Gotham [S01- E09] | හාර්වි ඩෙන්ට්… [සිංහල උපසිරැසි සමඟ]

මේ රැගෙන ආවේ නමවෙනි කොටස. ඒ වගේම අද කොටසින් DC කොමික් වල තියෙන තවත් චරිතයක් හඳුන්වා දෙනවා. එයා තමයි හාර්වි ඩෙන්ට්. එයා ගැන කෙටි විස්තරයක් ලිපිය අවසානයේ කියන්නම්. ඉතින් දැන් කියන්නම් කලින් කොටස සම්බන්ධව මූලික කරුණු ටිකක්. කලින් කොටසේ සිද්ධ උනේ රැකියා ලබාදෙන්න අමුතු ක්‍රමයක් අනුගමනය කරන ව්‍යවසායකයෙක් ගැන. එයාගේ සේවකයන් ආයතනයට බඳවා ගැනීමේ අපූරු ක්‍රමය උනේ ද්වන්ද සටන්. එවැනි සටනකින් ජය ගන්න කෙනෙක්ට තමයි එයාගේ ආයතනයේ රැකියාව ලැබෙන්නේ. ඉතින් අවසානයේ ජිම් සහ හාර්වි දෙදෙනා සමත් උනා මේ අපූරු හාම්පුතාව යකඩ කූරු පිටිපස්සට කරවන්න.

අද කොටස ගැන කියනවා නම්, මම කලින් කිව්වා වගේම නව චරිතයක් එකතු වෙනවා. එයා නීතීඥයෙක්. දැනට කියවෙන හැටියට හොඳ ගුණ ගරුක යුක්ති සහගත පුද්ගලයෙක්. නමින් හාර්වි ඩෙන්ට්. එයාට තමයි වෙයින් ඝාතනයේ සැකකරුවන් හොයන්න ඇසින් දුටු සාක්ෂිය හෙවත් සෙලිනා කයිලිව බාර  කරන්නේ. ඒ වගේම ගෝතම් හිරගේදරකින් නම ගිය අපරාධකරුවෙක් පැහැරගැන්නවා. මේ පැහැර ගැනීම තවත් දන්නා කියන කෙනෙකුගේ කුමන්ත්‍රණයක්. එහෙනම් ඔයාලට බාරයි අද කොටස. නැවත ලබන සතියේ මුණ ගැහෙමු. හැමෝටම ජයෙන් ජය!!!

හාර්වි ඩෙන්ට් ( Two Face )

අද කොටසේ හඳුන්වා දෙන චරිතය තමයි හාර්වි ඩෙන්ට්. මේ චරිතය මුලින්ම කරලියට පැමිණෙන්නේ රහස් පරීක්ෂක කොමික් කලාප අංක 66 දී. මේ කලාපය පල උනේ 1942 අගෝස්තු මාසයේදී. මුලින් මේ චරිතය යහපත් චරිතයක් වන අතර පසු කාලීනව දුෂ්ඨ චරිතයක් වෙනවා. මුලින් සහකාර දිස්ත්‍රික් නීතීඥයෙක් වශයෙන් කටයුතු කරන හාර්වි ඩෙන්ට් ජිම් ගෝර්ඩන්ගේ මිත්‍රයෙක්ද වෙනවා. බෘස් වෙයින්ගේ දෙමාපියන් ඝාතනය කිරීම සම්බන්ධ සැකකරුවන් සෙවීමේදී ඔහු ජිම් ගෝර්ඩන් හට සහයෝගය ලබා දෙනවා. ඒ වගේම ඔහු පසු කාලීනව බෘස් වෙයින් බැට්මෑන් වූ පසු ඔහුගේද මිත්‍ර පාර්ශවයක් වෙනවා.  

මේ චරිතය දුෂ්ඨ චරිතයක් බවට පත් වෙන්න හේතුව දොන් මැරෝනි. නඩු වාරයක් තුලදී ඔහුගේ මුහුණට විසිකරන ඇසිඩ් ප්‍රහාරයක් නිසා හාර්වි ඩෙන්ට්ගේ මුහුණ පාර්ශවික විකෘති වීමකට ලක් වෙනවා. එනම් එක පැත්තක් මනුෂ්‍ය ස්වභාවයක් ගන්නා අතර අනෙක් පැත්ත ඉතාමත් විකෘති දරුණු පෙනුමක් ආකාරයට පත් වෙනවා. මේ නිසා ඔහුව Two-Face නමැති අනුවර්ත නාමයෙන්ද හඳුන්වන්න පටන් ගන්නවා. හැබැයි මේ සිදුවීම මීට වෙනස් අකාරයකින් චිත්‍රපට වල දක්නට ලැබෙන්නේ. ඔහු යහපත් පුද්ගලයෙකුව සිටින කාලයේදී සැම විටම කාසියේ වාසිය උරගා  බලා මිනිසුන්ට උදවු කරන්න පෙළඹී සිටිනවා. ඒ බව ඔයාලට අද කොටසින් දැකගන්න ලැබේවි. මේ කාසියේ දෙපැත්තම එක සමානයි. එත් මෙයාගේ මුහුණ විකෘති වීමත් සමඟ එයා ඒ ක්‍රමය යොදාගන්නවා දුෂ්ඨ වැඩ සඳහාත්.

කෙසේ වෙතත් හාර්වි ඩෙන්ට් හෙවත් ටු ෆේස් අවසානයේ බැට්මෑන්ගේ සතුරෙක් බවට පත් වෙනවා.  ඒ වගේම මේ චරිතය චිත්‍රපට තුලින් අපට දෙවරක් දෙදෙනෙක් සමීප කලා. ඒ මුලින්  Tommy Lee Jones  විසින් 1995 වසරේදී තිරගත වූ Batman Forever (1995)  චිත්‍රපටයේදී. මෑතකදී ඒ චරිතය නැවත ප්‍රාණවත් කලේ Aaron Eckhart විසින්. ඒ ක්‍රිස්ටෝපර් නෝලාන් විසින් අධ්‍යක්ෂණය කල The Dark Knight (2008) චිත්‍රපටය තුලින්. එහි අවසානයේ ඔබ දකින මුහුණ විකෘති වූ පුද්ගලයා තමයි හාර්වි ඩෙන්ට් හෙවත් Two-Faces බවට පසුව පත්වෙන්නේ. පහත දැක්වෙන්නේ ඒ දෙදෙනා ඒ චරිතයට අනුව හැඩ ගැසුන ආකාරය සමඟ සත්‍ය කොමික් චරිතය අතර කර ඇති සංසන්දනයක්.  

ඒවගේම හාර්වි ඩෙන්ට්ගේ මෙහෙමත් කියලා තියෙනවා, 

“You either die a hero, or you live long enough to see yourself become the villain.”

 

 

” Due to copyright issues, we do not provide any torrent links. “

සියලුම HDTV පිටපත් සඳහා අදාළ වේ.

6,565 downloadsDownload Gotham-S01E09.zip86 KB

https://d36zzuvfojr38z.cloudfront.net/wp_content/uploads/2014/04/හසන්ත.jpg මේ ලබා දී ඇති සිංහල උපසිරැසි පිළිබද “හසන්ත වික්‍රමරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 << Previous Episode                              All Episodes                                  Next Episode>>