Maanagaram (2017) Sinhala Subtitles | මේ නගරය ඔබ මා මුණගැසුණු නගරයයි [සිංහල උපසිරැසි සමඟ]

IMDB මීටරේ 8.2 ක අගයක් ගන්න සමත්වෙලා තියෙන මේ චිත්‍රපටිය නිකුත් වෙලා තියෙන්නෙ 2017 මාර්තු මාසෙ. ටිකක් විතර පරණ නිසා සමහරවිට ඔයාල බලලත් ඇති. මේ චිත්‍රපටය Lokesh Kanagaraj අධ්‍යක්ෂකවරයාගේ දෙවෙනි එක, තිර රචනයත් එයාම තමයි කරල තියෙන්නේ. ඉන්දියානු රු. මිලියන 50ක බරපැනක් දරල තමයි මේ චිත්‍රපටිය නිෂ්පාදනය කරල තියෙන්නෙ. සංගීත අධ්‍යක්ෂණය Javed Riaz ගෙන් Lokesh Kanagaraj ගෙ පලවෙනි ෆිල්ම් එකෙත් (Aviyal – මේක අධ්‍යක්ෂකවරු 6 දෙනෙක් එකතු වෙලා කරපු එකක්) සංගීත අධ්‍යක්ෂණය මෙයා තමයි කරල තියෙන්නේ. රංගනයෙන් දායක වෙන්නේ Sri, Sundeep Kishan, Regina Cassandra යන අය, හැබැයි ෆිල්ම් එකේ කොහෙවත් මෙයාලගෙ නමක්නං කියවෙන්නෙ නෑ. නම් නොකියා කතාව කියන්න පොඩ්ඩක් අමාරු නිසා ඇත්ත නම් දාලා කතාව ටිකක් කියන්නං.

තිරුච්චි සිට චෙන්නායි දක්වා රැකියාවක් සොයා පැමිණෙන උපාධිධාරී තරුණයෙක් (Sri), චෙන්නායි නගරයේ රස්තියාදු ගසමින් සිටින තවත් දඩබ්බර තරුණයෙක් (Sundeep Kishan), එහිම පුද්ගලික සමාගමක මානව සම්පත් කළමණාකාරිනියක් ලෙස සේවය කරන සුන්දර තරුණියක් (Regina Cassandra), රියදුරු රැකියාවක් සොයාගෙන චෙන්නායි පැමිණෙන මැදි වියේ පුද්ගලයෙක්, ගමනාගමන සේවයක් පවත්වාගෙන යන මැරයෙක් (P.K.P), මේ තමයි කතාවෙ ප්‍රධාන වශයෙන් ඉන්න කට්ටිය.

ෆිල්ම් එකේ තියෙන්නේ දවස් 2ක් තුළ එකිනෙකට කිසිදු සම්බන්ධයක් නැතිව සිද්ධවෙන සිද්ධීන් සමූහයක් අවසානයේ එක තැනකින් අවසන් වෙන කතාවක්. තිරුච්චි ඉදල රස්සාවක් හොයාගෙන එන තරුණයට චෙන්නායි වල පුද්ගලික සමාගමක රස්සාවක් හම්බෙනවා, රස්සාවට බදවගන්නෙ කලින් කියපු HR මැනේජර් (Regina). හැබැයි එදාම රෑම මැරයො ටිකක් එයාට ගහල එයාගෙ අධ්‍යාපන සහතික ටික තියෙන බෑග් එක අරන් යනවා..ඒකට හේතුව වෙන්නේ නම් හැබැයි Sundeep. සහතික ටික පහුවදා ඔෆිස් එකට බාරදෙන්න තියෙන නිසා Sri ට මේක ලොකු ප්‍රශ්නයක් වෙනවා. මේ අතරෙදි Sundeep දාගන්න අවුලක් නිසා එයාට නගරය අතෑරල යන්න වෙන තත්වයකුත් ඇති වෙනවා. වැරදීමකින් මැරයො ටිකක් P.K.P ගෙ දරුවවත් පැහැරගන්නවා. රියදුරු රස්සාවක් හොයාගෙන එන කෙනාට පදවන්න ලැබෙන්නෙත් P.K.P ට අයත් වාහනයක්..දරුවව පැහැරගන්න හින්ද මේ හැමෝටම ප්‍රශ්න වලට මුහුණ දෙන්න වෙනවා. ඔන්න ඔය විදිහට තමයි කට්ටිය මේ කතාවට ප්‍රවේශ වෙන්නේ….ඔය අතරෙ තවත් ලස්සන සිදුවිම් කීපයක් වෙනවා. මිට වැඩියනං කියන්න තේරෙන්නෙත් නෑ. ඒ නිසා මේ හැමෝම අවසානෙදි එක තැනකට සම්බන්ධ වෙන්නෙ කොහොමද කියල ඔයාල ෆිල්ම් එකෙන්ම බලාගන්න.

ඇත්තටම මේ චිත්‍රපටියට උපසිරැසිය කරන්න කියල සිසිල සහෝ දැනට සතියකට විතර උඩදි තමයි මට භාරදුන්නෙ, සබ් එකේ ලයින් දෙදාස් ගාණක් තියෙන හින්ද වැඩේට ටිකක් කල් ගියා. අනික මේ දවස්වල කාලගුණෙත් ටිකක් අවුල්නෙ. ඒකට පොඩ්ඩක් සමාවෙන්න ඕන…සිංදුත් 5ක් විතර තියෙනවා ඒකටත් සබ් දැම්ම, ඒවනං හැබැයි අවුල් ඇති….කමක් නෑනේ, එහෙනං ලස්සන කතාවක් ඔයාලම අරන් බලන්න. ජයවේවා.

 

 

 

Due to copyright issues, we do not provide any torrent links.

මෙම ලබා දී ඇති උපසිරසි HDRip පිටපත සඳහා අදාළ වේ.

[

8,378 downloadsDownload Maanagaram-2017.zip74 KB

https://d36zzuvfojr38z.cloudfront.net/wp_content/uploads/2018/05/ධනුෂ්ක-ආරියරත්න-e1525685776490.jpg මේ ලබා දී ඇති සිංහල උපසිරැසි පිළිබද “ධනුෂ්ක ආරියරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

NEW MEMBER
JOINING DATE – 2018-05-02
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.