Supernatural [S04 : E02] – Sinhala Subtitles | දෙවියනි ඔබ කොහිද… [සිංහල උපසිරැසි සමඟ]

හොදයි, කලින් කතාවේ ආව අනපේක්ෂිත අමුත්තා ගැන අපේ කට්ටිය හිතන්නේ මොනවද කියලා දැනගන්න වෙන්න කථාව බලලම තමයි. මේ අතරේ, අපි දන්නවා සෑම්නුයි ඩීන්නුයි ඇරුනම දඩයක්කාරයෝ තව ගොඩක් ඉන්නවා රට පුරා. ඉතින්, සෑම්නුයි ඩීන්නුයි වගේම මෙගොල්ලොත් මිනිස්සු බේරගන්නවා. ඒ වගේම සමහර වෙලාවට අතපසුවීම් ප්‍රමාදවීම් වගේ ඒවා නිසා සමහර මිනිස්සුන්ව බේරගන්න බැරි වෙන වෙලාවලුත් තියෙනවා. 1.22 කතාවේ මිය ගිය ඩීමන් ආවේස වෙලා හිටිය ගැනු ළමයා මෙග්, 2.12 කතාවේ මියගිය රොනල්ඩ් රෙස්නික්, 3.12 කතාවේ මිය ගිය හෙන්ඩ්‍රික්සන්, නැන්සි ඇතුළු කට්ටිය, මේ විදිහට සෑම්ටයි ඩීන්ටයි බේරගන්න බැරි වෙච්ච අහිංසක මිනිස්සු. එක පාරටම මේ විදිහට බේරගන්න බැරි වෙච්ච මිනිස්සුන්ගේ හොල්මන් ඇවිත් දඩයක්කාරයන්ව මරන්න පටන් ගන්නවා රට පුරාම. සෑම්ටයි ඩීන්ටයි බෝබීටයි මේ ප්‍රශ්නෙට විසදුමක හොයන අතරේම තමන්ගේ ජීවිත බේරගන්නත් ලොකු සටනනක් දෙන්න වෙනවා. අපි කථාව බලලම ඉතුරු ටික දැනගමු.

දැනුමට:
Revelations : මට මතක හැටියට, අද කතාවේ තමයි පලවෙනි වතාවට Revelations ගැන තරමක් විස්තර සහිතව කතා කරන්නේ. පරිච්චේද 22කින් යුතු මෙම පොත ශ්‍රී ලංකා බයිබල් සංගමය පරිවර්තනය කරන්නේ “එළිදරව්” යන නමෙනුයි. ඒ නිසා මාත් ඒ වචනෙම භාවිතා කරනවා. ඒත් එළිදරව් කියන එක දෙබස්වල භාවිතා කරන්න කරදර නිසා “එළිදරව්ව” කියලා වෙනස් කරපු වෙලාවලුත් තිබුණා. (එහෙම භාවිතා කරන එක හරිද කියලනං මම දන්නේ නෑ 😕 ) බොහොම කෙටියෙන් කිව්වොත්, මේකේ තමයි ලෝක විනාසේ වෙන හැටි තියෙන්නේ. මේක ජේසුස් වහන්සේගේ දේශනාවක් නෙමේ. ජෝන් කියලා කෙනෙක්ට ලැබුන දිව්‍යමය පණිවිඩයක් කියලයි සැලකෙන්නේ. මේ පොත මුල ඉදන් සිංහලෙන් කියවන්න කැමතිනම් මෙතනින් බලන්න.

