TV – Series | නැවතත් රූපවාහිනි කතාමාලා සඳහා සිංහල උපසිරසි ලබාදීම.

අපි මේ ලෝකේ ජිවත් වෙනකොට අපිට මුහුණ දෙන්න වෙන සමහර අවස්තාවන් තියෙනව මොනාද වෙන්නේ? ඇයි මේ දේ වෙන්නේ? මෙහෙම කරන අයගේ අරමුණ මොකක්ද? මේ දේට කරන්න පුළුවන් දේවල් මොනවද? කියල තේරුම් ගන්න අමාරු. ගොඩක් වෙලාවට එහෙම වෙන්නේ ප්‍රතිවාදියා බියගුළු විදියට හැංගිලා පහර දෙනකොට. ඒ වෙලාවට අපිට සිද්දවෙනව අදාළ බියගුල්ලන් ඔවුන්ගේ අරමුණ ජයගත් බව ඔවුන්ට හඟවන්න. ඊට පස්සේ ජයග්‍රාහි විලාශයෙන් අදාළ කඩාකප්පල්කාරීන් ඉදිරියට එනවා. ඇවිල්ල කිඹුල් කඳුළු හෙලන්නත් ගන්නවා. ඒ විතරක් නෙමේ එන්න අපි එක්ක එකතු වෙමු කියලත් කියනවා. මොනා ගැනද මේ කිව්වේ කියල අමුතුවෙන් කියන්න අටුවාටිකා ඕන නැහැ කියල හිතනවා. මොනවද මේ වෙන්නේ කියල අවධානයෙන් හිටිය ඕනෑම කෙනෙක්ට මේ කියල තියෙන කතාව තේරෙනවා. ඒ දේවල් කරමින් හැංගි හැංගි වෙස් බැඳපු පිරිස එළිපිට නටන්න ගත්ත සිංහල උපසිරසි ලබාදීම සිද්දකරමින්.හැබැයි එයාල දැනගෙන හිටියෙ නැහැ පැළඳගෙන ඉන්නේ සීතාම්බර පටසළු බව. ඒ වගේම අපිට බොහොම සතුටුයි බයිස්කෝප් සිංහලෙන් කියන්නේ මරල දාල මිසක් තරඟකාරී බවකින් තරඟයක් දීලා පරාජය කරන්න බැරි දැවැන්තයෙක් බවට ඔප්පු කරලා පෙන්නුව එක ගැන. ඒ අයට ආයෙම කියන්න කැමතියි හැම දේම හෙළිවුණා. ඒ දෙය කල පිරිස කවුද කියල අපි දන්නවා. ෆේස්බුක් ටීවී සිරිස් පේජ් කොපි කරමින් ආරම්භ කරපු අනුකරණවාදී ෆේස්බුක් පේජ් එකක පිරිසකුත් ඒ හා සම්බන්ධ ෆේක් එකවුන්ට් වලින් ඉන්න ෆේස්බුක් වීරයෝ පිරිසක් සහ ඊට භාහිරව හිඳ අපේ උපසිරසි කරුන්වගේ උපසිරසිවල පිහිටෙන් ෆේස්බුක් සහ අන්තර්ජාලය හරහා ඩිවිඩි පිටපත් අලවිකරණයේ යෙදුණු, බයිස්කෝප් ෂොප් නිසා කලබල වෙලා මේ කඩාකප්පල්කාරී වැඩේට අනුබල දීපු පිරිසත් හදුනාගැනීමට අපිට අවස්ථාවක් ලැබුන අපි මේ අරගත්ත ක්‍රියාමාර්ගය නිසා, ඒ නිසාවෙන් අපහසුතාවයට පත්වුණ හැම කෙනෙක්ටම කණගාටුව ප්‍රකාශ කරන්න කැමතියි.

