාලාවක් වෙන Reacher කතා මාලාවේ ජැක් රිචර් චරිතය සිදු කරන Alan Ritchson දෙදෙනාව දායක කරගන්නවා. ඒ වගේම තමයි සුප්‍රසිද්ධ ජේම්ස් බොන්ඩ් . ඊට අමතරව Magic Mike (2012) සිනමාපටයේ ඇඩම්ගේ චරිතය සිදුකල Alex Pettyfer, Baby Driver (2017) සිනමාපටයේ ඩාලිං චරිතය සිදුකල Eiza González සහ සෙසු චරිත වශයෙන් Babs Olusanmokun, Cary Elwes සහ After (2019), After We Collided (2020), After We Fell (2021), After Ever Happy (2022), After Everything (2023) සිනමාපට මාලාවෙන් ප්‍රසිද්ධියට පත්  Hero Fiennes Tiffin යන පිරිස ප්‍රධාන වශයෙන් දායක කරගන්නවා.

The Ministry of Ungentlemanly Warfare (2024) Sinhala Subtitles

ඉතිං මේ සඳහා imdb වෙබ් අඩවියේ සාමාජිකයින් එකොලොස්දහස + ප්‍රමාණයකින් 7.8ක් වැනි ඉහල අගයක කැමැත්තක් ලැබිල තියෙනවා. ඒ වගේම RT වෙබ අඩවියේ විචාරකයින් වෙතින් 71%ක අගයකුත් ප්‍රේක්ෂකයින් වෙතින් 93%ක අගයකුත් මේ සඳහා ලැබිලා තියෙනවා.

The Ministry of Ungentlemanly Warfare (2024) Sinhala Subtitles

ඉතිං මේ සඳහා පසුබිම් වෙන්නේ මම මුලදීම කිව්වා වගේ දෙවැනි ලෝක යුද්ධයේ සිදුවීමක්. මේ සිදුවීම වෙන කාලය වෙනකොට ජර්මානු නාසීන් ඉතාම ප්‍රභල තැනක ඉන්නේ. බ්‍රිතාන්‍යය තමයි යුරෝපයේ අවසාන බලාපොරොත්තුව. හැබැයි බ්‍රිතාන්‍යයට මේක තනියම කරන්න බැහැ. ඇමරිකාවේ සහය ඕන වෙනවා. හැබැයි ඇමරිකාවට තමන්ගේ සේනාවන් අත්ලාන්තික් සාගරය හරහා යුරෝපයට අරගෙන එන්න විධියක් නැහැ. ඒකට හේතුව තමයි දෙවැනි ලෝක යුධ සමයේ මහ මුහුදේ ආධිපත්‍යය පතුරවාගෙන හිටිය යූ-බෝට් නමින් හැදින්වූ ජර්මානු සබ්මැරීන. යුධ නැවක්ද, භාණ්ඩ ප්‍රවාහන නැවක්ද, මගී ප්‍රවාහන නැවක්ද යන්න කිසිවක් නොබලා ඔවුන් විසින් එකල ප්‍රහාර එල්ල කල බවයි කියැවෙන්නේ. ඉතිං හිට්ලර්ගෙන් හොඳටම බැට කාලා ඉන්න අතරේ චර්චිල්ව බලයෙන් පහ කරන්න පාර්ලිමේන්තුව ඇතුලේ යම් සිදුවීම් වගයක් වෙනවා. ඒ හැම දේම එක්ක ලොකු අවධානමක් අරගෙන චර්චිල් විසින් මේ “මහත්මා නොවන” මෙහෙයුම ක්‍රියාත්මක කරවනවා. සිනමාපටය අවසානයේදී ඔයාලට ඒ සැබෑම පුද්ගලයින්ව දැක බලාගන්න ලැබේවි.

The Ministry of Ungentlemanly Warfare (2024) Sinhala Subtitles

මේ සිනමාපටයේ ඉන්නවා සිනමා ලෝකයේ සුප්‍රසිද්ධ චරිතයක් වෙන ජේම්ස් බොන්ඩ්ව නිර්මාණය කරපු ඉයන් ෆ්ලෙමින් කියන චරිතය නිර්මාණය කරපු ඉයන් ෆ්ලෙමින්. ඔයාට දකින්න ලැබේවි එයා තමන්ව හඳුන්වාදෙන ආකාරය, මෙන්න මෙහෙම. “ෆ්ලෙමින්, ඉයන් ෆ්ලෙමින්”. ඒ විතරක් නෙමෙයි, මේ සිනමාපටයේ එන කැප්ටන් ගස් මාච් ෆිලිප්ස් තමයි ඉයන් ෆ්ලෙමින් විසින් ජේම්ස් බොන්ඩ් චරිතය නිර්මාණය කිරීමේදී පාදක කරගත්තේ කියලත් කියවෙනවා. ඔන්න ඒක අමතර කරුණක්. 🙂

The Ministry of Ungentlemanly Warfare (2024) Sinhala Subtitles

ඒ වගේම කතාවට අමතරව කියන්න ඕනා කරුණක් තියෙනවා, ඒ තමයි මෙහි ප්‍රධාන චරිතය වන ගස් මාච් ෆිලිප් මෙමෙ සිදුවීම සිදුවී මාස අටකට පසු ක්‍රියාන්විතයේදී මිය යනවා. 🙁 එහෙනම් මේ මහත්මා නොවන, ඔපරේෂන් පෝස්ට්-මාස්ටර් මෙහෙයුම මොකක්ද කියල බලාගන්න ඔයාලට ඉඩකඩ සලසා දෙන්නම් ඔන්න මම. 

The Ministry of Ungentlemanly Warfare (2024) Sinhala Subtitles

එහෙනම් ඉතිං මතකනේ හැමදාම වගේ ඔයාලට මතක් කරන දේ? සබ් එක අරගෙන යනකොට කමෙන්ට් එකක් දාන්න අමතක කරන්න එපා. අද මෙහෙම මතක් කරන්න වුණාට, අපි දෙන සබත් එක්ක ෆිල්ම් එක බලල ඇවිත් ඒ ගැන කමෙන්ට් සෙක්ෂන් එකේ සාකච්චා කරපු යුගයක් පවා අපිට තිබුනා. අපි සබ් කරන්න යොමු වුනෙත් අන්න ඒ දේවල් දැකලා. ඒ වයිබ් එක නැති එක අපට ලොකු අඩුවක්. ඒ කාලේ හිටිය අයට මතක ඇති ඇත්තටම 🙂

The Ministry of Ungentlemanly Warfare (2024) Sinhala Subtitles

Director: Guy Ritchie

Writers: Paul Tamasy, Eric Johnson, Arash Amel, Guy Ritchie.

IMDB Ratings : 7.2

Release Date: 19 April 2024

 

 

 

Due to copyright issues, we do not provide any torrent links.

මෙම ලබා දී ඇති උපසිරසිය WEB  පිටපත සඳහා ලබා දි ඇත.

19,756 downloadsDownload The-Ministry-of-Ungentlemanly-Warfare-2024-1.zip57 KB

මේ ලබා දී ඇති සිංහල උපසිරැසි පිළිබද “ශාන් විමුක්ති [විමා]” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – 2013-02-27
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.