Evergreen AKA That Man Oh Soo (2018) [EP 01] Sinhala Subtitles | ආදරය බෙදන ඕ සූ… [සිංහල උපසිරසි සමග]

ආයෙමත් මම ගොඩක් ලස්සන කොරියානු කතා මාලාවක් අරගෙන ආවා ඔන්න. Evergreen කතා මාලාව කොරියාවෙ ගොඩක් ජනප්‍රිය වුණ අලුත්ම, වෙනස් තේමාවක් එක්ක එන කතාවක්. 8.6 ක ඉහළ IMDb අගයක් ගත්ත මේ කතා මාලාව කොරියාවෙ තිරගත වෙලා තියෙන්නෙ 2018 මාර්තු 05 සිට අප්‍රේල් 24 දක්වා කාලාසීමාව තුලයි. කතාංග 16කින් සමන්විත මේ කතා මාලාව අයත් වෙන්නෙ Fantasy සහ Romantic Comedy වර්ගයට.

කතාව ගැන පොඩි පැහැදිලි කිරීමක් මං මේ එක්කම කරන්නම්. ඕ සූ කියන්නෙ ලෝකයම දන්න දක්ෂ පරිගණක ඉංජිනේරුවරයෙක්. එයාට ඉන්නෙ සීයයි, ගා නා කියන අයියයි විතරයි. ඕ සූගෙ සීයා ව්‍යාපාරිකයෙක් වගේම එයාට අයත් “ට්‍රී කැෆේ” නමැති කෝපි කැෆේ එකකුත් තියෙනවා. ඕ සූ සහ ගා නා සීයාට උදව්වක් විදියට මේ කැෆේ එකේ වැඩ කරනවා. අපේ කතා නායකයා වන ඕ සූට විශේෂ හැකියාවක් තියෙනවා. ඒක තමයි මිනිස්සුන්ගෙ හැඟීම් වර්ණයන් විදියට ඕ සූට පෙනෙනවා. මිනිස්සුන්ට එක් එක් හැඟීම් වලට ආවේණික වූ වර්ණ තියෙනවා. ආදරය කියන හැඟීමෙ පාට රතුපාට. ඒ හැම හැඟීමක්ම ඕ සූට පෙනෙනවා.මේ ඕ සූගෙ ගෙදර පුදුමාකාර ගසක් තියෙනවා. ඒ ගසේ විවිධ වර්ණ වල මල් පිපෙනවා. ඒ මල් වලින් ලබාගන්නා පරාග මිනිස්සුන්ගෙ ශරීරයට ඇතුල් වුනාම ඔවුන්ගේ හැඟීම් තව තවත් වැඩි වෙනවා. උදාහරණයක් විදියට රතුපාට මල් පරාග මිනිස්සුන්ගෙ ශරීරයට ඇතුල් වුනාම ආදරය කියන හැඟීම වැඩි වෙනවා.හැඟීම් පෙනෙන මායාමය හැකියාව ඕ සූගෙ සීයාටත් තියෙනවා. සීයාගෙන් ඒ හැකියාව ඕ සූගෙ තාත්තට ලැබෙනවා. දැන් ඒ හැකියාව තියෙන්නෙ ඕ සූට. ඕ සූ ළඟ මායා මල් පරාග වල විවිධ වර්ණයන්ගේ එකතුවක්ම තියෙනවා. ඕ සූ රතුපාට මායා මල් පරාග කැෆේ එකට එන පාරිභෝගිකයන්ගෙ කෝපි වලට මිශ්‍ර කරලා දීලා එයාලගෙ ආදර හැඟීම් තව තවත් වැඩි කරවනවා.ඕ සූගෙ අයියා ගා නා කියන්නෙ සෙල්ලක්කාර තරුණයෙක්. එයා නිතරම කෙල්ලො මාරු කරමින් ආශ්‍රය කරනවා විතරක් නෙවේ සීයාගෙ සල්ලි විනෝද වෙන්න වියදම් කරනවා. ඒත් ගා නා ඕ සූට ගොඩක් ආදරෙයි.සේ යූ රී කියන්නෙ රූමත්, තරුණ පොලිස් නිලධාරිණියක්. සේ යූ රීට ඉන්නෙ අම්මයි, නංගියි විතරයි. අම්මගෙ අසනීප තත්වයක් නිසා රෝහල්ගතකරලා ඉන්න නිසා අධ්‍යාපනය ලබන නංගිගෙ කටයුතුත් බලාගන්නෙ සේ යූ රී. සේ යූ රීට මින් හූ නමැති පෙම්වතෙකුත් ඉන්නවා. එක්තරා විශේෂ අවස්ථාවක් නිසා සේ යූ රී පෙම්වතා එක්ක ට්‍රී කැෆේ එකට යනවා. එහිදී සේ යූ රී නොසිතූ අත්දැකීමකට මුහුණ දෙනවා. කතාව බලලම ඒ මොකක්ද කියලා හිතාගන්නකෝ…

මේ කතා මාලාව,
ලියලා තියෙන්නෙ Juns Yoo – sun
අධ්‍යක්ෂනය Nam Gi – hoon
ඕ සූ : Lee Jong – hyun
සේ යූ රී : Kim So – eun

 

 

 

 

Due to copyright issues, we do not provide any torrent links.

 HDTV.H264-NEXT-DF 540p

මෙම ලබා දී ඇති උපසිරැසි HDTV 540p පිටපත් සඳහා අදාළ වේ.

2,912 downloadsDownload That.Man_.Oh_.Soo_.E01.zip25 KB

මේ ලබා දී ඇති සිංහල උපසිරැසි පිළිබද “මහේෂි චතුරිකා” සොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

 

Subtitle Contributor Rank

NEW MEMBER
JOINING DATE – 2017-05-12
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.