පසුගිය කාලසීමාව පුරාවටම බයිස්කෝප් වෙබ් අඩවිය පුරා හඳුනානොගත් ( Anonymous) පහත් පෙලේ හැදියාවන් ඇති පිරිසක් වෙබ් අඩවියේ නොමනා ලෙස අදහස් ප්‍රකාශ කරමින් හැසිරෙනවා දක්නට ලැබුනා. අපිට මේක අලුත් සිදුවීමක් නෙමෙයි මල් වගේම ගල්මුල් වලටත් අපි ඔට්ටුයි. නමුත් දිගින් දිගටම ඒකාකාරිව සංවිධානාත්මක අන්දමකින් මේ දේ සිද්දවෙන බව අපිට දකින්න ලැබුනා. ඉතිං ඒ කවුද ? මොනාද කරන්නේ? කුමන අරමුණකටද? කියල හඳුනාගන්න අපිට ඉහත සඳහන් කරපු පියවරට යන්න සිද්දවුනා. පටන් ගත්ත දවසේ ඉඳලම හැම වෙලේම ඉදිරියට පියවර තබමින් ගමන් කරපු බයිස්කෝප් වෙබ් අඩවිය ප්‍රථම වතාවට අඩියක් පසුපසට ගත්තා. මොකද නිදැල්ලේ හැසිරෙන පිස්සු බල්ලන්ව තෝරා-බේරාගෙන අල්ල බැඳලා දාන්න පියවරක් ගන්න ඕනවුනා. අපි අඩියක් පසුපසට ගත්තට පස්සේ සෑහෙන යෝජනා චෝදනා වගේම දිරිමත් කිරීම් සමගින් තවත් පහලටම ඇද දමමින් සිදුකරන ලද බොරු ප්‍රචාරණත් ෆේස්බුක් එක පුරාවටම දැකගන්න ලැබුන අපිට. ඒ හැම යෝජනාවකටම දිරිමත් කිරිමකටම වෙබ් අඩවිය වෙනුවෙනුත් උපසිරසි සපයන සියලුම සාමාජිකයින් වෙනුවෙනුත් කෘතඥපුර්වක ස්තුතිය පිරිනමන්න කැමතියි. මොකද මුහුණදෙන්න සිද්දවෙච්ච සිදුවීමත් එක්ක සැබෑවටම අපිත් එක්ක රැඳිලා ඉන්නෙ කවුද, කොපමණ පිරිසක් අපි එක්ක ඉන්නවද කියල බොහොම හොඳට පැහැදිලි උනා. ඒ වගේම එල්ලකරපු චෝදනා මඩ ප්‍රහාර ගැන පිළිතුරු දෙන්නත් මේක අවස්තාවක් කරගන්නවා. ඒ වගේම දැන් ඉඳල ඒ විදියට තැන තැන හපාකන්න සැරසෙන අයට කියන්නේ. දැන් එහෙම කරන වෙන්නේ නැහැ. එහෙම කලොත් වෙබ් අඩවියට පිවිස උපසිරසි බාගත කරගැනීමේ සහ අදහස් දැක්වීමේ අයිතිය සදහටම අදාළ පුද්ගලයට අහිමි වෙනාවා. ඉතාම ප්‍රජාතන්ත්‍රවාදී ආකාරයට කටයුතු කරපු අපිට දැන් සීමිත ප්‍රජාතන්ත්‍රවාදයක් වෙත යන්න සිදුවීම ගැන ඉතාම කනගාටුයි. නමුත් ඉහත කිව්ව ජාතියේ පිස්සු බල්ලන්ව බැඳලා දාන්න සිද්දවෙනවා අපිට. ඊට පස්සේ අපිට සුපුරුදු පරිදි නව ජවයකින් ඔබ සියලුදෙනා සමගින් පෙරටත් වඩා ඉදිරියට යන්න බලාපොරොත්තු වෙනව ළඟදීම. ඒ කියන්නේ අපි නවත්තල තිබ්බ රුපවාහිනී සමගාමී විකාශනයන්ට අදාළ සිංහල උපසිරසි ළඟදීම නැවතත් සුපුරුදු පරිදි ඔබලාට නොමිලේම තිලිණ කෙරෙනවා. අපි කිසිම ආකාරයකට මුදල් අයකරමින් කිසිදු දිනක උපසිරසි ලබාදීම සිදුකරන්නේ නැහැ. ඇත්තටම එහෙම කලාම අපි මේ ලබාදෙන උපසිරසියේ මිලකළ නොහැකි වටිනාකම අහෝසි වෙනවා වගේම ඔබගේත් අපගේත් විනොදාස්වාදයට සිදුකරන මේ අමුතු විනෝදාංශය ව්‍යාපාරයක් බවට පත්වෙනවා. ඒ නිසා අපි කිසිම දවසක උපසිරසි ලබාගැනීමට පැමිණෙන කිසිවෙකුගෙන් මුදලක් අයකරගන්න බලාපොරොත්තු වෙන්නේ නැහැ. බයිස්කෝප් සිංහලෙන් ලබාදුන්, ලබා දෙන සහ ලබා දෙන්නට බලාපොරොත්තු වෙන ඕනෑම සිංහල උපසිරසක් ඔබට ලැබෙන්නේ නොමිලේම පමණයි.

