Silo [S03 : E07] Sinhala Subtitles | බිලියනපති පර් ස්ටෙන්සන්ගේ සයිලෝ ව්‍යාපෘතිය [සිංහල උපසිරසි]

6 වෙනි එපිසෝඩ් එක පටන් ගන්නේ, කමිල් සයිලෝ එකේ අලුත්වැඩියා කටයුතු අධීක්ෂණය කරන දර්ශනයකින්. පඩිපෙළ ආයෙමත් අලුත්වැඩියා කරන ගමන් තියෙද්දී සිම්ස් එතනට ඇවිත් තමන්ගේ නෝනට බොරු කියනවා, ජුලියට්ව මට මගහැරුණා කියලා.

කමිල් මේ ගැන ටිකක් අසතුටින් ඉන්නේ. අන්තිමට ගෑනි සිම්ස්ව ඇන්තනී එක්ක කාලය ගත කරන්න කියලා යවනවා. ඒ වගේම ගෑනි රේඩියෝ එකෙන් තමන්ගේ ආරක්ෂකයන්ට සිම්ස් ගැන ඇහැ ගහගෙන ඉන්න කියලත් නියෝග කරනවා.

මේ අතර, බර්නාඩ් තාමත් ජීවතුන් අතර ඉන්නවා කියලා දැක්කම යන්ත්‍රික අංශයේ කට්ටිය ගොඩක් පුදුම වෙනවා. හති දාගෙන එතනට එන ජුලියට්, එයාට කරන්න ඕනේ මොකක්ද කියලා දැන් මතකයි කියලා කට්ටියට කියනවා.

ලූකස් කයිල් එතනදී පැහැදිලි කරනවා එයා හාඩ් ඩ්‍රයිව් එක ආයෙමත් හදලා ගත්තා කියලා. ඒකේ තියෙන විදියට සයිලෝ එකෙන් එළියට යන පාරවල් දෙකක් පැහැදිලිව පේන්න තියෙනවා. එකක් තියෙන්නේ IT අංශයෙන්, අනිත් එක අධිකරණ අංශයෙන්. මේ නිසයි ලූකස් මුලින්ම පතල් පැත්තට ගියේ, මිනිහට ඕනේ වුණේ උමං මාර්ග හරහා එළියට යන්න. මිනිහා IT උමඟට යන්න කිට්ටු වුණත්, ඊට පස්සේ පතල් වලට ගෑස් පිරෙව්වා.

බර්නාඩ් මතක් කරනවා සයිලෝ 1 ඉඳන් විදුලිය ලබා දෙන විදිය ගැන. ඒ කියන්නේ එයාලගේ සයිලෝ එකේ කරන්ට් එක ගියත්, IT අංශයට බලය දෙන්න හැමතිස්සෙම අතිරේක බල පද්ධතියක් තියෙනවා. අධිකරණ අංශය පැත්තෙන් නම්, එළියට යන පාර තියෙන්නේ කොහෙද කියලා ජුලියට් හරියටම දන්නේ නෑ. හැබැයි ඒකට හෝඩුවාව සයිලෝ 17 ඉන්න ජිමී වෙන්න පුළුවන්.

කමිල් ඒ පැත්තට එන ගමන් හිටියත්, ජුලියට් එයාලට කතා කරන්න පොඩි වෙලාවක් අරගන්නවා. මේ අතරේ මාර්තා, බර්නාඩ්ව ආරක්ෂිත තැනකට අරගෙන යනවා. ජුලියට් අර “කටහඬ” ගැනයි අනිත් සයිලෝ එකේ ළමයි ඉන්නවා කියන එක ගැනයි කතා කරනවා. කෙල්ලට මේ ගැන ඇල්ගොරිතමය එක්ක කතා කරන්න ඕන වෙලා තියෙනවා.

