Bumm Bumm Bole (2010) with Sinhala Subtitles | දෙවියනි ඔබ මැවු ලොව පුදුමයි [සිංහල උපසිරසි සමඟ]

කොහොමද යාළුවනේ! ඔන්න මම දෙවැනි උපසිරැසියත් හැදුවා. මේ වතාවෙ මම තෝරාගත්තෙ ලස්සන හින්දි චිත්‍රපටයක්. ළමයින්ටයි දෙමාපියන්ටයි එකට බලන්න පුළුවන් කාටත් ආදර්ශමත් හොඳ කථාවක්. මේ චිත්‍රපටයත් ටිකක් පරණයි. චිත්‍රපටයට උපසිරැසි තිබුණේ නැති නිසා උපසිරැසි හදන්න හිතුණා.

මේ චිත්‍රපටියේ කථාවට පාදක වෙලා තියෙන්නෙ දුප්පත් පවුලක්. මේ පවුල දුප්පත්කමත් එක්ක ගොඩාක් ප්‍රශ්නවලට මුහුණ දෙනවා. ඒ ප්‍රශ්න අතරෙ අයියා අතින් නංගිගෙ සපත්තු දෙක නැතිවෙනවා. තාත්තා රස්සාවක් හොයාගන්න මහන්සිවෙන අතරෙ, නංගිට සපත්තු දෙකක් අරන් දෙන්න අයියා වෙන මහන්සිය තමයි චිත්‍රපටයට මාතෘකාව වෙලා තියෙන්නෙ.

චිත්‍රපටයේ අයියා එහෙමත් නැත්තම් “පිනාකි” ගෙ චරිතය රඟපාන්නෙ දර්ශිල් සෆාරි (Darsheel Safary). මතකනෙ දර්ශිල් තමයි thare zammen par චිත්‍රපටයෙත් ප්‍රධාන ළමා චරිතය රඟපෑවෙ. තාත්තාගේ චරිතය රඟපාන්නෙත් දක්ෂ නළුවෙක් වන අතුල් කුල්කර්ණි (Atul Kulkarni). පැය 2යි මිනිත්තු 5ක් දිවයන මේ චිත්‍රපටයේ IMDb අගය 5.9 ක්. අ‍නෙක් කාරණය තමයි මේක, 1997 තිරගත වූ Children of Heaven චිත්‍රපටියේ ප්‍රතිනිර්මාණයක්. අධ්‍යක්ෂණය කරලා තියෙන්නෙ ජනප්‍රිය අධ්‍යක්ෂවරයෙක් වන ප්‍රියදර්ශන් (Priyadarshan).

ඇත්තටම මේක බලන්නම වටින චිත්‍රපටියක්. දෙමාපියන් විඳින දුක තේරුම් අරන් ළමයින් කටයුතු කළ යුතු බව මේ චිත්‍රපටියෙන් ළමයින්ට දෙන හොඳ ආදර්ශයක්. වැඩි විස්තර කියනවාට වඩා සිංහල උපසිරැසිත් එක්කම චිත්‍රපටය බලන එක තමයි වඩාත් හොඳ. එහෙනම් චිත්‍රපටිය බලලා, උපසිරැසිවල අඩුපාඩු තියෙනවානම් ඒවත් කියන්නකො!

 

 

 

Due to copyright issues, we do not provide any torrent links.

 

Bumm Bumm Bole – DVDRip – XviD – 1CDRip –

මෙම ලබා දී ඇති උපසිරැසිය ඉහත පිටපත සඳහා අදාළ වේ.

2,150 downloadsDownload Bumm.Bumm_.Bole-2010.Hindi_.Baiscopelk.com_.rar40 KB

 

https://d36zzuvfojr38z.cloudfront.net/wp_content/uploads/2016/07/SajithLasantha1.png මේ ලබා දී ඇති සිංහල උපසිරැසි පිළිබද “සජිත් ලසන්ත” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.