Stuart Fails to Save the Universe [S01 : E02] Sinhala Subtitles | අපි හැමෝම සතුටින් ! [සිංහල උපසිරසි]

හොඳයි, අපි බලමු පහුගිය කොටසේ වුනේ මොනවද කියලා,

පළවෙනි කොටස ආරම්භ වෙන්නේ පසඩිනා නගරයේ අඳුරු, විනාශ වූ වටපිටාවකින්. ස්ටුවර්ට්ගේ කොමික් පොත් සාප්පුවට හිස්වැසුමකින් මුහුණ වසාගත් කෙනෙක් ඇතුළු වෙනවා. ඒ වෙන කවුරුත් නෙවෙයි බර්ට්.

සාප්පුව ඇතුළේ තව කීප දෙනෙක් ඉන්නවා. ස්ටුවර්ට් අවකාශයේ ඇති වෙලා තියෙන මාන අතර හිඩැසකින් කුණු එළියට විසි කරනවා. බර්ට් බීන්ස් සැලමන් ටින් කීපයක් දීලා "Batman 308" කොමික් පොතක් ඉල්ලගන්නවා.

සාප්පුවේ ඉන්න අනෙක් දෙන්නා හෝක්අයි ඇවෙන්ජර්ස්ලට එකතු වෙන්න සුදුසුද නැද්ද කියලා තර්ක කරනවා. හෝක්අයිට පක්ෂව කතා කරපු කයිල් අනික් එක්කෙනාට පිහියෙන් අනිනවා. ස්ටුවර්ට් කයිල්ව සාප්පුවෙන් එළියට ඇදලා දානවා, ඊට පස්සේ අනෙක් කෙනාගේ මළ සිරුරත් අර කලින් කිව්ව හිඩැසෙන් එළියට විසි කරනවා.

ඊට පස්සේ තවත් ස්ටුවර්ට් කෙනෙක් වෙනත් මානයකින් සාප්පුවට ඇතුළු වෙනවා. මේ ක්ලෝන් ස්ටුවර්ට් කියනවා සැබෑ ස්ටුවර්ට් කියන දේට හොඳට ඇහුම්කන් දුන්නොත් එයා මුහුණ දීලා තියෙන මේ අඳුරු අනාගතයෙන් බේරෙන්න පුළුවන් කියලා.

තමන් කවුද කියලා ඔප්පු කරන්න ක්ලෝන් ස්ටුවර්ට් පරණ සිදුවීම් සහ නම් මතක් කරනවා. ලෙනාඩ් හොෆ්ස්ටැඩර්, ෂෙල්ඩන් කූපරුයි හාවඩ් වොලොවිට්සුයි එකතු වෙලා ක්වොන්ටම් යන්ත්‍රයක් හැදුවා. මේ යන්ත්‍රය ක්‍රියා විරහිත වෙලා යථාර්ථය වෙනස් වෙද්දී, ඒ කියන්නේ මේ ප්‍රචණ්ඩත්වය සහ මාන අතර හිඩැස් ඇති වෙද්දී සැබෑ ස්ටුවර්ට් එතන හිටියා.

ඒ යන්ත්‍රය තාමත් කැල්ටෙක් ආයතනයේ තියෙනවා. ස්ටුවර්ට් ඒක සටහන් කරගන්න හදද්දී වැඩ කරන පෑනක් හොයාගන්න ලැබෙන්නේ නැහැ. බර්ට් ෂාපි පෑනක් දෙන්න හදනකොටම ක්ලෝන් ස්ටුවර්ට්ගේ රූපය විකෘති වෙලා, එයාගේ පණිවිඩය අඩාල වෙනවා.

පහුවදා උදේ සැබෑ ස්ටුවර්ට් සහ බර්ට් කැල්ටෙක් එකට යන්න පිටත් වුණත්, ස්ටුවර්ට්ගේ හිතේ සැකයක් තියෙනවා. යන අතරමඟදී පෙන් සහ ටෙලර් කියන දෙන්නාව හමු වෙනවා. ඒ දෙන්නා කරන්නේ කෑම ටිකක් වෙනුවෙන් මීයන්ගෙන් සෙල්ලම් දාලා මිනිස්සුන්ව පිනවන එක.