අකමැත්තෙන් වුණත් කමිල් ජුලියට්ව ඇල්ගොරිතමය ළඟට එක්කගෙන යනවා. ඇල්ගොරිතමය ජුලියට්ට උදව් කරන්න කැමති වෙනවා, හැබැයි ඒ ළමයින්ව ඇතුළට ගෙනාවට පස්සේ ජුලියට් ආයෙමත් මතකය නැතිවෙන පෙති  බොන්න ඕනේ කියන කොන්දේසිය මත. කොහොම වුණත් මේ ඔක්කොම රඟපෑමක් විතරයි.

ජුලියට්ට පිරිසක්ව සයිලෝ 17 ට යවන්න ඕන වෙලා තියෙන ඇත්තම හේතුව තමයි, ආරක්ෂණ ක්‍රියාවලියේ බටය අධිකරණ අංශයට සම්බන්ධ වෙන තැන හරියටම පෙන්නන සැලසුම් හොයාගන්න එක. හැම සයිලෝ එකක්ම එකම විදියට හදලා තියෙන නිසා, ඒ තොරතුරු පාවිච්චි කරලා එයාලට සයිලෝ 18 එකෙත් ඒ බටයම හොයාගෙන වහලා දාන්න පුළුවන්. එතකොට ඇල්ගොරිතමයට ඇතුළට විෂ ගෑස් පොම්ප කරන එක නවත්තන්න පුළුවන් වෙනවා. තමන්ට උදව්වට විශ්වාසවන්ත මිනිස්සු ඕනේ කියලා ජුලියට් දන්නවා. ඒ නිසා ඒ වැඩේ නොක්ස්ටයි ශර්ලිටයි බාර වෙනවා.

මේ අතර වෙනත් තැනක, පෝල් හැන්ක්ට ගොඩක් නරක ආරංචියක් ගේනවා. ඒ තමයි එයාලට විදුලි බුබුළු ඉතුරු වෙලා තියෙන්නේ තව අවුරුදු කිහිපයකට විතරයි කියන එක. ඒගොල්ලන්ට විදුලි බුබුළු හොරකම් කරපු කෙනාව හොයාගන්නම වෙනවා. ඒ හරහා ඕර්ලා කෙන්ට්ගේ ඝාතන ගැටලුවත් විසඳගන්න පුළුවන් වෙයි කියලා මෙයාලා විශ්වාස කරනවා.

මේ දෙන්නට මාර්ක්ගෙන් කිසිම තොරතුරක් ගන්න බැරි වෙනවා. අන්තිමට පෝල් තොරතුරු වලට හුවමාරුවක් විදියට කැරලි මර්ධන අයගේ නම් ටික මාර්ක්ට දෙන්න එකඟ වෙනවා. අන්තිමට මාර්ක් කට අරිනවා, මිනිහා කියනවා තොරතුරු දැනගන්න නම් යන්න ඕනේ නොක්ස්ගේ තාත්තා ගාවට කියලා.

පෝලුයි හැන්කුයි නොක්ස්ව හම්බවෙන්න ගියත් ඒක සාර්ථක වෙන්නේ නෑ. මොකද නොක්ස් කාලෙකින් එයාගේ තාත්තා එක්ක කතා කරලා නෑ. ඒ නිසා පෝල් තීරණය කරනවා ග්ලෙන්ඩා හරහා ඕර්ලාගේ ගමන් බිමන් හොයලා බලන්න.

ගෙවල් පැත්ත බැලුවොත්, සිම්සුයි කමිලුයි අතර ලොකු ප්‍රශ්නයක් ඇතිවෙලා තියෙනවා. ක්‍රෙඩිට්ස් 12ක් හොරකම් කරලා ඉස්කෝලේ වෙන කෙනෙක්ගේ පිටින් යවපු නිසා ඇන්තනී ඉන්නේ ලොකු අමාරුවක. කොල්ලා ආයෙත් මෙහෙම දෙයක් කරොත්, කොල්ලට පන්ති තහනමකටයි සැපයුම් අංශයේ වැඩ කරන්නයි සිද්ධ වෙන්න පුළුවන්.

