Ben 10: Alien Force [S03 : E19 - E20] Sinhala Subtitles | අවසාන මහා සටන සහ සුපිරි බල ඔරලෝසුව [සිංහල උපසිරසි]

හලෝ හැමෝටම මේ ගෙනල්ලා තියෙන්නෙ බෙන් 10 සීසන් 3 එපිසෝඩ් 19-20 ඒ කියන්නෙ මුළු සීරීස් එකේම අන්තිම සබ් එක මෙච්චර කාලයක් බෙන් 10 රසිකයො බලාගෙන හිටපු කතාවක් සබ් දෙන්න පුළුවන් වීම ගැන ගොඩක් සතුටු වෙනවා.ඒ වගේම මේ කතාව ආදරෙන් වැළදගත්ත සියලු දෙනාටම ගොඩක් ස්තූතියි ඉතින් අපි අන්තිම ලිපිය විදිහට අපේ කතාවෙ අන්ඩරේටඩ් චරිතෙ විදිහට ඉන්න මැක්ස් සීයා ගැන කතා කරමු.මීට කලින් එපි වලින් අපි කෙවින්,ගුවේන් චරිත ගැනත් කතා කරලා තියෙනවා ඒවත් කියවලාම බලන්න. ඒවගේම බෙන් 10ගෙ ඒලියන් ෆෝර්ස් සීරීස් එකේම ඉන්න ඔක්කොම ජීවින් ගැන ලිපි ගෙනල්ලා තියෙනවා ඒවත් කියවලා බලන්න.ඒවත් එක්ක තමා කතාව රසවත් වෙන්නෙ ඒවා කියෙව්වාම බෙන් 10 කියන්නෙ නිකන්ම නිකන් කාටූන් එකක් නෙමෙයි කියන එක ඔයාලට තේරෙයි.

මැක්ස් ටෙනිසන් හෙවත් මැක්ස් සීයා බැලූ බැල්මට සාමාන්‍ය විශ්‍රාමික වැඩිහිටියෙකු ලෙස පෙනුණද, ඔහු සතුව අතිශය ත්‍රාසජනක සහ රහසිගත අතීතයක් පවතී. තරුණ වියේදී ඇමරිකානු ගුවන් හමුදාවේ දක්ෂ නියමුවෙකු ලෙස සේවය කළ ඔහු, අභ්‍යවකාශ ගගනගාමී වැඩසටහනට පවා තේරී පත්ව සිටියේය. කෙසේ වෙතත්, පෘථිවියට පැමිණෙන පිටසක්වල තර්ජන මැඩපැවැත්වීම සඳහා පිහිටුවා තිබූ "ප්ලම්බර්ස්" (Plumbers) නම් අතිශය රහසිගත අන්තර්-මන්දාකිණි ආරක්ෂක සංවිධානයට බැඳීමත් සමඟ ඔහුගේ ජීවිතය සම්පූර්ණයෙන්ම වෙනස් මඟකට යොමු විය.

ප්ලම්බර්ස් සංවිධානයේ සිටි විශිෂ්ටතම සහ ගෞරවනීයම නිලධාරියා බවට පත්වූ මැක්ස්, සිය සගයා වූ ෆිල් (Phil) සමඟ එක්ව මන්දාකිණියේ දරුණුතම අපරාධකරුවන් රැසක් පරාජය කිරීමට සමත් විය. බෙන්ගේ ප්‍රධානතම සතුරා වන විල්ගැක්ස් (Vilgax) මුල්වරට පරාජය කර ඔහුගේ සැලසුම් ව්‍යර්ථ කළේද තරුණ මැක්ස් විසිනි. එමෙන්ම, ඔම්නිට්‍රික්ස් යන්ත්‍රයේ නිර්මාතෘ අසමත් (Azmuth) පවා මැක්ස්ගේ නිර්භීතකම සහ යහපත් ගතිගුණ ගැන දැඩි විශ්වාසයකින් පසුවූ අතර, මුලින්ම ඔම්නිට්‍රික්ස් යන්ත්‍රය ආරක්ෂා කිරීම සඳහා පෘථිවියට එවනු ලැබුවේද මැක්ස් වෙතටයි.

ඔහුගේ අතීතයේ තවත් සුවිශේෂී රහසක් වන්නේ බෙන් සහ ග්වෙන්ගේ මිත්තණිය වූ "වර්ඩෝනා" (Verdona) සමඟ ඔහුට තිබූ ආදර කතාවයි. තරුණ කාලයේදී සතුරන්ගෙන් බේරාගත් වර්ඩෝනා සාමාන්‍ය කාන්තාවක් නොව, "ඇනෝඩයිට්" (Anodite) නම් අසීමිත ශක්තියක් හිමි පිටසක්වල ජීවී විශේෂයකට අයත් තැනැත්තියකි. මැක්ස් සහ වර්ඩෝනාගේ විවාහයෙන් බෙන් සහ ග්වෙන්ගේ පියවරුන් උපත ලැබූ අතර, ග්වෙන්ට මැජික් හා බලශක්ති හැසිරවීමේ සුවිශේෂී හැකියාව උරුම වූයේද මැක්ස්ගේ මෙම අතීත සබඳතාවය හරහායි. විශ්‍රාම ගැනීමෙන් පසු තම පවුලේ ආරක්ෂාව වෙනුවෙන් මේ සියල්ල රහසක්ව තබා ගත්තද, බෙන්ට ඔම්නිට්‍රික්ස් යන්ත්‍රය ලැබීමත් සමඟ මැක්ස් සීයාට තම අතීත අත්දැකීම් සහ අවි ආයුධ නැවතත් භාවිතයට ගැනීමට සිදු විය

මේ කතාව වගේම ඊළඟ කතා මාලා වෙන Ultimate Alian,Omniverse කතා මාලා වලටත් සබ් කරන්න බලාපොරොත්තුවෙන් ඉන්නවා හැබැයි ඒකට ටික කාලයක් යයි ඉතින් ඉවසන් ඉන්න වෙනවා.එහෙනන් හැමෝටම ආයිත් පාරක් ස්තූතියි ඊළඟ කතා මාලාවෙන් හම්බෙනකන් ජය වේවා!