The Looming Tower [S01 : E10] Sinhala Subtitles | සැබෑ වූ බියකරු සිහිනය... [සිංහල උපසිරසි]

ආයුබෝවන් යාලුවො හැමෝටම! ඔන්න එහෙනම් අපි 'The Looming Tower' කතා මාලාවේ අවසාන කොටසට, ඒ කියන්නේ දහවෙනි කොටසට ඇවිත් තියෙන්නේ.

​කොටස් 9ක් පුරාවට බුද්ධි අංශවල තිබුණු සීතල යුද්ධය, තොරතුරු හංගපු එකේ ප්‍රතිඵල අපි දැක්කා. මේ ඔක්කොම එකතු වෙලා අන්තිමට නතර වෙන්නේ කොතනද කියලා මේ කොටසින් අපිට බලාගන්න පුළුවන්.මේක තමයි මුළු කතාවේම කූටප්‍රාප්තිය.

​මුළු ලෝකයක්ම කම්පනයට පත් කරපු ඒ අඳුරුතම දිනය, ඒ කියන්නේ 2001 සැප්තැම්බර් 11 (9/11) දවස තමයි මේ කොටසින් දිගහැරෙන්නේ. ජෝන් ඕ'නීල් FBI එකෙන් අයින් වෙලා ලෝක වෙළඳ මධ්‍යස්ථානයේ ආරක්ෂක ප්‍රධානියා විදිහට අලුත් රස්සාව බාරගන්නවාත් එක්කම වගේ තමයි මේ මහා ඛේදවාචකය සිද්ධ වෙන්නේ. අනිත් පැත්තෙන් අලි සූෆාන් මේ සිදුවීමත් එක්ක කොහොමද ක්‍රියාත්මක වෙන්නේ, ඒ වගේම මෙච්චර කල් තොරතුරු හංගපු බුද්ධි අංශ නිලධාරීන්ට තමන්ගේ අතින් වුණු මහා වරදේ තරම තේරුම් යද්දී එයාලට කොහොම දැනෙයිද කියන එක මේ කොටසින් හරිම සංවේදීව වගේම කම්පනයක් ඇතිවෙන විදිහට නිරූපණය කරලා තියෙනවා.

​ඇත්තටම සිද්ධවුණු සිදුවීම් මාලාවක් පදනම් කරගෙන නිර්මාණය වුණු මේ කතාව, බලලා ඉවර වුණාමත් හිතට ලොකු බරක් එකතු කරනවා නොඅනුමානයි.

​එහෙනම් අවසාන කොටසේ උපසිරැසියත් අරගෙනම බලන්න. මුළු කතා මාලාව පුරාවටම මාත් එක්ක රැඳිලා හිටපු, කමෙන්ට් කරලා ධෛර්යමත් කරපු හැමෝටම ගොඩක් ස්තූතියි! තවත් මේ වගේම සුපිරි උපසිරැසියකින් ඉක්මනින්ම හමුවෙමු. ජය වේවා!