ඇන්තනී එයාගේ කාමරේට ගියාට පස්සේ, සිම්සුයි කමිලුයි රණ්ඩු වෙනවා. තමන්ගේ පස්සෙන් කවුරුහරි ආවා කියලා සිම්ස් දන්නවා. ඒ වගේම සිම්ස් වැදගත් තොරතුරු හංගනවා නම් මිනිහට විරුද්ධව පියවරක් ගන්නවා කියලා කමිල් තර්ජනය කරනවා.

ප්‍රශ්න වැඩිවෙනකොට, කමිල් ආයෙත් ඇල්ගොරිතමය බලන්න යනවා. කවුරුත් එළියට යවන සැලසුම හොඳ අදහසක් නෙමෙයි කියලා ගෑනි හිතනවා. කොහොමහරි, AI එක ගෑනිව සන්සුන් කරලා ගෑනිගේ බය නැති කරනවා. අන්තිමට කමිල් වැඩේ අවුල් කරමින්, නොක්ස්ටයි ශර්ලිටයි එළියට යන්න අවසර දෙන්නේ නෑ. ඒ වෙනුවට ගෑනි කෙනඩිවයි ලූකස් කයිල්වයි ඒකට යොදවනවා.

ආයෙත් සයිලෝ එක පැත්තට ආවොත්, පෝල් ග්ලෙන්ඩව ආරක්ෂක අංශයට අරගෙන එනවා. එතනදි එයාලා දකිනවා කැමරා ඔක්කොම තාමත් වැඩ කරනවා කියලා. පෝල් සයිලෝ එක වටේ තියෙන විවිධ තැන්වල කැමරා දර්ශන බලනවා. ඒවයේ පේන විදියට ග්ලෙන්ඩා පතල් වල ඉඳන් සැපයුම් අංශයට විනාඩි 10කින් විතර ඇවිත් තියෙනවා. පතලේ තියෙන මොන උමං මාර්ගය මේ හරියට එනවද කියලා හිතාගන්න පුළුවන්ද?

නොක්ස්ගේ තාත්තා සම්බන්ධ තත්වයත් ලොකු ගැටලුවක් වෙලා, මොකද පේන විදියට මිනිහා මැරිලා. නොක්ස් මේ ගැන හොයලා බැලුවට මිනිහට කිසිම දෙයක් හොයාගන්න ලැබෙන්නේ නෑ, හැබැයි ඒක සමහරවිට බොරුවක් වෙන්නත් පුළුවන්.

මේ දේවල් වෙන අතරේ කැමිල් තමන්ගේ සැලසුම දිගටම කරගෙන යනවා. ඇල්ගොරිතමයේ ඉල්ලීමට අනුව ගෑනි ජල සැපයුමට “විටමින් D” එකතු කරන්න තීරණය කරනවා. IT එක ජුලියට්ටත් දිරච්ච ලණුවක් දෙනවා 😀 ඒක නොක්ස්වයි කෙනඩිවයි එළියට යවන්න ජුලියට්ට ඉඩ දෙන ගමන්, කාටවත් මේ සිදුවීම මතක හිටින්නේ නැති වෙන්නත් වගබලා ගන්නවා. ඒකෙන් කැරැල්ලක් ඇතිවෙන එක වළක්වාගන්නයි ඒගොල්ලෝ හදන්නේ.

අතීත කතාව ඇතුළේ, ඩැනියෙලුයි හෙලනුයි නගරයෙන් ගොඩක් දුරට වාහනේක ස්වයංක්‍රීයව අරගෙන යනවා. ඒක ටිකක් බය හිතෙන දෙයක්, මොකද මේක ශාලට්ගේ ප්‍රහාරක යානය පාලනය කරපු තාක්ෂණයම වෙන්න පුළුවන්. යතුර විසි කරාට කිසි වෙනසක් වෙන්නේ නැති නිසා, මේ දෙන්නා කොහෙද යන්නේ කියලා බලන්න ඉවසීමෙන් බලන් ඉන්නවා.

මෙයාලා එකට වාඩි වෙලා ඉන්න ගමන්, හෙලන් එයාගේ මාධ්‍යවේදී ගෞරවය ගැන වගේම තමන්ට පාඩුවක් වෙද්දිත් තමන්ගේ තොරතුරු ලබා දුන්න කෙනා වුණු ගිලියන්ව ආරක්ෂා කරපු විදිය ගැන කතා කරනවා.

