Logan Lucky (2017) Sinhala Subtitles | ලෝගන් පවුලේ වාසනාව උරගෑම [සිංහල උපසිරසි සමඟ]

2017 අගෝස්තු 18 වෙනිදා ප්‍රදර්ශනය ආරම්භ කරපු මේ චිත්‍රපටිය IMDB දර්ශකයෙ 7.1ක අගයක් වගේම Rotten Tomatoes එකේ විචාර වලින් 93%ක් ම හොඳ විචාර ලබාගත්තු චිත්‍රපටියක්. Steven Soderbergh අධ්‍යක්ෂණය කරපු විනාඩි 118ක් පුරා දිවෙන මේ චිත්‍රපටියට කරපු වියදම ඇමරිකානු ඩොලර් මිලියන 29ක්. අගෝස්තු මාසෙ සිනමා ශාලාවල ප්‍රදර්ශනය පටන් ගත්තට මේකෙ වීඩියෝ පිටපත් රිලීස් කලේ 2017 නොවැම්බර් මාසෙ 14 වෙනිදා. ඒ කියන්නෙ සති දෙකකට කළින්.

උපසිරැසි කරන වැඩෙන් පොඩි විවේකයක් ගන්න හිතුවත් බයිස්කෝප් එකේ සිසිල ප්‍රසාද් සහෝදරයගෙ ඉල්ලීම නිසා මේකත් කරන්නම් කියල බාර ගත්තා. අලුත්ම සුපිරි චිත්‍රපටියකට සිංහල උපසිරැසි කරන වැඩේ මට බාරදුන්නට ඔන්න සිසිල ප්‍රසාද් සහෝදරයටත් ස්තුතියි! මේක තමයි මගේ අට වෙනි උපසිරැසිය.

හරි ආපහු චිත්‍රපටිය පැත්තට හැරෙමුකො. මේකෙ ප්‍රධාන චරිතය “ජිමී ලෝගන්” විදිහට Channing Tatum රඟපානවා. Step Up(2006), G.I.Joe: The Rise of Cobra (2009), The Eagle (2011), Side Effects (2013), G.I. Joe: Retaliation (2013), Jupiter Ascending (2015) කියන්නෙ Channing Tatumගෙ ජනප්‍රිය චිත්‍රපටි කිහිපයක් තමයි. ජිමී ලෝගන්ගෙ මල්ලි “ක්ලයිඩ් ලෝගන්” (එක අතක් නැති බාර් සේවකයා) ගෙ චරිතය කරන්නෙ Adam Douglas Driver. (Star Wars: The Force Awakens (2015), Midnight Special (2016), Paterson (2016)) ලෝගන් සහෝදරයන්ගෙ මේ සුපිරි ගේමට එකතු කරගත්ත අනිත් වැඩකාරයා තමයි “ජෝ බෑන්ග්”. Daniel Craigගෙ ඒ මූණත් ඔයාලට නම් මතක ඇති. (Spectre (2015), Skyfall (2012), The Invasion (2007), Casino Royale (2006)). ඊට අමතරව Riley Keough (American Honey (2016), Mad Max Fury Road (2015), Magic Mike (2012)), Katie Holmes, Jim O’Heir, සහ ජිමී ලෝගන්ගෙ පුංචි කෙළි පොඩ්ඩ “සාදි” විදිහට Farrah Mackenzie රඟපානවා.

දැන් ලෝගන්ලා ගැන ගොඩක් කියවුණානෙ. ඔව් ඉතින් චිත්‍රපටියෙ නමත් ලෝගන්ලා ගැනනෙ. ජිමී, ක්ලයිඩ්, මෙලී, කියන ලෝගන් සහෝදරයන්ගෙ පවුලෙ අය වැටිලා ඉන්න අමාරු තත්ත්වෙන් ගොඩ ගන්න ජිමීගෙ සුපිරි සැලසුමකට තවත් කට්ටිය එකතු කරගෙන ගහන නියම ගේමක් තමයි මේකෙ පෙන්නන්නෙ. හොරකම් කරන එක නම් හොඳ වැඩක් නෙවෙයි. ඒත් මේ වගේ සැලැස්මකට නම් තෑග්ගක් දෙන්න වටිනවා.

ඉතින් ලෝගන්ලගෙ මේ වැඩේ සාර්ථක වෙයිද, නැත්නම් කට්ටියටම හිරේ තපින්න වෙයිද කියලා චිත්‍රපටිය බැලුවොත් තමයි දැනගන්න වෙන්නෙ. දැන් ඉතින් සිංහල උපසිරැසිත් තියෙනවනෙ?

 

 

Due to copyright issues, we do not provide any torrent links.

මෙම ලබා දී ඇති උපසිරැසිය Blu-Ray පිටපත සඳහා අදාළ වේ.

16,362 downloadsDownload Logan.Lucky_.2017.zip58 KB

https://d36zzuvfojr38z.cloudfront.net/wp_content/uploads/2017/10/Ranjeewa-K.jpg මේ ලබා දී ඇති සිංහල උපසිරැසි පිළිබද “රංජීව කේ. ලියනගේ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2017-10-28
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.