To the Wonder (2012) | ආදරය, කරුණාව හා විවාහය…(18+) [සිංහල උපසිරැස සමඟ]

මගෙ 50 වන උපසිරැස නිර්මාණය වෙනුවෙන් සුභ පතලා අදහස් පළකල හැමෝටම බොහොම ස්තුතියි. මෙන්න එහෙනම් 51 වැන්න. අද මම අරගෙන ආවෙ වෙනස්ම විදිහක සලරුවක්. නමුත් මම දන්න නැහැ ඔයාට මෙ ආරට කොහොම රුචිකත්වයක් දක්වයිද කියල. මොකද ලෝක සිනමාව එක මානයක එක ආරක සිරවුන දෙයක් නෙමෙයි. අපි ඒ තුල අමුතු අමුතු හැඩයන්ගේ ලකුණු දකිනව. ඉතින් මම දැක්ක එහෙව් ලකුණක් ඔබ වෙත ගේන්නයි මේ සූදානම්. ඒ වගේම ප්‍රංශ, ස්පාඥ හා ඉතාලි යන භාෂාවන් මෙයතුල ඉංග්‍රීසි භාෂාවටත් වඩා භාවිතා වෙනව.

මේකත් 2012 කියල වර්ග කරන්න හේතුව 2012 සැප්තැම්බර් 02 වන දින වැනීසියේ එක දර්ශන වාරයක් පැවැත්වීම. නමුත් නියම විදිහට ප්‍රේක්ෂකයා වෙත ප්‍රදර්ශනය ඇරබෙන්නෙ 2013 පෙබරාවාරි 22 මහා බ්‍රිතාන්‍යයේ හා 2013 අප්‍රේල් 12 ඇමරිකාවේදි. පිටපත හා අධ්‍යක්ෂණය ඔස්කා සම්මාන ත්‍රිත්වයකට නාම යෝජනා ලද Terrence Malick ගෙන්. මෙහි ප්‍රධාන චරිත තුනක් තමයි මූලික වශයෙන් දිවයන්නෙ ඉන් පුරුෂ චරිතය නිරූපණය කරන්නෙ සුපිරි නළු Ben Affleck ඔහු සමඟ ප්‍රධාන කාන්තා චරිත නිරූපනය කරන්නෙ Olga Kurylenko හා Rachel McAdams යන දෙදෙනා. මේ නම් ගැන මම අමුතුවෙන් කියන්න යන්නෙ නැහැ ඔක්කොම බොහොම හුරු පුරුදු නිසා. Drama, Romance ගණයට අයත්වන මේ සලරුව IMDB දර්ශයක තුල 6.3ක අගයක් හිමිකරගෙන තියනව.

හරි දැන් කාතාව වෙන්නෙ මෙහෙමයි; නීල් නම් යුරෝපයේ සංචාරය කරන ඇමරිකානු ජාතිකයාට හමු වෙනව තරුණ වැන්දබුවක් ඇය නමින් මරීනා, ඇය යුක්‍රේන ජාතිකයෙක්, ජිවත් වෙන්නෙ මුල් කසාදයේ දුවනිය වන ටටියාන එක්ක පැරීසියෙ. මේ දෙදෙනා හමුවීමත් එක්කම එය ආදරයක් බවට පත්වෙනව. මේ ආදරවන්තයන් යනව ශාන්ත මිචෙල් කන්දට සවාරියක්. ඒ සමඟම දලුලා වැඩෙන ඔවුන්ගේ බැදීම එක්ක නීල් ආරාධනා කරනව මරියා හා ඇයගේ දියනියට තමා එක්ක ඇමරිකාව බලා යන්න. ඔවුන් ඔක්ලහෝමාවේ පදිංචියට යනව, ඔහු ස්වාභාවික පරීක්ෂකයෙකු ලෙස රැකියාව කරන අතර ඇය හැඩ ගැහෙනව රාගයෙන් හා ප්‍රාණයෙන් පිරි නව ඇමරිකානු ජීවිතයට. නමුත් ඔවුන් අතර මත ගැටුම් ඇතිවෙන්න වැඩි කලක් යන්නෙ නැහැ……

ඉන් එහාට ඔවුන්ගේ ජීවිතය හා ආදර හමුවේ ඔවුන් දක්වන සංවේදීතාව අමුතුම ආරකින් ඔබට දැකගන්න පුලුවන්, ඒ තරම්ම දෙබස් ගණනක් මේ මිනිත්තු 112 තුල ඔබට දකින්න නොලැබේවි. නමුත් ඒ අතර විශාල නිහැඬියාව අපි හට සිතීමට ඉතිරි කරන ජීවිතය වටහා ගන්න උත්සාහ ගන්න. එසේනම් තවත් උපසිරැසක් සමඟ හමුවන තුරු ඔබ සැමට ජය….!

 

 

360 MB (480p) කොපිය මෙතනින් බාගන්න

632fec7641f4df168ec3973a993c7e3efebe2d62

820 MB (720p) කොපිය මෙතනින් බාගන්න

f5c93393ba4e98661f7d3b2ec87c0ea25c3a2e76

1.7 GB (1080p) කොපිය මෙතනින් බාගන්න

960d8a9fd35a278b6b9eeb5e637f396b682564ac ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ්  (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

2,507 downloadsDownload To.the_.Wonder.2012.zip59 KB

https://d36zzuvfojr38z.cloudfront.net/wp_content/uploads/2013/02/සමීර-කරුණාරත්න.jpg මේ ලබා දී ඇති සිංහල උපසිරැසි පිළිබද “සමීර කරුණාරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.