බයිස්කෝප් වෙබ් අඩවිය ටීවී සිරිස් සඳහා උපසිරසි ලබාදීම නැවත්තුවාද?
නෑ. කිසි සේත්ම අපි ටීවී සිරිස් සඳහා උපසිරසි ලබාදීම නැවැත්තුවේ නැහැ. අපි රුපවාහිනී විකාශයට සමගාමිව උපසිරසි ලබාදීමයි නතර කලේ. අපි මුලින් තීරණය කලේ කතාමාලාව අවසානයේ උපසිරැසි සියල්ල නිකුත් කරන්න.

උපසිරස වෙබ් අඩවියේ ලබාදෙන්න පළමුව බයිස්කෝප් ෂොප් එක මගින් ඩිවිඩි විකුනනවා.
මේක තමා ප්‍රභලවම එල්ලවුණ චෝදනාව උනේ. අපේ වෙබ් අඩවියෙන් සිංහල උපසිරසි අරගෙන ඩිවිඩි පිටපත් කරලා. අපේ වෙබ් අඩවියට උපසිරැසිය ලබාදුන්න කෙනාගේ නම ඉවත් කරලා ඔවුන්ගේ නම දාගෙන හෝ එසේ නොකොට වෙළඳපලේ අලවිවන ඩිවිඩි පිටපත් ඕනෑතරම් දකින්න ලැබෙනවා ඇති ඔයාලට. එහෙම විකිනෙන කිසිම ඩිවිඩි පිටපතකින් අපේ උපසිරසි කරන උපසිරසිකරුවන්ට කිසිදු මුදලක් ලැබෙන්නේ නැහැ. නමුත් අපි බයිස්කෝප් වෙබ් අඩවිය හරහා අලවි කරන සැම ඩිවිඩි පිටපතකින්ම කොටසක් අදාල සිංහල උපසිරැසිය ලබාදුන්නා උපසිරසිකරුවාට ලබා දෙන්න කටයුතු කරනවා. ඒ වගේම කියන්න කැමතියි වෙබ් අඩවියේ උපසිරසි කරුවන් ගැන කිඹුල් කඳුළු හෙලපු බහුතරයක් දෙනා අන්තර්ජාලයේ ඩිවිඩි පිටපත් අලවිකිරීමේ නිරතවෙලා ඉන්න පිරිස්. අපි බයිස්කෝප් වෙබ් අඩවිය හරහා ගුණාත්මක බැවින් සහ නිමාවෙන් ඉහල මට්ටමේ ඩිවිඩි පිටපත් අවම මිලක් යටතේ අලවිකරනකොට බොහොමයක් දෙනා අපෙන් ඩිවිඩි ගන්න පෙළඹුනා. ඉතිං මම කියන්න කැමතියි අපි කිසිම වෙලාවක වෙබ් අඩවියේ අදාල චිත්‍රපට යෝ රුපවාහිනී කතා මාලාවට උපසිරසි ලබාදී අවසන් වනතුරු අදාළ චිත්‍රපටය හෝ කතා මාලාව සිංහල උපසිරසි සමග බයිස්කෝප් ෂොප් මගින් අලවිනොකරන බව.

