American Hero (2015) with Sinhala Subtitle | කිරුළු නොපලන් සුපිරි විරුවා. [සිංහල උපසිරැසි සමඟ]

හැමෝටම ආයුබෝවන්.පළමු උපසිරසියෙන් අවුරුද්දකට විතර පස්සෙ තමයි මේ දෙවන උපසිරසියත් අරගෙන එන්නෙ. අධික කාර්යබහුලත්වය මධ්‍යයේ වුවද මේ සුදානම් වෙන්නෙ දෙවැනි පියවර තබන්න.දෙවන උපසිරැසිය වශයෙන් තෝරගත්තේ 2015 වසරේ දෙසැම්බර් මාසයේ 11 වෙනි දින තිරගත වීම ඇරඹු සුපිරිම චිත්‍රපටයක්.

සුප්‍රකට හොලිවුඩ් නළු Stephen Dorff විසින් මෙහි ප්‍රධාන භූමිකාවට පණ පොවනවා. දන්න කට්ටිය දන්නවා මෙයාගේ චිත්‍රපටි හා රඟපෑම වල තරම.එමෙන්ම IMDB දර්ශකයේ 4.8 ක් වැනි අගයක් ලබාගැනීමටත් මෙම සලරුවට හැකිවී තිබෙනවා. අගය තරමක් මදියි වගේ තමයි. ඒත් සලරුව අවසානයේ ඔබලාටම පුළුවන් ලැබිලා තියෙන අගය සාධාරණද නැද්ද කියලා තීරණය කරන්න.

කතාව ගැන කෙටියෙන් කියනවනම්, අපේ වීරයා එහෙමත් නැත්තම් මෙල්වින් කියන්නේ උපතින්ම සුපිරි බලයක් හිමි කෙනෙක්. මොහුට පුළුවන් තමා අවට පවතින ඕනෑම වස්තුවක් ඔහුගේ මානසික ශක්තිය පමණක් යොදා ගනිමින් චලනය කිරීමට. උදාහරණයක් ලෙස මෙයාට පුළුවන් අත පය කිසිවක් උපයෝගී කොට නොගනිමින් කාර් එකක් කිසිඳු අපහසුවකින් තොරව ඈතට වීසිකරන්න.මේ වගේ හොඳ හොඳ වැඩ ටිකක් බලාගන්න පුළුවන්. නමුත් කරුමේ කියන්නේ මේ තරම් වටිනා දායාදයක් මොහුට ලැබුණත් මොහු ඉන් කිසිම පල ප්‍රයෝජනයක් ගන්නෙ නෑ. මොහුගේ මේ කල්ක්‍රියාව නිසා මොහුගේ බිරිඳ මොහුගෙන් වෙන්වෙන අතර ඔහුගේ එකම දරුවා දැකීමේ අයිතියි පවා මොහුට අහිමි වෙනවා. කොටින්ම කියනවනම් මෙල්වින්ට ලෙසටම කෙළවෙනවා. ඊට පස්සේ ඉතින් අපේ වීරයා තමන්ගේ යාළුවොත් එක්ක පොඩි පාටියක් දාලා, බටයක් එහෙම උරලා සන්තෝසෙන් සමාදානයෙන් ආතල් එකේ කල්ගෙවනවා. හැබැයි ඉතින් ටික කාලයයි.හදිසියේම මොහුගේ ජීවිතය උඩු යටිකුරු වෙන සිදුවීමක් වෙනවා.මොහුට සිදුවෙනවා තමන්ගේ ජීවිතය වෙනුවෙන් තීරණයක් ගන්න.මොකක්ද ඒ තීරණය. මං ඔය විස්තර කළේ කථාවේ මුල් විනාඩි 15-20 වගේ තමයි.අරගෙනම බලන්නකෝ.හිනාවෙවී බලන්න පුළුවන් සුපිරි කතාවක්.

ඒ වගේම කියන්න ඕනේ මේ චිත්‍රපටය තුළ මධුර මනෝහර කාව්‍යමය දෙබස් හා නෙතු පිනවන දර්ශන බොහෝ සෙයින් අඩංගු වන නිසා අපේ පොඩි ළමයි ටික මේක නොබලනවනම් ඇඟට හොඳයි.එහෙම කිව්වා කියලා බලන එකා නොබලා ඉන්නවයි.නොබලන්න ඉන්න එවුනුත් බලනවා මිසක් 😀

අවසාන වශයෙන් කියන්න තියෙන්නෙ බයිස්කෝප් අඩවියේ අපේ සොහොයුරන්ට ස්තුතිවන්ත වෙනවා මට මේ අවස්ථාව ලබාදීම වෙනුවෙන්. වැරදි අඩු පාඩු තිබුණොත් සමාවෙන්න කියලා හැමදෙනාගෙන්ම ඉල්ලා සිටිනවා. තුන්වන උපසිරැසිය නම් ඉක්මනටම අරගෙන එන්න බලාපොරොත්තු වෙනවා. එහෙනම් ඉතින් නැවත හමුවන තෙක් හැමදෙනාගෙන්ම සමුගන්න අවසරයි.

ලංකාවාසී සියලු දෙනාටම සුබම සුබ අලුත් අවුරුද්දක් වේවා…!

ජයවේවා…!

 

 

678 MB කොපිය මෙතනින් බාගන්න

32776b001f7acdd20da782c2170c67715c7c36df Hash tag එක මාර්ගයෙන් ඉතා පහසුවෙන්ම, මෘදුකාංගය හරහා පමණක් ටොරන්ට් එක බාගත කරගන්න උපදෙස් සිංහලෙන්ම මෙතන තියනවා.

3,366 downloadsDownload 201604101119baiscopelk.zip40 KB

 

https://d36zzuvfojr38z.cloudfront.net/wp_content/uploads/2015/01/10933334_902827953069648_1398284762_n-e1422094648634.jpg මේ ලබා දී ඇති සිංහල උපසිරැසි පිළිබද “සිසිල ප්‍රසාද්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.