The Big Sick (2017) Sinhala Subtitles | ආදරයද පවුලද? [සිංහල උපසිරසි සමඟ]

ආයුබෝවන් හැමෝටම! ගොඩ දවසකට පස්සේ ආයෙත් බයිස්කෝප් එකට උපසිරසියක් අරන් ආවා. ඇත්තටම මේක කරන්න ගොඩක් කල් ගියා. ජරමර පිට ජරමර ටිකක් වැටුනා. කැම්පස් එකේ වැඩ වලට හිරවුණා අතරේ ලැප් එකත් කැඩුනා. ඉතින් ඒ ගැන මුලින්ම සමාව ඉල්ලන්න ඕනෙ. මේ ෆිලුම මම ගත්තේ අපේ සිසිල ප්‍රසාද් සහෝගෙන්. ඔහුට විශේෂයෙන් ස්තුති කරන්න ඕනෙ. කොහොමහරි පස්වෙනි උපසිරසියත් ඉවර කළා.

හරි දැන් කතාව පැත්තට යමු. මේක සත්‍ය කතාවක් ආශ්‍රයෙන් නිර්මාණය වුනු චිත්‍රපටියක්. IMDB එකෙත් 7.7 වගේ ලොකු අගයක් අරන් තියෙනවා. කුමේල් කියල පකිස්තාන් කොල්ලෙක් ඉන්නවා. එයා රස්සාව විදිහට කරන්නේ විහිලු කරන එක. අපේ රටේ නැති වුනාට ඇමරිකාව වගේ බටහිර රටවල Comic Clubs කියල ක්ලබ් ජාතියක් තියෙනවා මිනිස්සු විනෝද වෙන්න එන. ඉතින් මෙයත් ඒ වගේ තැනක වැඩ කරන කෙනෙක්. ඒ අතරේ තමා කුමේල්ට එමිලිව හම්බෙන්නේ. එමිලි චිකාගෝ වල ඉගෙනගන්න උපාධි අපේක්ෂිකාවක්. දෙන්න කොහොමහරි ආදරේ කරන්න පටන් ගන්නවා. කුමේල්ගේ අම්මලට ඕනෙ හැබැයි කුමේල් නීතිඥයෙක් කරලා එයාට පකිස්තාන් කෙල්ලෙක් බන්දල දෙන්න. කුමේල් කැමති නැහැ. ඔහොම යද්දී එමිලි දැනගන්නවා කුමේල් එයාට බොරු කළා කියල, දෙන්න වෙන් වෙනවා, පස්සේ එමිලි අසනීප වෙනවා. ඊට පස්සේ ප්‍රශ්න ගොඩයි. එතනින් එහාට මොකද වෙන්නේ? කතාව බලලම ඉමු නේද.

ලොකු වියදමක් දරල කරපු ෆිලුමක් නෙමේ. හැබයි වියදම වගේ දහගුනයකටත් වඩා ආදායම් හොයපු ෆිල්ම් එකක්. කුමේල්ට පණ පොවන්නේ ඇත්තම සිදුවීමේ ඉන්න කුමේල්ම තමා. ඒ වගේම ප්‍රසිද්ධ ඉන්දියානු නළු අනුපම් කේර් එහෙමත් මේකේ ඉන්නවා. ලස්සන ආදර කතාවකුත් එක්ක ගලන යන හොද චිත්‍රපටියක් කියන්න පුළුවන්. මේකේ සමහර වචන, වාක්‍ය තියෙනවා තේරුම හරියටම ගන්න ගියොත් කොහෙත්ම තෙරෙන්නේ නැති දේවල්. ඒ වගේම වෛද්‍ය ක්ෂේත්‍රයේ පාවිච්චි වෙන වචනත් තිබුනා. ඒවා ඔක්කොම තේරුම් ගන්න පුළුවන් විදිහට හදල දැම්මා. අඩුපාඩුවක් තිබුනොත් සමාවෙලා මටත් කියන්න.

එහෙනං ආයෙ තව උපසිරසියක් එක්ක හම්බෙමු. ජයවේවා හැමෝටම! තෙරුවන් සරණයි!

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි BR පිටපත් සඳහා අදාළ වේ.

5,449 downloadsDownload The-Big-Sick-2017.zip83 KB

https://d36zzuvfojr38z.cloudfront.net/wp_content/uploads/2017/05/Amila-Kalhara-2.jpg මේ ලබා දී ඇති සිංහල උපසිරැසි පිළිබද “අමිල කල්හාර” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2016-12-13
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.