ඒවගේම වෙබ් අඩවියේ උපසිරැසිය පලවෙන්න කලින් ෂොප් වෙබ් අඩවියේ DVD තැටිය ඉදිරිපත් කිරීම ගැනත් කතා උනා. මෙම චෝදනාව කල කෙනා දැක්කේ නැ එය තිබෙන්නේ Pre Order ලෙස බව. මොකක්ද මේ Pre Order කියන්නේ? යම්කිසි භාණ්ඩයක් වෙළඳපොළට නිකුත් කිරීමට ස්වල්ප කාලයකට පෙරාතුව බොහොමයක් විකුණුම් ආයතන “පෙර ඇණවුම් කිරීමේ” පහසුකම පාරිභෝගිකයාට සලසා දෙනවා. මේ ගැටලුව ඇතිවුනේ ඇත්තටම මාවල් පනිෂර් කතාමාලාවට සිංහල උපසිරසි බයිස්කෝප් අඩවියේ ලබා දී සම්පුර්ණ කිරීමට ප්‍රථම බයිස්කෝප් ෂොප් එකේ Pre Order පහසුකම යටතේ අලෙවි කිරීමට දමා තිබීම. ඊළඟට මේක පැහැදිලි කරන්න උදාහරනයකට මේ සිද්දියම අරගමු.

අපි පනිෂර් කතා මාලාවේ අවසන් උපසිරැසිය ළඟ තියාගෙන වෙබ් අඩවිය හරහා ලබා නොදී බයිස්කෝප් ෂොප් එක තුලින් පනිෂර් කතා මාලාවේ සියලුම උපසිරසි සමග ඩිවිඩි පිටපත් අලවිකිරීමේ යෙදෙනවා.

අපි පනිෂර් කතා මාලාව බයිස්කෝප් වෙබ් අඩවියේ උපසිරසි දී අවසන් වූ වහාම ෂොප් සයිට් එකෙන් Pre Order පහසුකම යටතේ පෙර ඇණවුම් ලබාදීලා තියෙන පාරිභෝගිකයන්ට තමයි මුලින්ම ඩිවිඩි පිටපත් තමන්ගේ ගෙදරට ලැබෙන්නේ. අපි පනිෂර් ඩිවිඩි පිටපත් 10ක් නිෂ්පාදනය කලා කියල හිතමු. බයිස්කෝප් ෂොප් එකට ඒ වෙනකොට Pre Order 8ක් ලැබිල තියෙනවා. ඉතිං අපි බයිස්කෝප් වෙබ් අඩවියේ උපසිරසි ලබාදීලා අවසන් උනාම ඩිවිඩි පිටපත්කරලා මුලින්ම කරන්නේ අර 8 දෙනාට එවන එක. ඊට පස්සේ ඉතුරු වෙන්නේ ඩිවිඩි පිටපත් 2යි. ඒ දෙක මුල් පාරිභෝගිකයින්ට මිලදීගන්න ලැබෙනවා. ඊට පසුව ඇනවුම් කරන පාරිබෝගිකයින් ඩිවිඩි පිටපතක් මිලට ගන්නාවිට Pre Order පරිබෝගිකයින්ට වඩා යම් කිසි පමාවක් සිදුවෙන්න පුළුවන්. ඒ පමාව අඩුකරන්න තමයි Pre Order කියන පහසුකම බොහොමයක් විකුණුම් කරුවන් විසින් ලබාදෙන්නේ. අදටත් පනිෂර් කතා මාලාව මිලදී ගත් කෙනෙක් ඉන්නවා නම් අපව දැනුවත් කරන මෙන් ඉල්ලනවා. මොකද තවමත් අපි ඒ කතා මාලාව කිසිම කෙනෙකුට DVD මගින් ලබා දීලා නැහැ. මොකද මුලින් නොමිලේ ප්‍රධාන වෙබ් අඩවිය මගින් උපසිරැසි ලබා දුන් පසුව තමයි මේ ක්‍රියාවලිය ඇරඹෙන්නේ.

