Avatar: Seven Havens [S01 : E07] Sinhala Subtitles | යටින් ඇති සැඟවුණු දේ [සිංහල උපසිරසි]

ආයුබෝවන්, ඉතිං ඔන්න මේ අරගෙන එන්නෙ Avatar: Seven Havens සීරිස් එකෙ හත්වෙනි කතාංගයට උපසිරැසි. කලින් එපියෙදි සඳහන් කරා මීළඟ කතාංගයන්ට උපසිරැසි අරගෙන එන්නෙ බයිස්කෝප් සෝන් ඉවෙන්ට් එකෙන් පසුවයි කියලා. ඉතිං වෙලාවක් ලැබුණු වෙලාවෙම උපසිරැසි පුලුවන් ඉක්මනට ගේන්න හිතුවා. හිතුවා වගේම ඔන්න ගෙනාවා.

කලින් කොටස ටිකක් මතක් කරගෙනම අද කොටස බලමු,

හයවෙනි කොටසෙදි සිද්ධ වුනේ විෂමතාවෙ බලපෑමත් එක්ක එලෝරාව මධ්‍යයෙ හරියෙ වෙන්න විෂමතා පළිඟු වගයක් ඉහලට වැඩෙමින් තියෙනවා. ඉතිං මේකට චෑන්ස්ලර් විසින් භට කණ්ඩායමේ ධාතු-පාලකයන්ව යොදාගෙන රෑ එලිවෙනකං මේ පළිඟු වැඩෙන එක මර්ධනය කරන්න යොදාගෙන තිබුනත්, තමන්ට කිසිඳු නිදහසක් නැතුව දිගටම වැඩ තියෙන එකට භට කණ්ඩායමේ කීප දෙනෙක්ම චෑන්ස්ලර් සමඟ මේකට අමනාපයෙන් ඉන්නෙ. ඉතිං ඔය අතරෙම ටාලාත් අනතුරක් සිද්ධ වෙනවා. පවීගෙ කකුලේ වේදනාවත් එක්ක කාර්තික් ඇයව දොස්තර ජියා වෙත යොමු කරනවා. ඒ අතර කාර්තික් රෝහලේ පීඩිතයන්ගෙ කුටියට යන්නෙ කමාන්ඩර් බූටාන්ගෙ සැපදුක් විමසීමට. ඉතිං මෙතනට නිෂා සහ පවී ආවට පස්සෙ පීඩිතයන් සියල්ලම එකවර කලබල වී මොවුන් පසුපස පන්නන්න ගන්නවා. එක් වතාවකුත් විෂමතාවට මුහුණ දුන් නිසා පවී සහ නිෂා නිර්භයව විෂමතාව ස්පර්ශ කරනවා. ඒකෙන් ඔවුන්ට ඔවුන්ගෙ මව සහ පියාගෙ යම් මතකයක කොටසත් අනාවරණය වෙනවා. පසුව පවී සහ නිෂා තීරණය කරනවා ඔවුන්ට මොකක්ද වුනේ කියලා කොහොම හරි හොයාගන්න ඕනෙ කියලා.

ඉතිං ඔන්න ඔය විදිහට තමා කලින් කොටසෙදි සිදුවීම් ටික සිද්ධ වුනේ. එහෙනම් ඔය ටික මතක් කරගෙනම කතාව බලන්න. අනිත් දෙකත් පුලු-පුලුවන් ඉක්මනට ගේන්න උත්සහ කරන්නම්. ඉල්ලනකොටම ගේන්න උපසිරැසි අතේ තියාගෙන නැති හින්දා සිදුවන ප්‍රමාද වීම් ගැන කණගාටුයි!!!

හැමෝටම සුභ දවසක්!! ජයවේවා!!