ඉදිරියට යද්දී මෙයාලට හමු වෙන්නේ මුළුමනින්ම විනාශ වුණු ලෝකයක්. ස්ටුවර්ට් නූල් පටක් ගන්න නවතිනවා. ඒ අසල හිස්වැසුමකින් සහ අව්කණ්නාඩි වලින් මුහුණ වසාගත් කෙනෙක් ස්ටුවර්ට් දිහා බලන් ඉන්නවා. ඒ දැන් හොරකම් කරමින් ජීවත් වෙන ඩෙනීස්. එයා එයාගේ තිරනාටකයකුත් ලියනවා.

දෙන්නම හිතාගෙන හිටියේ අනෙකා මැරිලා කියලා නිසා දෙන්නටම පුදුමයි. ඩෙනීස් එයාගේ පෙම්වතා වෙන ගැරීව හඳුන්වා දෙනවා. ගැරී කලින් ඩෙනීස්ගේ යෙහෙළියක් වුණු ලීසා එක්කයි යාළු වෙලා හිටියේ. ලීසාව මිනීකන මිනිස්සු කෑවා.

ස්ටුවර්ට් යන්න හදද්දී බර්ට් එකපාරටම කැල්ටෙක් යන්න යන ගමන ගැන කියවනවා. කැල්ටෙක් කියන්නේ මරණයේ උගුලක් කියලා ඩෙනීස් කියනවා. ඒත් ස්ටුවර්ට් එයාගේ කාර්යය ගැන විස්තර කළාට පස්සේ ඩෙනීස් ඒක විශ්වාස කරන්නේ නැහැ. එයා හිතන්නේ ස්ටුවර්ට් සහ බර්ට් මැරෙන්න යනවා කියලා.

අන්තිමේදී ස්ටුවර්ට් සහ බර්ට් කැල්ටෙක් එකට ලඟා වෙනවා. එතන හැමතැනම සන්නද්ධ ආරක්ෂකයෝ ඉන්නවා. ඩෙනීස් සහ ගැරීත් ඔවුන්ට එකතු වෙනවා. ඒත් ස්ටුවර්ට් අතේ කිසිම සැලසුමක් නැහැ, මොකද එයා "ඇක්ෂන් ක්ෂේත්‍රයට අලුත්" නිසා. ඒ වෙනුවට ගැරී සැලසුමක් ඉදිරිපත් කරනවා.

ගැරී ප්‍රධාන දොරටුව ළඟ ලොකු කලබලයක් ඇති කරනවා. ඒ අතරේ අනික් අයට පුළුවන් ලොරි ඇතුළු වෙන පැත්තෙන් ඇතුළට රිංගන්න. ඊට පස්සේ ලොරි යටින් බඩගාගෙන, ලොරියේ යට කොටසේ එල්ලීගෙන කාටවත් නොපෙනී ඇතුළට යන්න පුළුවන්.

ගැරීගේ සැලසුම ගැන බර්ට් පැහැදෙනවා. එතකොටයි ගැරී කියන්නේ එයා කලින් විශේෂ ආරක්ෂක බළකායේ හිටියා කියලා. ගැරී ඉදිරියට යද්දීම එයාට වෙඩි වදිනවා. සන්නද්ධ පිරිස අනික් අයව වටකරලා ඇතුළට අරන් යනවා.

ඩෙනීස් ගැරීගේ මරණය ගැන දුක් වෙනවා. ස්ටුවර්ට් එයාට සැනසිලි බස් කියමින් ළඟදීම වෙන කෙනෙක් හමුවේවි කියලා කියනවා.

මෙයාලව අරන් යන්නේ බර්ට් කලින් භූගෝල විද්‍යාව උගන්වපු පන්ති කාමරයට. එතන රජ් ඉන්නවා. එයාගේ කොණ්ඩයයි රැවුල හොඳටම වැවිලා, ඇඳුම්වලුත් ඉරිලා. රජ් හිතන්නේ මේක මනෝභ්‍රාන්තියක් කියලයි. ස්ටුවර්ට් ඒක නෑ කියන්න හදද්දී, බර්ට් කියන්නේ මනෝභ්‍රාන්තියකින් පෙනෙන කෙනෙක් කියන්නෙත් ඔය ටිකම තමයි කියලා.