බයිස්කෝප් වෙබ් අඩිවියේ ඇඩ් දාල ඇඩ්මින්ල සල්ලි හම්බකරනව.
ඉතාම කනගාටුයි, මේ චෝදනාව කරපු කිසිම කෙනෙක් දන්නේ නැතුව ඇති වෙබ් අඩවියේ සංස්කාරකවරුන් හැම මාසයකම අවසානයේ ආදායම් වියදම් සඳහන් වාර්තාවක් ඉතාම විනිවිද ආකාරයට වෙබ් අඩවියට උපසිරසි සම්පාදනය කරන හැම උපසිරසිකරුවෙක්ම ඉන්න ෆේස්බුක් ගෘපයක පලකරනවා. ඒ වගේම උපසිරැසි ලබා දෙන උපසිරසිකරුවන්ට ලබා දෙන ත්‍යාග ඔවුන් දිරිමත් කරන්න කරන වැඩ සහ විශේෂයෙන්ම සමාජයේ යහපත උදෙසා කරන්න ඉන්න සහ කරපු සමාජීය වගකීම් ගැන අපේ උපසිරසිකරුවන් හොඳින් දැනුවත් වෙලා ඉන්නේ. එතනින් එහාට වෙබ් අඩවිය තුල සිදුවන දේවල් ගැන ප්‍රසිද්ධියේ හැමෝටම කියන්න අවශ්‍යතාවයක් නැති බවයි ඇඩ්මින් මඩුල්ල සහ උපසිරසිකරුවන්ගේ මතය. හැමෝම වගේ රැල්ලට නොයා අපි අපේ වැඩකටයුතු පිළිවෙලක් ඇතුව කරගෙන යනවා. ඒ වගේම ඒ විදියට චෝදනා කරලා අපිට උපසිරසි සපයන උපසිරසිකරුවන් බිලිබාගැනීමේ යෙදෙන්න මහත් වෙහෙසක් දැරුවා. බයිස්කෝප් කොපි කරන්න හැදුව අසරණයින්ට නොමිලේ උපදෙසක් දෙන්නම් බයිස්කෝප් වෙබ් අඩවිය ගැන, “බයිස්කෝප් සිංහලෙන් කියන්නේ එලියට පේනවට වඩා සාමාජිකයින් ඉතාම ලඟින් ඉන්න සහෝදර හැඟීමෙන් වැඩ කරන තැනක්, කිසිම කෙනෙක් සල්ලි හම්බකරගන්න මෙතනට සම්බන්ධ වෙලා නැහැ. එහෙම සම්බන්ධ වෙලා ඉන්නවනම් ඒ අය වැඩි කාලයක් ඉන්නෙත් නැහැ. මොකද කාටවත් මේකෙන් පෞද්ගලික ලාභයක් නැහැ නිරාමිස සතුටක් ඇරෙන්න.”

වෙබ් අඩවියේ ඉන්න සංස්කාරකවරු (Admin) කවුද ?
මෙම සිදුවීම සිදුවී කෙටි කාලයකින් ඉතාම හාස්‍යජනක ආකාරයට බයිස්කෝප් කළමනාකාරවරියන්(වරුන්) බිහිවුණා. වෙබ් අඩවියේ හිමිකරුවා ලෙස ඉසිර ගුණතිලකත්, වෙබ් අඩවියේ සංස්කාරකවරුන් ලෙස රොයිලි ප්‍රනාන්දු, හසන්ත වික්‍රමරත්න, අසංක රණතුංග, සමීර චතුරංග, අශාන් විමුක්ති, ආසිරි ප්‍රියන්ත, සමන් ප්‍රසාද්, නිර්මානි විජේසිංහ, යශෝධ ශ්‍රීමාල්, සිසිල ප්‍රසාද් සහ සුධීර මාලන් කියන පිරිස ඇරුණ කොට වෙනත් කිසිම කලමනාකාරවරියක්(වරයෙක්) හෝ කිසිවෙක් නොමැති අතර වෙබ් අඩවියේ වෙළඳ දැන්වීම් පලකිරීමට ප්‍රථමයෙන් වෙබ් අඩවිය පවත්වාගෙන යාමට ලබාදුන් ආධාර මුදල් අතරින් වැඩිම මුදලක් ලබාදුන්නේ ගේම් ඔෆ් ත්‍රෝන් ලිපි සහ විචාර සම්පාදනය කල තරිඳු සොයුරා බවත් ඔහු ලබා දුන් මුදල රුපියල් අසුදහසක් නොවන බවත් ඉතාම සතුටින් සඳහන් කරන්න කැමතියි. ඒ වගේම වෙබ් අඩවිය 100%ක් ම පාලනය කරන්නේ කලින් උපසිරසිකරුවන් ලෙස මෙහි ක්‍රියාකල පිරිසක් විසින්. ඉතින් මේ නම් වෙබ් අඩවියට නිතර යන එන කෙනෙක් නම් අදටත් ඔවුන්ගේ නම් ඔබට දකින්න ලැබෙනවා.