සාක්ෂිකාරයෝ සහ මුද්‍රා : අද කතාවේ පැවසෙනවා සාක්ෂිකාරයන්ගේ උත්ථානයක් ගැනයි, ලුසිෆර්ව නිදහස් කරන්න පුළුවන් මුද්‍රා වගයක් ගැනයි. ඔවුන් කියන්නේ මේක එළිදරව් පොතේ තියෙන එකක්ය කියලයි. අවංකවම කිව්වොත් මං මේ විස්තර ඔයාලට කිව්වට මම බයිබලය කියවලා නෑ. ඉතින් මං දන්නේ නෑ ඇත්තටම මෙහෙම එකක් එලිදරව්වල තියෙනවද කියලා. 11 වෙනි පරිච්චේදයේනම් සාක්ෂිකාරයෙක් ගැන කියනවා. ඒත් ඒ කතාවේ අද සුප්(ර්)නැචුරල් එකත් එක්ක කිසිම සමාන කමක් නෑ. ඉතින් මට තේරෙන තරමෙන් නම් සුප(ර්)නැචුරල් එකේ අද කියන්නේ ඇත්තක් නෙමේ! (ෂෝ එකේ කියන ඒවා ඇත්තටම බයිබලේ තියෙනවා කියලා හිතා ගන්න එපා කියලයි මං මේ කියන්නේ…) මීට වඩා විස්තර දන්නා කෙනෙක් ඉන්නවනං පැහැදිලි කරන්න.

ලුසිෆර් : ලුසිෆර් ගැන අහලා නැති කෙනෙක් නං නැතුව ඇති. මෙයා ගැන ඉදිරියේදී සුප(ර්)නැචුරල් එකේ සෑහෙන කතා කරනවා. ලුසිෆර් යන්නෙහි තේරුම “පහන් තරුව” එහෙමත් නැත්නං “අලෝකය ගෙනෙන්නා” කියන එකලු. ලුසිෆර් කියන්නේ සාතන් නැත්නම් යක්ෂයාම තමයි. හැබැයි මං කලිනුත් කිව්වා වගේ මම බයිබලේ කියවලා නෑ. ඒ නිසා කතාවේ කියන තොරතුරුවල වැරදි නිවැරදි බවනං මට කියන්න පුළුවන් කමක් නෑ. ඒ තොරතුරු හොයා ගන්න එක ඔයාලට බාරයි.

මං දන්නා තරමින් ලුසිෆර් කියන්නෙ දෙවියන් වහන්සේ මුලින්ම මවපු දේව දුතයන් අතරින් කෙනෙක්. ඔහු සිය මානය සහ ඊර්ෂ්‍යාව නිසා ස්වර්ගයෙන් නෙරපුන පවයි පැවසෙන්නේ. බයිබලය ඔහුව සර්පයෙක් ලෙසත් දක්වනවා. කොහොම වුනත් එලිදරව්ව ගැන කියද්දී, 12වෙනි පරිච්චේදයේ “මකරා” ලෙසින් හැදින්වෙන්නේ ලුසිෆර්ලු. ලුසිෆර් ගැන තොරතුරු කියවන්න කැමතිනම් මෙතනින් පටන් ගන්න.

– – –
අද කතාවේ නම “Are You There God? It’s Me, Dean Winchester” අරන් තියෙන්නේ Judy Blumeගේ “Are You There God? It’s Me, Margaret” නම් පොතේ නම ඇසුරෙනුයි.
අධ්‍යක්ෂණය කලේ : ක්ලිෆ් බෝලේ (hilip Sgriccia)
කථාව : ලු බෝලෝ (Lou Bollo) සහ සේරා ගැම්බල් (Sera Gamble)
රුපවාහිනී තිර රචනය : සේරා ගැම්බල් (Sera Gamble)
විකාශය වුනේ : 2008 සැප්තැම්බර් 25 වෙනිදා

ඊලග කථාව ගෙනෙනකන් බලා ඉන්න අතරේ, ඒ කතාව් ප්‍රවර්ධන වීඩියෝව බලන්න පුළුවන් මෙතනින්.

Due to copyright issues, we do not provide any torrent links.

4,832 downloadsDownload Supernatural_-.S04E02.zip69 KB

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “MDG” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

<< Previous Episode                       All Episodes                         Next Episode >>