Spenser Confidential (2020) Sinhala Subtitles | ද්විත්ව මිනීමැරුමේ අභිරහස! [සිංහල උපසිරැසි සමඟ] 18+

මිත්‍රවරුනි, ඇදිරිනීතිය නිසා කට්ටිය කම්මැලි කමේ ගෙවල් අස්සට වෙලා ඉන්නවා ඇති නේද? ඉතින් අපේ රසිකයන් වෙනුවෙන් මමත් මොනාහරි කරන්න ඕනි කියලා හිතුනා. ඒ නිසා මේකට අතගැහුවා. මුලින්ම මේක රවිදු සහෝ බාරගෙන හිටපු එකක්. ඒත් කාර්‍යබහුලත්වය නිසා මට මේක කරන්න බාරවුනා. වැඩි කතා ඕනි නෑ එහෙනම් කතාව පැත්තට හැරෙමුකෝ.

Spenser Confidential යන චිත්‍රපටය නෙට්ෆ්ලික්ස් නාලිකාව මගින් නිකුත් කරනු ලැබුවේ 2020 මාර්තු 6 වෙනිදා. පැයයි විනාඩි පනස් එකක් පුරා දිවයන මෙම චිත්‍රපටය ඇක්ශන්, කොමඩි, ක්‍රයිම් ගණයට අයත් වෙනවා.ඒ වගේම මෙම චිත්‍රපටය IMDB දර්ශකයේ 6.2 ක අගයක් අරගෙන තියෙනවා. චිත්‍රපටයේ අධ්‍යක්ශනය පීටර් බර්ග් විසින් සිදු කර ඇත. මේකේ කැපීපෙනෙන ප්‍රධාන චරිත කීපයක්ම ඉන්නවා. ඒ තමයි ස්පෙන්සර්, හෝක්, හෙන්රි, සිසී ඩේවිස්, කැප්ටන් බොයිලන්ඩ් සහ ඩ්‍රිස්කෝල්. මේ කට්ටිය වටේ තමා කතාව ගලාගෙන යන්නේ.

චිත්‍රපටිය ගැන කෙටියෙන් කිව්වොත් වෙන්නේ මේකයි. කතාව කැරකෙන්නේ බොස්ටන් නගරය වටා. මැරයොයි සමහරක් දූශිත පොලිස්කාරයොයි එකතුවෙලා තමයි බොස්ටන් නගරයේ තියෙන කුඩු ජාවරම කරන්නේ. ස්පෙන්සර් කියන්නේ පොලිස් නිලදාරියෙක්. එයා මේ කුඩු සීන් එකට හවුල් කෙනෙක් නෙමෙයි. ඉතින් මේ නගරේ වෙන දූශිත දේවල් වලට ග්ලෝරියා විස්නෙල්ස්කි කියලා තරුණ ගෑනු කෙනෙක් එරෙහි වෙනවා. ඒ වගේම එයා ඒකට පෙලපාලි ගියා, රැස්වීම් තියලා කෑගැහුවා. මැරයොත් මේ වැඩේ ඉවසගෙන හිටියේ නෑ. මැරයෝ එකතුවෙලා කොහොමහරි ග්ලෝරියාව මරලා දානවා. ග්ලෝරියා කියන්නේ ස්පෙන්සර්ගේ යාලුවෙක්. ස්පෙන්සර්ටත් මේකට සෑහෙන්න අවුල් යනවා. පස්සේ එයා මේක ගැන හොයන්න පටන් ගන්නවා. හැබැයි මේ මිනීමැරුම පොලීසිය අස්සේ ඉන්න දූශිත අය යටගහන්න හදනවා. කොහොමහරි මේ අය එක්ක හැප්පෙන්න ගිහින් ස්පෙන්සර්ට අවුරුදු පහකට හිරේ යන්න වෙනවා. එතනින් තමයි කතාව පටං ගන්නේ.

එහෙනම් හැමෝටම චිත්‍රපටය බලන්න ආරාධනා කරනගමන් මේ දවස් ටිකේ පරිස්සමෙන් ගෙවල් වලට වෙලා ඉන්න කියලා පොඩි ඉල්ලීමකුත් කරන ගමන් මම සමුගන්නවා. තවත් උපසිරසියකින් නැවත හමුවෙමු. ජයවේවා. බුදුසරණයි!

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි WEBRip පිටපත සඳහා වලංගු වේ.

22,619 downloadsDownload Spenser-Confidential-2020.zip57 KB

මේ ලබා දී ඇති සිංහල උපසිරැසි පිළිබද “හිරාන් එරන්ද ගනේපල්ල” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2017-07-03
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.