හැම ගැටළුවක්ම අවසානයේ අපිට යම් තීරණයකට එන්න උනා කියනවට වඩා නෑවිත් බැරි උනා. ඊට හේතුව අපට ආදරේ කරන ඔබයි. විශේෂයෙන් මේ තීරණය ගැන දැනුවත් කල මොහොතේ සිට පැමිණෙන දුරකථන ඇමතුම්, ඊමේල් පණිවිඩ, අපට සහ උපසිරසිකරුවන්ට පුද්ගලිකව ලැබෙන ෆේස්බුක් පණිවිඩ, ෆේස්බුක් පිටු හරහා ලැබෙන පණිවිඩ සහ කලින් ලිපියට ලැබුන අදහස් දැක්වීම් ගැන නොසලකා හරින්න පුළුවන් කමක් තිබුනේ නැහැ. අපි අද ඉන්න තත්වයට එන්න මුලික හේතුව උනේ අන්න ඒ අපිට ආදරය කරන සත්‍ය බයිස්කෝප් සිංහලෙන් රසිකයන්. ඒ අනුව බොහොමයක් දෙනා යෝජනා කල ආකාරයට වෙබ් අඩවියේ ගිණුමක් සාදා, එම ගිණුම සෑදූ අයට පමණක් වෙබ් අඩවිය තුලින් “උපසිරසි බාගත කරගැනීමටත්, අදහස් දැක්වීමටත්” හැකියාව ලැබෙන ආකාරයේ වැඩපිළිවෙලක් අපි සැකසුවා. ඒ අනුව මින් ඉදිරියට වෙබ් අඩවිය තුල සැරිසරන විට ගිණුමක් සාදාගැනීමට සිද්දවෙනවා. මේ ගිණුම හැම කෙනෙක්ට නොමිලේ ලැබෙන්නේ. ගිණුම සාදාගන්න ආකාරය ගැන කියනවනම්. යුසර් නේම් එක සහ පාස්වර්ඩ් එක සමග ඔබගේ භාවිතයේ පවතින ඊමේල් ලිපිනයක් ලබාදී අදාළ පෝරමය සම්පුර්ණ කලපසු තහවුරු කිරීමේ ඊමේල් පණිවිඩයක් පැමිණේවි. එය සනාත කල පසු තමා අදාළ ගිණුම ක්‍රියාත්මක වන්නේ. ඒ වගේම අසභ්‍ය ආකාරයේ අදහස් දැක්වීම් දක්වන පළමු අවස්ථාවේදීම සංස්කාරකවරුන් විසින් අදාල ගිණුම අත්හිටුවන අතර ඉන් පසු එම ඊමේල් ලිපිනයෙන් කිසිදු දිනක බයිස්කෝප් වෙබ් අඩවියට පිවිසීමේ ගිණුමක් සාදාගත නොහැකි වනු ඇත.

“ඉතිං විශේෂයෙන්ම කියන්න ඕන වැදගත් කාරනාව. ඉහත සඳහන් කරපු නව ක්‍රියාවලිය වෙබ් අඩවියෙ සිදුකර ඇති නිසා ඉදිරියේදි වෙබ් අඩවිය පිවිසීමේදී  හැම කෙනෙක්ටම තමන් සාදගන්නාලද බයිස්කෝප් සාමාජික ගිණුම් හරහා බයිස්කෝප් අඩවියට පිවිසීමට ඉඩකඩ විවර වෙනවා.”

