Nautanki Saala! (2013) | ජීවිතය රඟපෑමක් නොවේ [සිංහල උපසිරැසි සමඟ]

ලෝකය යනු රඟමඩලකි, අපි සැම එහි රඟන නළුවෝය කියලා එදා ෂේක්ස්පියර් කිවුවේ නිකන් නෙවෙයි කියලා මේ බයිස්කෝප් එක බැලුවමනම් මට හිතුනා. ඉතින් එහෙනම් කාලෙකට පස්සේ ඔයාලට තවත් අලුත් බයිස්කෝප් එකක් අරගෙන තමයි මම ආවෙ. ආදරය, මිත්‍රත්වය අතරේ දෝලනය වෙන අමුතුම ආකාරයේ කතාවක් මේකේ තියෙන්නේ. මේ දවස්වල වෙනදා තරම් සබ් එකක් දාන්න වෙලාවක් නැතිවුනත් තියෙන වේලාවෙන් ප්‍රයෝජන අරගෙන තමයි මේ සබ් එක හදලා ඉවර කලේ. විකියා අයියා මේකේ සබ් එක බාරදෙනකොටම මම කිවුවේ ඉක්මනට දෙන්නනම් බැරි වෙයි කියලා. මොකද අලුත් ෆිල්ම් එකක් ඉක්මනටම ඔයාලට දෙන්න පුලුවන්නම්නේ හොඳ. කොහොම වුනත් මේක ඉවර කරන්න සතියක් විතර ගත්තා. ඉතින් වැඩි විස්තර නැතුවම අපි එහෙනම් ස්ටෝරි එක දිහාට හැරිලා බලමු නේද ?

මේකේ කතාව ගෙතෙන්නෙ වේදිකා නාට්‍යයක් වටා. ඒකත් නිකන්ම වේදිකා නාට්‍යයක් නෙවයි රාමායණය ඇසුරින් රඟදක්වන රාවන්ලීලා කියන වේදිකා නාට්‍යය වටා තමයි මේ ෆිල්ම් එක හැදිලා තියෙන්නේ. ඒ වුනාට මේකෙත් හරි අමුතුම විදියේ ආදර කතාවකුත් තියෙනවා. ආදර කතාවක් කිවුවට ආදර කතා එකක් නෙවයි දෙක තුනක්ම තියෙනවා. මේකේ ප්‍රධාන චරිතය රඟපාන්නේ Vicky Donor එකේ ප්‍රධාන චරිතය කරපු ආයුෂ්මන් කුරානා. මේකේ ප්‍රධාන චරිතය තමයි රාම්. ඔහු වේදිකා නළුවෙක්, ඒ වගේම අධ්‍යක්ෂක කෙනෙක්. හැබැයි මෙයාගේ වේදිකා නාට්‍යයේ නම් මෙයා රඟපාන්නේ රාවන් විදියට. මෙයාගේ එක පුරුද්දක් තියෙනවා ඕනෙම කෙනෙකුට ඕනෙම මොහොතක උදවු කරන්න පසුබට වෙන්නෙත් නෑ. හැබැයි ඒ නිසාම රාම්ගේ ජීවිතය සම්පූර්ණයෙන්ම වෙනස් වෙනවා. මොකද රාම් දවසක් තමන්ගේ නාට්‍යය ඉවරවෙලා ගෙදර එනකොට දකිනවා කෙනෙක් සියදිවි නසා ගන්න උත්සහා කරනවා. ඒ වෙලාවේ කොහොම හරි මෙයා ඔහුව ඒකෙන් ගලවාගන්නවා. ඉතින් මේ පුද්ගලයා කවුද, කොහෙද ඉන්නේ මොකද වුනේ කියලා දන්නේ නැති නිසාම රාම් එයාව තමන්ගේ ගෙදර එක්කගෙන යනවා. එයාගේ පෙම්වතිය චිත්‍රානම් ඒකට වැඩිය කැමති නෑ.

රාම් තමන් බේරගත්ත පුද්ගලයත් එක්ක එයාගේ ගෙදරට යනවා. එතැනදී දැනගන්නවා ඔහුගේ නම මන්දාර් කියලා. හැබැයි එයාව ගෙදර එක්කෙගෙන ගියාට ආපහු රාම්ට මන්දාර්ව ගෙදර එක්කගෙන එන්න වෙනවා. ඒ මොකද කියලානම් මම කියන්නේ නෑ, ෆිල්ම් එක බලලම හොයාගන්න. කොහොම වුනත් මන්දාර් තාමත් ඉන්නේ කම්පනයකින්. ඔහු හිතන්නේ එයාව මේ පොලවට බරක් විදියට. ඒ වගේම එයා කරන වැඩවලින් එක්කෝ එයාට ප්‍රශ්නයක් නැත්නම් එයාගේ වටේ ඉන්න අයට ප්‍රශ්නයක් තමයි වෙන්නේ. අන්තිමේදී රාම් කොහොම හරි තමන්ගේ නාට්‍යයේ ප්‍රධාන චරිතය රාමගේ චරිතයට මන්දාර්ව අරගන්නවා. හැබැයි නිෂ්පාදකතුමාගේ අකමැත්තෙන්. අවසානයේදී නිෂ්පාදකතුමා තීරනය කරනවා මන්දාර්ව තමන්ගේ නාට්‍යයෙන් අයින් කරන්න. මොකද එයා ඒ තරම් හොඳට රඟපානවා. මට ඔයාලට කියන්න අමතක වුනානේ මේ මන්දාර් සියදිවි නසාගන්න යන්නේ මේ ආදර පටලැවිල්ලකට කියලා.

ඉතින් මන්දාර් තාම ජීවිතය පවා නැතිකරගන්න හදන මන්දාර්ගේ පෙම්වතිය නන්දනීව හොයලා දෙන්න බාරගන්නෙත් රාම් තමයි. මම කලිනුත් කිවුවනේ ලස්සන අදර කතාවක් මේකේ තියෙනවා. හැබැයි ඒකත් නොදැනීම තුන්කොන් ආදරයක් බවට පෙරලෙනවා. ඉතින් මම වැඩිය විස්තර කියන්න යන්නේ නෑ. ඔයාලටත් බලන්න දෙයක් ඉතිරි කරන්නත් එපයි. රාම්ට මන්දාර්ව ආපහු ප්‍රකෘති තත්වයට ගන්න පුළුවන් වෙයිද ? මන්දාර්ගේ ආදරය ඔහුට හිමිවේවිද ? රාම්ගේ ජීවිතය කොයි විදියට වෙනස්වෙවිද කියලා දැනගන්නනම් මේකත් අරගෙනම බලන්න.

 

 

400 MB කොපිය මෙතනින් බාගන්න a8bf06f73aec4c77824348d3264b7549462ff952 990 MB කොපිය මෙතනින් බාගන්න 88471c60f5d43a09fcdbb190fc95562393d01620 1.1 GB කොපිය මෙතනින් බාගන්න cbd6a700679f3f943f2b3ca0f9cb02ecd768687f ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ්  (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

2,521 downloadsDownload Nautanki-Saala-2013.zip178 KB

https://d36zzuvfojr38z.cloudfront.net/wp_content/uploads/2012/12/නවීන්-ලක්ෂිත.jpg මේ ලබා දී ඇති සිංහල උපසිරැසි පිළිබද “නවීන් ලක්ෂිත” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.