Okja (2017) with Sinhala Subtitles | අමනුශ්‍යත්වයෙන් පිරී ගිය මනුෂ්‍යයන්ට එරෙහිව, විකෘති සත්වයෙකුට පෙම් බැඳී තරුණිය! [සිංහල උපසිරැසි සමඟ]

වර්ෂ 2007 වන විට ලෝක ජනගහණය බිලියන හත ඉක්මවා යනවා. දිනෙන් දින ඉහල යන ලෝක ජනගහණයත් සමගින්, නුදුරු අනාගතයේදී සමස්ත ලොවම දැඩි ආහාර අර්බුධයකට ලක්විය හැකි බවට විද්‍යාඥයින් විසින් අනතුරු අඟවනු ලබනවා. අහාර වෙනුවෙන් අනාගතයේදී නිසැකවම තරඟයක් ඇතිවෙන බවට අනතුරු අඟවනු ලබනවා. වර්ෂ 2007 වන විටත්, දෛනිකව කුසගින්න නිවාගැනීම සඳහා, බිලියන හතක් වූ සමස්ත ලෝක ජනගහනයෙන්, මිලියන 805 ක් වූ ප්‍රමාණයක ජනතාව සඳහා අරගල කිරීමට සිදුවී තිබෙනවා. මින් මිලියන 30ක් ඇමරිකානු එක්සත් ජනපදයට අයත් වන වැසියන්. අහාර හිඟයක් ඇති වුණත්, මිනිසුන් ඒ පිළිබඳව වැඩි වශයෙන් කතාබහ කලේ නැහැ. මිනිසුන්ට අවශ්‍ය වුනේ හාස්කමක්. මිනිසුන්ගේ බලාපොරොත්තු ඉෂ්ට කරමින්, හාස්කමක් හම්බවුණා. එක්තරා චිලී ගොවිපළකින් හරි අපූරු සත්ව පැටියෙක් හම්බුණා. මේ අපූරු සත්වයාව ඇමරිකාවේ ඇරිසෝනා හි පිහිටි පෞද්ගලික ආයතනයක විද්‍යාගාරයට අරගෙන ඇවිල්ලා, විද්‍යාඥයින්ගේ ආදරය, රැකවරණය, නිරීක්ෂණය, අධ්‍යනය කිරීම් හි ප්‍රතිඵලයක් ලෙස එවැනි සත්වයින් 26 දෙනෙක් ප්‍රතිනිර්මාණය කරන්න ඔවුන් සමත් වුණා. මේ හැම දෙයක්ම කලේ ස්භාවික ආකාරයට. අවසානයේ මේ අපූරු සත්ව පැටවුන්ව විවිධ රටවල් හි, අති දක්ෂ ගොවියන් 26 දෙනෙක් වෙත ලබාදෙනවා. ඒ, වසර දහයක කාලයක් ඇතුළත මේ සත්වයින් හැකි උපරිම ආකාරයෙන් වැඩිදියුණු කිරීම සඳහායි. වසර දහයක් තුලදී, එකිනෙකට වෙනස් රටවල් 26ක් තුල, එකිනෙකට වෙනස් තාක්ෂණික ක්‍රමෝපායන් තුලින්, එකිනෙකට වෙනස් ආකාරයෙන් හැදී වැඩෙන්නා වූ මෙම සත්වයින් 26 දෙනා අතුරින් හොඳම සත්වයා අනාගත ආහාර අර්බුධය නිමාවට පත්කරන පුරුක බවට පත්වනු ඇත.

දකුණු කොරියාවේ, කැලෑ බද ප්‍රදේශයක පිහිටි හුදකලා කඳුකරයක කෙළිදෙලෙන් පසුවෙන්නා වූ අති විශාලා අමුතු සත්වයෙක් සහ කුඩා දැරිවියක්… සිය වියෝවෘධ මුත්තණුවන් සමගින් දිවි ගෙවන්නා වූ මෙම දැරියගේ හොඳම මිතුරා වූයේ මෙම අති විශාල සත්වයායි. වසර දහයකට පෙර ඇමරිකාවෙන් ඔවුන්ට ලැබුණු මේ සත්වයා මේ වන විට පුදුමාකාර ලෙස හැදී වැදී තිබෙනවා. අවසානයේ, ලබාදුන් වසර දහයක කාල සීමාව නිමාවට පත්කරමින් පර්යේෂකයන් කණ්ඩායම මෙම සත්වයා හොයාගෙන පැමිණෙනවා. මෙම සිදුවීමත් සමගින් කුඩා දැරියගේ ජීවිතය සම්පූර්ණයෙන්ම උඩි යටිකුරු වෙනවා. මෙතෙක් කාලයක් පුරාවට සිය ප්‍රාණ සම වන් දැවැන්ත මිතුරා සමගින් කඳුකරය පුරාවට කෙළිදෙලෙන් ගත කල සමයට නැවතීමේ තිත තබමින්, සිය දැවැන්ත මිතුරාගේ පණ නළ රැකගැනීම උදෙසා ඇමරිකාවේ අති දැවැන්ත සමාගමක් සමගින් සටන් කිරීමට තරම් මෙම කුඩා දැරියගේ දෛවය අකාරුණික වූයේ කෙසේද? මෙම දස අවුරුදු ව්‍යාපෘතිය තුල තිබෙන්නා වූ, ලොවට හෙළිදරවු නොකළ, අතිශය බිහිසුණු, කුරිරු ක්‍රියාදාමය කුමක්ද? අවසානයේ කුමක් සිදුවේද?

