Money Heist aka La casa de papel [S02 : E03] Sinhala Subtitles |ප්‍රොෆෙසර්ගේ සැලසුම් වතුරේ යයිද? [සිංහල උපසිරැසි සමඟ]

ආයුබෝවන් හැමෝටම. ඔන්න එහෙනම් මම ආසාවෙන් බලපු කතා මාලාවකට අහම්බෙන් අත ගහන්න හම්බු වුනා. මොකද මේ සීරිස් එකේ තනි හිමිකරුගේ කාර්‍යබහුලත්වය නිසා මගෙන් මේ ටික කරලා දෙනවද ඇහුවා. ඉතින් කොහොමද බෑ කියන්නේ ඉතින් මම භාරගත්ත වැඩ ඔක්කම පස්සට දාලා මේක කරන්න සෙට් වුනා. ඉතින් අනිවාරෙන් මේක මට කරන්න කියලා දුන්න තරිදු අයියවයි, රවිදු අයියවයි මතක් කරනවා වගේම බොහොම ස්තූතියි කියලත් කියන්නත් ඔනී. එහෙනම් මේ තුන් වෙනි කොටසේ ඉදලා පස් වෙනි කොටස වෙනකන් එපි තුන මම තමයි ඔයාලට අරගෙන එන්නේ. පලවෙනි එපි දෙක රවිදු අයියා ගෙනාවනේ. හය වෙනි කොටස උදයංග අයියා අරගෙන එයි. අන්තිම කොටස් තුන සුපුරුදු පරිදි අපේ තරිදු අයියා අරගෙන එයි. එහෙනම් මම හිතනවා මේ එපි තුනට මගේ උපරිම සාධරණය කලා කියලා. හොද නරක බලලා මට කියන්නකෝ. දැන් බලමු එහෙනම් කතාව ගැන.

දැන් නම් කතාවේ කුතුහලය උපරිමට ඇවිල්ලා තියෙන්නේ, ස්පාඤ්ඤයේ රෝයල් මින්ට් එකේ සිදු වෙන අතිශය විශාල මුදල් මංකොල්ලය බොහොම ජයට කෙරීගෙන යද්දි පොලිසිය ප්‍රොෆෙසර්ගේ දහන් ගැට වලින් අඩියටම එරිලා ඉද්දි එක පාරටම මංකොල්ල කණ්ඩායමේ ඇතුලෙන්ම වෙන කුමන්ත්‍රණයක් නිසා වැඩි වාසි පොලිසිය පැත්තට ගියා කියලා කලින් කොටසෙදි දකින්න ඇති. බර්ලින්ගේ ක්‍රියා කලාපය නොරිස්සන ටෝකියෝ ප්‍රොෆෙසර්ව පවා අවිශ්වාස කරන තැනට පත් වෙලා මොකද ප්‍රොෆෙසර්ගෙන් පැය හයෙන් හයට ලැබෙන ඇමතුම් තුනක්ම ලැබුනේ නැති නිසා. ඒත් බර්ලින් ඇතුලු ටික දෙනෙක් ඔහුව තාමත් විශ්වාස කරනවා. ටෝකියෝ අන්තිමේ බර්ලින්ව අල්ලගන්නවා. ඒත් බර්ලින්ට මුකුත් කරන්න ඇයට හැකියාවක් තිබ්බේ නෑ. මොකද කාර්නොබිල් සැලැස්ම දන්න එකම කෙනා බර්ලින් නිසා. කොහොමින් හරි නයිරෝබි නිසා බර්ලින් බේරිලා අන්තිමට නවතින්නේ ටෝකියෝව පොලිසියට අහුකරලා දීලා. මේ අතර ප්‍රොෆෙසර් තමන්ගේ හැදුනුම්කම හෙලි වෙන්න ගියපු අවස්ථාවක් රැකල්ගේ කලින් මහත්තයාට ගහලා සූක්ෂම ලෙස විනාශ කරලා දානවා. ඒත් අන්තිමට ප්‍රොෆෙසර් නවතින්නේ පොලිසියට ගිහිල්ලයි. ඔහුගේ ඇගිලි සලුකුණු තොරතුරු, බොරු හැදුනුම්පත් ඔක්කම පොලිසිය ඉදිරියේ. ඉතින් ගිය කොටස නම් සම්පූර්ණයෙන්ම පොලිසියට වාසි දායක විදිහට තමයි නිමා වුනේ.

අද කොටසින් ටෝකියෝ තමන්ගේ වැඩේ හරියට කරගෙන යන ආකාරය බලාගන්න පුලුවන්, මොකද ප්‍රොෆෙසර් කියලා තිබ්බා කවුරුහරි කෙනෙක් පොලිසියට කොටු වුනොත් කරන්න ඕනි දේ මොකද්ද කියලා. අනික් පැත්තෙන් ප්‍රොෆෙසර් පොලිසියේ කොටු වෙලා ඉද්දී එතනින් පැනගන්න සූක්ෂම විදිහට ඔහු සැලසුම් කරනවා. ඒ වගේම රියෝ තමන්ගේ මෝඩ කම නිසා ආපහු සැරයක් සැලැස්ම විනාශ වෙන විදිහේ වැඩක් කරනවා. අනික ෆැක්ට‍රි එකේ ඉන්න ප්‍රාණ ඇපකාරයෝ තමන්ගේ ජිවත වලට ආපහු යන්න යටි කූට්ටු වැඩක් ගහන්නත් හදනවා. අන්තිමේදි මේ එපිය ඉවර වෙන්නේ මංකොල්ල කණ්ඩායමේ නායකකම බර්ලින්ගෙන් වෙන කෙනෙක් අරගෙනයි. ඉතින් ටෝකියෝ මොනව කරයිද? ප්‍රොෆෙසර් පොලිසියෙන් තමන්ගේ ජාමේ බේරගෙන පැනගන්න සැලසුම් කරන්න සැලැස්ම මොක්ද්ද? රියෝ කරන මෝඩ වැඩේ නිසා මොකක් වෙයිද? ප්‍රාණ ඇපකාරයෝ මොනවයින් මොනවා කරයිද? එතකොට ෆැක්ටරිය ඇතුලේ මංකොල්ල කණ්ඩායමේ ඊලග නායකයා කවුද? මේවා දැනගන්න ඔයාලට මේ එපිය බලන්න වෙනවා.

එහෙනම් මේ කුතුහලය සපිරි කතා මාලාවේ හතරවෙනි කොටස අරගෙන එන බලාපොරොත්තුවෙන් මම සමුගන්නවා. එතෙක් සැමට ජය ශ්‍රී……

 

 

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි WEB පිටපත් සඳහා අදාළ වේ.

53,115 downloadsDownload Money-Heist-aka-La-casa-de-papel-S02-E03.zip28 KB

මේ ලබා දී ඇති සිංහල උපසිරැසි පිළිබද “කවිශල් රසින්ත” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

NEW MEMBER
JOINING DATE – 2018-06-30
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.