The Snowman (2017) with Sinhala Subtitles | සුදු හිම රතු රුධිරයෙන් නැහැවූ “හිම මිනිසා” [සිංහල උපසිරැසි සමඟ]

ඔයාලත් “හිම මිනිස්සුන්ට” ආසද? මං හිතන්නෙ හැමෝම අනිවාර්යෙන්ම කැමති ඇති. මොකද හිම වලින් හදන මේ හිම මිනිස්සුන්ගෙත් අමුතුම ලස්සනක් තියෙන්නෙ. අපිටනම් සෘතු භේදය නැති හේතුවෙන් හිම වැටෙන්නෙ නැති නිසා මේ සීත පරිසරය එතරම් හුරු නෑ. නමුත් මේ සීත සෘතුව ලබන රටවල්වල ඒ කාලෙට හිම මිනිසුන් ඕනැ තරම් දකින්න ලැබෙනවා. හැබැයි චිත්‍රපටිය බැලුවට පස්සෙනම් හිම මිනිස්සු දැක්කම පොඩි තිගැස්මක් ඇතිවෙන්න පටන්ගනියිද දන්නෙ නෑ. මොකද මිනීමරුවෙක් වටා ගෙතෙන මේ කතාවේ මිනීමරුවගේ අපරාධ තේමාව වෙන්නෙ මේ හිම මිනිහා. එහෙනම් සීත හිම කදු අතරින් ගලාගිය රක්ත රුධිරයේ අභිරහස විසදීමේ චාරිකාවේ යමුද?

Crime,Drama,Horror යන කාණ්ඩ නියෝජනය කරමින් පසුගිය වසරේ ඔක්තෝම්බර් 20වෙනිදා තමයි චිත්‍රපටිය නිකුත්වුනේ. මේ නමින්ම ලියවුනු නවකතාවක් පාදක කරගෙන තමයි චිත්‍රපටිය ගොඩනගලා තියෙන්නෙ. ප්‍රධාන චරිතය වන පරීක්ෂක හැරී හෝල් විදියට සුපිරි නළු Michael Fassbender රංගනයෙන් දායක වන අතර, Rebecca Ferguson,J.K. Simmons ඇතුළු ජනප්‍රිය, දක්ෂ නළු නිලියන් රංගනයෙන් දායක වෙනවා. නමුත් ආදායම් හා සාර්ථකත්වය අතින් හිතුව තරම් හොද ප්‍රතිඵලයක් ලබාගන්න නොහැකිවුන චිත්‍රපටියක්. මොකද කතාවේ සිදුවීම් ගැලපීමේ අඩුපාඩු දකින්න ලැබුන අතර මේ නිසාම Imdb 5.1ක අගයකට සීමාවෙලා තියෙනවා. මීට වඩා හොදට කරන්න තිබුන චිත්‍රපටයක් කියලා මටත් හිතුනා හැබැයි එහෙමයි කියලා නොබලා ඉන්න පුළුවන් චිත්‍රපටියක් නෙමේ මටනම්. මොකද මං කැමතිම කාණ්ඩ වලින් දිවෙන චිත්‍රපටියක් නිසා. ඔයාලත් මේ විදියේ චිත්‍රපටවලට කැමතිනම් ඔන්න මේක බැලුවැයි කියලා වරදක් නෑ. පුරා විනාඩි 119ක් චිත්‍රපටිය ධාවනය වෙනවා.

ඝාතන මාලාවක් පසුපස හඹායෑමක් තමයි කතා තේමාව වන්නෙ. මුලදී අතුරුදහන් වන ගොදුරු වූ පුද්ගලයින් පසුව විවිධ විදියට ඝාතනය කර තියෙද්දී හොයාගන්නවා. හැම කෙනෙක්ගෙම වගේ අංග ඡේදනය කරන එක මිනීමරුවගේ පුරුද්දක්. ඒ වගේම “හිම මිනිහෙක්ගේ” ලකුණක් ඒ තැන්වල ඉතිරි කර යෑම වගේම විවිධ සටහන් මගින් පණිවිඩ ලබාදීමත් ලක්ෂනයක්. විටෙක හිස කදින් වෙන්කර හිම මිනිහෙක්ගේ හිස වෙනුවට ඝාතනය කල කෙනාගෙ හිස තැබීමත්, ඝාතනය කල කෙනාගෙ හිස වෙනුවට හිම මිනිහෙක්ගේ හිසක් තැබීම වගේ අසාමාන්‍ය, කෲර විදි තමයි මේ දාම ඝාතකයාගේ ලක්ෂන වන්නෙ. හැරී හෝල් කියන පරීක්ෂකයා තමා මේ අභිරහස විසදන්න භාරගන්නෙ. දක්ෂ රහස් පරීක්ෂකයෙක් වන මොහු මතට ඇබ්බැහි වූ කෙනෙක්. පසුව හැරී හෝල්ට එකතුවෙනවා කැත්‍රීන් බ්‍රැට් කියන පරීක්ෂකවරියත්. මේ දෙන්නා එකතුවෙලා මේ දාම ඝාතකයාව හඹායෑම තමයි මෙහි කතා වස්තුව වන්නෙ. මං හිතන්නේ මෙතනින් එහාට විස්තර කිරීමක් අවශ්‍ය වන්නෙ නෑ. මොකද මේ ඝාතකයින් හඹායෑමෙ කතා ගැන ආයෙ අමුතුවෙන් විස්තර කරන්න ඕනෙ නෑනෙ. ඒවගේම මේක ඇතුලේ තවත් සංකීර්ණ කතාවක් තියෙනවා. ඒ නිසා මේ විදියට කුතුහලය ඉතිරි කරලා තියන්නම් බාගෙනම බලාගන්න 🙂 එහෙනම් චිත්‍රපටිය නරඹන්න ආරාධනා කරමින් දැනට නවතින්නම්.

තිබුන වැඩත් එක්ක සතියක් විතර ගියා වැඩේ ඉවර කරන්න. කොහොමහරි ඔන්න පලවෙනිදාම අරගෙන එන්න ලැබුන එක හොදයි. පමාවට සමාව. ඒවගේම මේකෙ දැනට නිකුත්වෙලා තියෙන්නෙ වෙබ් පිටපතක්. හැබැයි මං හිතන්නෙ හැම කෙනෙක්ටම මේක බලන්න පුළුවන්. මොකද බ්ලූරේ කොපියක ගුණාත්මක භාවය වගේම මේ කොපියෙත් තියෙනවා. බ්ලූරේ පිටපතක් ආවම යාවත්කාලීන කිරීමක් කොහොමත් කරනවා ඉතින්. එහෙනම් අදහසකුත් දක්වලාම ගියානම් අලුත් අවුරුද්දේ. ඉතින් හැමෝටම, ලැබුවා වූ නව වසර කිරියෙන් පැනියෙන් උතුරන සුභම සුභ නව වසරක් වේවා!!

 

 

Due to copyright issues, we do not provide any torrent links.

මෙම ලබා දී ඇති උපසිරැසි HD / WEB / BR පිටපත් සඳහා අදාළ වේ.

5,995 downloadsDownload The-Snowman-2017-BR.zip75 KB

https://d36zzuvfojr38z.cloudfront.net/wp_content/uploads/2016/07/PicsArt_06-30-06.43.51-e1467617954896.jpg මේ ලබා දී ඇති සිංහල උපසිරැසි පිළිබද “ඉසුරු දිල්ශාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

GOLD MEMBER
JOINING DATE – 2015-06-21
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.