අන්තිමට මෙයාලගේ පේන මානයට පොලිස් රථයන් ආවත් මෙයාලගේ වාහනය නවත්තන්නේ නෑ. පොලිසිය එයාලගේ වාහනේට සමාන්තරව ධාවනය කරනවා. අන්තිමට මෙයාලා ගුවන් පථයකට එනවා. එතන ඉන්නේ වෙන කවුරුවත් නෙමෙයි, සෙනෙට් සභික තර්මන්. එයා මේ දෙන්නගෙන් අහනවා “ලෝකය බේරගන්න උදව් කරන්න ඔයාලටත් ඕනෙද” කියලා.

ඉතින් මේ එපිය ගැන කතා කරොත්,

සයිලෝ කතාවේ අතීතය පෙන්නන කොටස ගොඩක් හෙමින් යන්නේ. ඒක මුළු කතාමාලාවම ටිකක් කම්මැලි කරනවා. මේ එපිසෝඩ් එක පුරාවටම අපි දකින්නේ ඩැනියෙලුයි හෙලනුයි කාර් එකක ගිහින් සෙනෙට් සභික තර්මන්ව හම්බවෙන එක විතරයි. ඇත්තටම හෙලන්ගේ චරිතයේ වර්ධනයක් පේන තැන් ටිකක් තිබුණත්, ඊට අමතරව ලොකුවට රසවිඳින්න දෙයක් එතන නෑ. සෙක්ස් එහෙම ටිකක් තිබුණා නම් ශෝයි 😉

ඒකට සාපේක්ෂව සයිලෝ එක ඇතුළේ කතාව නම් ටිකක් වේගවත් වෙනවා. ඇල්ගොරිතමයයි ජුලියටුයි දැන් බලය අල්ලගන්න එකිනෙකාට විරුද්ධව සටන් කරනවා. දෙන්නම තමන්ගේම ගේමක් ගහනවා, මේ අස්සේ කැමිල් මැද්දට වෙලා හිරවෙලා ඉන්නවා.

කැමිල් දැනටමත් ජල සැපයුමට විටමින් D එකතු කරලා තියෙන නිසා, අපේ කට්ටියට මේක පුළුවන් තරම් ඉක්මනට විසඳගන්න කාලය එක්ක ලොකු සටනක් කරන්න වෙලා තියෙනවා 🙁

පතල් වල ඉඳන් එන උමං මාර්ග, ඕර්ලා කෙන්ට්ගේ ඝාතනයට කෙලින්ම සම්බන්ධ බව දැන් පැහැදිලියි. ඒ වගේම සයිලෝ එක පුරාම පතල් හරහා යන පාරවල් තියෙනවා කියලා මේ එපිසෝඩ් එකෙන් අපිට දැනගන්න ලැබුණා.

කතාව හෙමින් ගියත් මෙතන හොඳ වර්ධනයක් දකින්න පුළුවන්. බර්නාඩ් ගැන කලින් දැනගන්න ලැබුණ දේවලුත් එක්ක බලද්දී, නොක්ස්ගේ තාත්තාත් අනිවාර්යයෙන්ම මැරිලා නැති වෙන්න පුළුවන්. හැබැයි මේ හැමදෙයක්ම අවුල් සහගත ඇත්තකට පාර කපනවා වගේ පේනවා. ඉස්සරහට එන එපිසෝඩ් වලින් ඒක අපිට බලාගන්න පුළුවන් වෙයි කියලා හිතමු.

 

 

 

 

Due to copyright issues, we no longer provide any torrent links.

ලබා දී ඇති උපසිරැසි WEB පිටපත් සඳහා පමණක් අදාළ වේ.

1,418 downloadsDownload Silo-S03E07.zip29 KB

 

 

මේ ලබා දී ඇති සිංහල උපසිරැසි පිළිබද “ UD Shehan ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

 

Subtitle Contributor Rank

GOLD MEMBER
JOINING DATE – 2016-12-05

SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.