96 (2018) Sinhala Subtitles | දෙහදක නොසැලෙන ආදරය [සිංහල උපසිරැසි සමග]

ආයුබෝවන් සියලුම දෙනාට. ඔන්න VJSගෙ සුපිරි ෆිලුමක් තමයි අද මම ඔයාලට අරගෙන ආවෙ. මේක Vijay Sethupathi මේ අවුරුද්දට රඟපාන තුන්වෙනි ෆිල්ම් එක. කෙටි කාලයක් තුලදි හිට්ම වෙච්ච ෆිල්ම් රාශියක රඟපාපු මේ රංගන ශිල්පියා ඔන්න 2018 අවුරුද්ද අවසානෙ ඒ කියන්නෙ 2018 ඔක්තෝබර් 4වෙනිද නිකුත් වෙච්ච මේ ෆිලුමටත් රන්ඟනයෙන් දායක වෙනව.

මේක තිරගත වෙන්න පටන් අරන් මාස එක හමාරක් වගේ ඇතුලත IMDb එකේ 9.2 ක් වැනි ඉහල අගයක් ලබා ගැනීමට සමත් වෙලා තියෙනව. ඒකත් 5,407ක් වැනි ඉහල ඡන්ද ප්‍රමාණයකින්. ෆිල්ම් එක අධ්‍යක්ෂණය කරන්නෙ වැඩිය නුහුරු නුපුරුදු C. Prem Kumar කියන අධ්‍යක්ෂක වරය විසින්, Vijay Sethupathi සමග සුරූපී නිලි Trisha Krishnan මේ ෆිල්ම් එකට රන්ගන දායකත්වය දක්වනව. ෆිල්ම් එකේ රඟපාන සෙසු නලු නිලියො Devadarshini, Aadukalam Murugadoss, Bagavathi Perumal, Varsha Bollamma වගේ නලු නිලියො රාශියක් රන්ඟනයෙන් දායක වෙලා තියෙනව. Sethupathi ගෙ ෆිල්ම් බලන්න කැමති අයට සුපිරි ෆිල්ම් එකක්. අනෙක් අයටත් කියන්නෙ, Sethupathi ගෙ ෆිල්ම් බලන්න අකමැති වෙන්න පුලුවන්, හැබැයි මේකනම් මගහැර ගන්න එපා. මොකද ඒ තරමට සුපිරියි. ෆිම්ල් එකේ කඳුලත් සිනහවත් එකවර ඇතිවෙන අවස්ථා බොහොමයි. ආදරය ගැන වැරදියට වටහාගෙන ඉන්න අයට දැනෙන්න හදපු ෆිල්ම් එකක්. හරි කතාව පැත්තට හැරෙමු.

රාම් එක සංචාරක ඡායාරූප ශිල්පියෙක්, ඒ විතරක් නෙවෙයි මෙයා ශිෂ්‍යන්ට ඡායාරූප ශිල්පය උගන්වනව. ඉතින් දවසක් මෙයා දවස අවසන් වෙලා ශිෂ්‍යයෙක් එක්ක වාහනේ ගෙදර යද්දි පාර ප්‍රශ්නයක් නිසා තන්ජාවූර් හරහා යන්න වෙනව, ඉතින් තන්ජාවූර් කියන්නෙ මෙයාගෙ කලින් ගම. ඒ කියන්නෙ එයා එහෙදි තමයි ඉපදිලා තියෙන්නෙ. ඉතින් එයා එයාගෙ ශිෂ්‍යයත් එක්ක ඒ කාලෙ ගැන විස්තර කියනව. තන්ජාවූර් වල නතර වෙලා මෙයා එයාගෙ පරණ ස්කෝලෙට යන්න අමතක කරන්නෙත් නැහැ, ස්කෝලෙට ගියාම එයාට හිතෙනව ස්කෝලෙ කාලෙ පරණ යාලුවො ටික එකතු කරගෙන සාදයක් දැම්මොත් හොදයි කියල, යාලුවො හැමෝම වගේ එන්න කැමති වෙනව. ඔන්න ඔය සාදය වෙලාවෙදි රාම්ට එයාගෙ ස්කෝලෙ කාලෙ මතක් වෙනව, විශේෂයෙන්ම එයා ආදරය කරපු ජානූව මතක් වෙනව. හරි මම වැඩිය විස්තර කරන්න යන්නෙ නැහැ, මම තව පාරක් කියන්නෙ මගහැරගන්නෙ නැතුව ෆිල්ම් එක බලන්න. තව එකක් කියන්න ඕන ෆිල්ම් එකේ සුපිරි සින්දු ටිකක් තියෙනව, ස්කිප් කරන්නෙ නැතුව, ෆාස්ට් ෆෝවර්ඩ් කරන්නෙ නැතුව ඒ ටිකත් අහන්න කියල ඉල්ලීමක් කරනව, සමහර සින්දු ඔයාලට නොඅසා ඉන්න බැරි වෙයි. තවත් මේ වගෙ සබ් එකක් අරන් ඒමේ බලාපොරොත්තුවෙන් මම සමුගන්නවා. සියලු දෙනාටම සුබ පැතුම්.

 

 

 

Due to copyright issues, we do not provide any torrent links.

මෙම ලබා දී ඇති උපසිරසි Proper HDRip පිටපත් සඳහා අදාළ වේ.

68,350 downloadsDownload 96-2018.zip61 KB

මේ ලබා දී ඇති සිංහල උපසිරැසි පිළිබද “ චානක ඉඳුනිල් ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2018-08-02
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.