ඒ වගේම විශේෂයෙන්ම මතක් කරන්න කැමතියි මෙම සිදුවීම වෙන අතරේ අපව දිරිමත් කරන ලද පිරිස ගැන. වඩාත්ම වැදගත් වෙන්නේ අප හා තරඟකාරී උපසිරසි ලබාදෙන වෙනත් වෙබ් අඩවි පවා අපිව දිරිමත් කරමින් අපට සහයෝගය ලබා දීමට ඉදිරිපත් වීම. එය අප කිසිසේත් බලාපොරොත්තු නොවූ දෙයක්. ඒ වගේම ෆේස්බුක් එකේ අපි දැක්ක බයිස්කෝප් වෙනුවෙන් කීදෙනෙක් පෙනී සිටිනවද කියල. ඒ වගේම අපි කලින් පළකරපු පොස්ට් එකෙත් විශාල ප්‍රමාණයක් අපිට සහය දක්වමින් සැබෑවටම අපිත් එක්ක විශාල පිරිසක් ඉන්නවා කියල අපිට ඔප්පු කරලා පෙන්නුවා. ඒ හැම කෙනෙක්ටම අපි ගැන විස්වාශය තියාගෙන අපිත් එක්ක බැඳිලා හිටිය සහ සහය දුන්න හැම කෙනෙක්ටම බයිස්කෝප් සිංහලෙන් වෙබ් අඩවියේ කෘතඥපුර්වක ස්තුතිය පිරිනමන්න කැමතියි.

මේ අවස්ථාවේදී ඒ වගේම අවසාන වශයෙන් නැවතත් කියනවා. ලාංකීය සයිබර් අවකාශයේ සිංහල සලකුණ තැබීමට පෙරටුගාමී මෙහෙවරක් ඉටුකරමින් ලාංකික වෙබ් අඩවි අතර ඉදිරියටම පැමිණ තිබෙන බයිස්කෝප් වෙබ් අඩවිය වගේ වෙබ් අඩවි ඊයෙත් බිහි උනා අදත් බිහි වෙලා තියෙනවා හෙටත් බිහිවේවි, නමුත් ඉතාම ආඩම්බරයෙන් කියන්න කැමතියි ඕනෑම කෙනෙක්ට අපි යන ගමන අපේ කාර්යය කොපි කරන්න පුළුවන් හැබැයි කවදාවත් සමකරන්න වෙන්නේ නෑ.. ඒ වෙන කිසිම හේතුවක් නිසා නෙමේ.. අපිත් එක්ක රැඳිලා ඉන්න ප්‍රේක්ෂක ඔබ සැම නිසා. ඔබ සැමට සුභ නත්තලක් වේවා! 😀

TV – Series | ඔබ බලාසිටි අපගේ තීරණය…

 

• • දැනට එකපාරක් හරි ලොග් වෙලා කමෙන්ට් දාල තියෙන හරි නැත්නම් fb ට්විටර් වගේ එකකින් ලොග් වුණ අයගේ මේල් වලට කන්ෆර්ම් ඊමේල් එන්නේ නෑ.
• • ඒවගේ අයට කන්ටක්ට් එකට ඊමේල් එකක් දාන්න කියන්න ඕන පාස්වර්ඩ් එක්ක,. අපේ කවුරුහරි ඒක රීසෙට් කරලා දෙනවා.

• එහෙම නැත්තම් අලුත්ම මේල් එකකින් ලොගින් හදාගන්න එතකොට කිසිම අවුලක් නෑ.
• ලොගින් හදන්න බෑ කියල කියන අයට අපේ මේල් ඇඩ්රස් එකට මේල් එකක් දාන්න ඒ අයගේ මේල් එකයි අවශ්‍ය පාස්වර්ඩ් එකයි කියලා.

 

වෙබ් අඩවියට Log වීමට
වෙබ් අඩවියේ register වීමට

‘මිට බයිස්කෝප් වෙබ් අඩවියේ ඇඩ්මින් මඩුල්ල සහ උපසිරසිකරුවන්’