Duma (2005) with Sinhala Subtitles | මිතු දමට සීමා නෑ.. [සිංහල උපසිරසි සමඟ]

ඔන්න එහෙනම් ඩ්‍රැකියුලාගේ නොකියූ කතාව අරගෙන ආවට පස්සෙ තවත් පරණ සලරුවකට උපසිරසි අරගෙන ආවා. මේක කරන්න නෙවෙයි ඉතින් හිටියේ. කොහෙද ඉතින් සමීර චතුරංග සහෝගෙන් බේරෙන්න බැරි වුනානේ සබ් එකක් කරලා දෙන්න කියලා. 😛 බැරිම පාර මේක කොලා. කස්ටිය කිවුවා අලුත් එකක් කරමු කියලා හැබැයි ඉතින් මං තවම මේ උපසිරසි නිර්මාණයට ආදුනික නිසා තව ටික කාලයක් යනකම් පරණ ඒවම දීලා අත්දැකීමත් ටිකක් වැඩි කරගන්න කියලා හිතුවා 😀 අපේ ඇඩ්මින් සමීර සහෝලා දෙන්නා තරහක් නැතිව ඇති කියලා හිතනවා අලුත් ඒවා කොරන්ඩ බෑ කිවුවට    😉 ( මේක නම් දැන් අර කියන්නා වගේ කොටි වලිගයක්ම තමා ) ඉතින් මම අද අරගෙන ආපු සලරුව තමා Duma (ඩූමා). මතක ඇතිනේ මේක සිරස නාලිකාවේ එහෙම සිංහලෙන් හඬකවලත් විකාශය වුනා. මේක නිකුත් වුනේ 2005 වසරේ  සැප්තැම්බර් 30 වෙනිදා. සිනමා පටය අධ්‍යක්ෂණය කරන්නෙ Carroll Ballard නම් අධ්‍යක්ෂකවරයා විසිනුයි. Fly Away Home, Wind, Never Cry Wolf වැනි සිනමාපටද නිර්මාණය වුනේ මේ අධ්‍යක්ෂකවරයා අතින්ම තමා. මේ සිනමාපටයට පාදක වුනේ Carol Cawthra Hopcraft සහ Xan Hopcraft යන කතුවරුන් දෙදෙනා විසින් ලියන ලද  How It Was with Dooms කියන ග්‍රන්ථයයි. IMDb අගය 7.3. සලරුවේ එන චරිත පැත්තටත් පොඩ්ඩක් හැරෙමුකෝ…

කතාව ගෙතීගෙන යන්නෙ පොඩි චීටා පැටවෙක් වටා. ඉතින් ඒකේදී මේ චීටාගේ අයිතිකාර ළමයා, එහෙමත් නැත්නම් සෑන් විදිහට Alexander Michaeletos ද, සෑන්ගේ පියා විදිහට Campbell Scott ද, සෑන්ගේ මව විදිහට Hope Davis ද, සෑන්ට අතර මගදී මුණ ගැහිලා එයාගේ හොඳම යාළුවා වෙන රිප්කුනා විදිහට Eamonn Walker  ද රංගනයෙන් දායක වෙනවා. එහෙනම් කතාව පැත්තටත් පොඩ්ඩක් හැරෙමුකො නේද….

මුලින් කිවුවා වගේ මේ කතාව ගෙතී තියෙන්නෙ චීටාවෙකු වටා. මේ චීටා කුඩා කාලයේදී සිංහයින් විසින් පහර දීලා මේ චීටා පැටියගේ අම්මව මරණවා. ඉතින් මේ පැටියා තනි වෙනවා. දවසක් මේ පැටියව පාරේ ඉඳලා සෑන් කියන ලමයටයි එයාගෙ තාත්තාටයි හම්බවෙනවා. පස්සෙ මේ දෙන්නා මේ චීටා පැටියාව ගෙදර අරගෙන ගිහිල්ලා හදාගන්නවා. ඔහොම කාලය යද්දී මෙයාගෙ තාත්තා මැරෙනවා. හැබැයි ඒ වෙනකොටත් තීරණය කරලා තිබ්බෙ තාත්තයි සෑනුයි එකතුවෙලා දැන් ලොකු වයසක ඉන්න චීටව, එහෙමත් නැත්නම් එයාගෙ නමින් කියනවා නම් ඩූමාව කැලේට ගෙනිහින් දාන්න. ඉතින් තාත්තා නැති වුන නිසා මේ සෑන්ට ඒක කරන්න පුළුවන් වෙයිද?  පුළුවන් වෙයිද කියලා එහෙනම් ඔයාලම කතාව බාගතකරගෙන බලන්නකෝ… එහෙනම් තවත් උපසිරසියකින් හමුවන තෙක් Baiscopelk එන හැමෝටම බුදු සරණයි…!!!

… Love doesn’t stop when time passes, or you live in different places, or somebody gone.
That’s how it was with me and Duma … 

 

 

 

 

Due to copyright issues, we do not provide any torrent links.

Duma – 2005 ws DVDRip XviD iMBT

මෙම ලබා දී ඇති උපසිරැසි ඉහත පිටපත සඳහා අදාළ වේ.

1,383 downloadsDownload Duma-2005.baiscopelk.zip28 KB

 

https://d36zzuvfojr38z.cloudfront.net/wp_content/uploads/2016/05/SamanPrasad.png මේ ලබා දී ඇති සිංහල උපසිරැසි පිළිබද “සමන් ප්‍රසාද්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.