Beasts of the Southern Wild (2012) Sinhala Subtitles | හෂ්පපීගේ ලෝකය… [සිංහල උපසිරැසි සමඟ]

ඔන්න මම ආයෙත් සෑහෙන කාලෙක නිශ්ෂබ්ද තාවයකින් (නොවැලැක්විය හැකි හේතු නිසා) පස්සෙ අයෙත් එනව අපේ සිනමා රසිකයෝ ගැන්සිය හම්බවෙන්න.

මේ පාර මේ ගේන කතාව මම මේ වෙනකන් කරපු කතාවලට වඩා වෙනස් කතාවක්. පොඩි වාර්ථාමය ස්වරූපයකුත් තියෙනව. හැබැයි මුල ඉඳන් අගටම එක වගේ රසවත්. මේක මේ දවස්වල ටිකක් කතාබහට ලක්වෙන චිත්‍රපටයක්. මොකද කිව්වොත් මේ සිනමා සිත්තම ඔස්කාර් සම්මාන 4කටම නිර්දේශ වෙලා තියෙනව මේ අවුරුද්දෙ. ඒවානම්,

• හොඳම චිත්‍රපටය
• හොඳම නිළිය (ඔස්කාර් සම්මාන සඳහා මෙතෙක් නිර්දේශ උන ලාබාලම කෙනා)
• හොඳම අධ්‍යක්ෂණය
• හොඳම තිර රචනය (අනුවර්ථිත)

ඊට අමතරව තවත් සම්මාන 34 කටම වග කියන්ඩත් මේ බයිස්කෝප් එකට පුළුවන් වෙලා තියෙනව…

කතාව යන්නෙ හෂ්පපී කියල පොඩ්ඩියෙක්ගෙ දෘෂ්ඨි කෝණයෙන් එයා ජීවත් වෙන ලෝකය, අපේ හැම ඈයෙක්ටම දෙන ලස්සන පණිවිඩයක් ගැන.

පුංචි හෂ්පපී ඉන්නෙ එයාගෙ තාත්ත එක්ක. මෙයාල ජීවත් වෙන්නෙ මුහුද ආශ්‍රිත පහත් බිමක. ඒක එයාල හැදින්නුවේ “වතුර බේසම” කියල. මේකෙ ජීවත් වෙන ඈයොන්ගෙ ලෝකෙ එයලගෙ පහත් බිම සාමාන්‍ය මිනිස්සුන්ගෙන් වෙන්කරන බැම්මෙන් එහා ලෝකෙට වඩා හාත්පසින්ම වෙනස්. ඒ වෙනස අද ඉපදෙන ළමයගෙ ඉඳන් අන්තිම තප්පර කීපය ගෙවන නාකි මනුස්සය දක්වා මේ වතුර බේසමේ හිටපු හැමෝම අත්වින්ද. එයාලගෙ ජීවිත කොන්ක්‍රීට් කඳු එක්ක හැප්පෙන දියුණු සමාජෙට වඩා එක පැත්තකින් හරිම නිදහස්. ඒ නිදහස හෂ්පපීත් තමන්ගෙ ජීවිත කාලෙදි බුක්ති වින්ද. ඉතින් ඔය අතරෙදි මේ වතුර බේසමට ලොකු කුණාටුවක් එනව. ඉතින් මේකෙ හිටපු ගොඩක් අය මේක අතෑරල යනව. ඒත් ටික දෙනෙක් මේකෙ නවතිනව. හෂ්පපීත් ඇතුලුව. හෂ්පපීගේ සිහින සිත්තම්, සත්‍ය ලෝකයේ සිදුවීම්, එයාගෙ පුංචි හිත, ඒකට එන පුංචි පුංචි වගේම ලොකු ලොකු අදහස්, ඒ පොඩිත්තිට එන ජීවන අත්දැකීම්. මේ හැම එකක්ම එකට එකක් දංවැලක් වගේ සම්බන්ධ වෙලා තියෙන්නෙ. එක විදියකට මේක වීර චාරිකාවක් කිව්වත් වරදක් නෑ…

මේ කතාව බලලම විඳින්න. මේ පුංචි පොඩිත්ති එක්ක ජීවිතේ දකින්ඩ එන්න කියල හැම කෙනාටම මම ආරාධනා කරනව….

හැමෝටම ජය!

 

 

Due to copyright issues, we do not provide any torrent links.

මෙම ලබා දී ඇති උපසිරසි BR පිටපත සඳහා වලංගු වේ.

1,606 downloadsDownload Beasts.of_.the_.Southern.Wild_.2012.zip68 KB

https://d36zzuvfojr38z.cloudfront.net/wp_content/uploads/2012/11/ලක්ෂාන්-යටිවැල්ල.jpg මේ ලබා දී ඇති සිංහල උපසිරැසි පිළිබද “ලක්ෂාන් යටිවැල්ල” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2012-11-11