තමන් මේ ඉන්නේ වැරදි යථාර්ථයක කියලා රජ් තේරුම් අරන් ඉන්නේ. "දුෂ්ටයා" (The Evil One) තමයි මේ ලෝකය පාලනය කරන්නේ. එයා කැමති දේවල් මෙහෙමම තියෙනවට. එයාගේ නම කිව්වොත් නරක දේවල් වෙන නිසා රජ් නම කියන්න බයයි.

ඒත් ස්ටුවර්ට් කියනවා තමන් තමයි "තෝරාගත් තැනැත්තා", ඒ නිසා මේ සේරම හරිගස්සන්න බලාපොරොත්තුවක් තියෙනවා කියලා.

එතකොටම සන්නද්ධ ආරක්ෂකයෙක් ඇවිත් දකුණු පසඩිනා, ෆ්ලින්ට්රිජ්, මොන්රෝවියා හි මහා කලීෆ් සහ සැන් ගේබ්‍රියෙල් නිම්නයේ ශ්‍රේෂ්ඨ පාලකයාගේ පැමිණීම නිවේදනය කරනවා. ඒ වෙන කවුරුත් නෙවෙයි බැරී ක්‍රිප්කේ හෙවත් වෝඩ් ක්‍රිප්කේ.

ක්‍රිප්කේට තාමත් අකුරු උච්චාරණයේ දෝෂය තියෙනවා. එයා බලයට ආපු හැටි විස්තර කරනවා. එයාට කෑම, තුවක්කු සහ කෙල්ලෝ සේරම ලැබිලා තියෙනවා. එයා ඩෙනීස්ව එයාගේ අන්තඃපුරයට ගන්න අණ කරනවා. ඩෙනීස් ඒකට විරුද්ධ වෙද්දී, එයාව හෝදලා මරලා දාන්න අරන් යනවා.

පස්සේ බර්ට් යෝජනා කරනවා පන්ති කාමරයේ තියෙන ගල් වලින් අත්බෝම්බ හදමු කියලා. එයා පොටෑසියම් වතුරට දාලා ඒක කරලා පෙන්වනවා.

සන්නද්ධ ආරක්ෂකයෙක් ඔවුන්ව මරන්න එද්දී බර්ට් එයාට බෝම්බයකින් ගහලා එතනම මරලා දානවා. පස්සේ ඔවුන් එළියට පැනලා බෝම්බ ගහමින් ආරක්ෂකයින්ගේ ඔළු කපාගෙන යනවා.

ඩෙනීස් ආරක්ෂකයෙක් එක්ක කතා කරමින් එයාගේ පරණ ජීවිතය ගැන අහනවා. ක්‍රිප්කේ එතනට ආවත් ඩෙනීස් එයා එක්ක එකඟ වෙන්න බෑ කියනවා. ඩෙනීස් ක්‍රිප්කේව රවට්ටලා තමන්ගේ ගැට ලිහවාගෙන, එයාව සිහි නැති වෙන්නම ගහලා කාමරයෙන් පනිනවා. එයා ආපහු ස්ටුවර්ට්ලා එක්ක එකතු වෙලා යන්ත්‍රය හොයාගන්නවා.

රජ් යන්ත්‍රය හදන්න හදද්දී ක්‍රිප්කේ ඇවිත් රජ්ට වෙඩි තියනවා. බර්ට් ක්‍රිප්කේ එක්ක පොරබදද්දී රජ්ට ආයෙමත් මනෝභ්‍රාන්ති පෙනිලා අන්තිමේදී මැරෙනවා.

ඩෙනීස් සහ ස්ටුවර්ට් උපදෙස් පොත බලලා යන්ත්‍රය හදන්න හදද්දී ඩෙනීස්ට පියවරක් මඟහැරෙනවා. යන්ත්‍රය විසින් ස්ටුවර්ට්, ක්‍රිප්කේ සහ බර්ට්ව ගිලගෙන අතුරුදහන් වෙනවා. මේ තිදෙනා කාලය හරහා ගිහින් වෙනත් යථාර්ථයකට තල්ලු වෙනවා.

ලෝකය ආයෙමත් ලස්සන සතුටුදායක තැනක් වෙලා. ඒත් කිසිම දෙයක් සාමාන්‍ය නැහැ. මොකද හැමෝගෙම බෙල්ල පිටුපසින් කුඩා කොළ පාට එළියක් විහිදෙනවා අපිට පෙනෙනවා.

අද තියන කොටස එහෙනම් බලන්න,
ඊළඟ කොටසින් අපි හෙට හමුවෙමු.