Action, Adventure, Science fiction යන කාණ්ඩ නියෝජනය කරමින්, 2017 වර්ෂයේ ජුනි මස 28 වැනි දින මහජන ප්‍රදර්ශනය සඳහා නිකුත් වූ සුපිරිම සිනමා අත්දැකීමක් තමයි මේ වතාවේ අරගෙන ආවේ. Snowpiercer (2013), Mother (2009), The Host (2006) වැනි විශිෂ්ට සිනමා නිර්මාණයන් ලොවට දායාද කරන ලද, Joon-ho Bong ගේ අධ්‍යක්ෂණයෙන්ද, ඇමරිකානු – දකුණු කොරියා මිත්‍රත්වය පදනම් කරගනිමින් නිෂ්පාදනය වුණා වූද, Life (2017), Nocturnal Animals (2016), Demolition (2015), Everest (2015), Prisoners (2013), End of Watch (2012), Prince of Persia: The Sands of Time (2010) වැනි විශිෂ්ට සිනමා කෘතීන් රාශියක රංගනයෙන් දායක වන ලද Jake Gyllenhaal සහ, Maze Runner චිත්‍රපට මාළාව, Revolution රූපවාහිණි කතා මාලාව හරහා ජනප්‍රිය වූ Giancarlo Esposito සහ, The Walking Dead රූපවාහිණි කතා මාලාවේ “ග්ලෙන්” යන චරිතය තුලින් අතිශය ජනප්‍රියත්වයක් හිමිකරගත් Steven Yeun යනාදීන්ගේ විශිෂ්ට රංගනයෙන් ඔපවත්වන මෙම සලරුව, මෙම සටහන ලියවෙන මොහොත වන විට imdb දර්ශකයේ 7.7 ක අගයකින්ද, Rotten Tomatoes හි 85% ක මනාප ප්‍රතිශතයක්ද, google පරිශීලකයින්ගේ 95% ක මනාප ප්‍රතිශතයක්ද ලබමින්, අති විශිෂ්ට ප්‍රේක්ෂක ප්‍රතිචාරයක් ලබාගැනීමට සමත් වී තිබෙනවා. ලෝ ප්‍රකට Netflix නාලිකාවේ සාඩම්බර බෙදාහැරීම් දායකත්වය සහිත මෙම සලරුව, ඇමරිකානු ඩොලර් මිලියන 50ක දැවැන්ත බරපැනක් දරමින් නිෂ්පාදනය කර ඇත.

අනිවාර්‍යයෙන්ම අරගෙන බලන්න. චිත්‍රපටය කිසිම කම්මැලි කමකින් තොරව අවසානය දක්වාම නරඹන්න පුළුවන්. සමහර දර්ශන වලදී ඇත්තටම ඇස් දෙක කඳුලින් පිරේවි. බුද්ධිමත් කියන මේ මනුෂ්‍යයා කොච්චර නම් දරුණුද, කොච්චර නම් තිරිසන්ද කියලා හොඳටම තේරේවි. බුද්ධිමත් මිනිස්සුත් එක්ක බලනකොට තිරිසන් සත්තු කොච්චර හොඳද කියලා හිතේවි. චිත්‍රපටයේ අවසානයත් එක්ක ගොඩක් දේවල් හිතන්න ඉතුරු වේවි. මිනිස්සු ඇයි මෙච්චර ආත්මාර්ථකාමී? මේක තමයි අවසානයේ මට ඉතුරු වුණු ප්‍රශ්නය. අරගන්න… නරඹන්න.. රස විඳින්න… ජීවිතය පිළිබඳව අලුතින් හිතන්න… එයයි මේ සිනමා අත්දැකීමේ සැබෑ අභිප්‍රාය!

ගිහින් එන්නම්. හැමෝටම ජයවේවා!!!

 

 

 

Due to copyright issues, we do not provide any torrent links.

Okja.2017.720p.WEBRip.x264-STRiFE

ලබා දී ඇති උපසිරසිය ඉහත පිටපත සඳහා අදාළ වේ.

10,206 downloadsDownload Okja-2017.zip46 KB

https://d36zzuvfojr38z.cloudfront.net/wp_content/uploads/2016/05/SisilaPrasad.jpg මේ ලබා දී ඇති සිංහල උපසිරැසි පිළිබද “සිසිල ප්‍රසාද්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.