Supernatural [S03 : E09] – Sinhala Subtitles | යක්දෙස්සියන්ට යුක්තිය [සිංහල උපසිරැසි සමඟ]

අද කතාවේ නම “Malleus Maleficarum” කියන්නේ ලතින් භාෂාවෙන් 1486 දී Heinrich Kramer නම් ජර්මන් ජාතිකයා අතින් ලියවුන යක්දෙස්සියන් සම්භන්ධයෙන් නීතිය ක්‍රියාත්මක විය යුතු ආකාරය දැක්වෙන පොතක්. තරුණ ගැනු කෙනෙක්ගේ දත් ටික එක පාරටම ගැලවිලා වැටෙන්න ගන්නවා. එතනින් නවතින්නේ නෑ.. මේ ගැනු කෙනා මැරෙනවා. මේ මොකද්ද කියලා හොයන්න අයියා මලෝ දෙන්නත් එනවා. ඒත් මේ දෙන්නා හොයාගෙන එන රූබි සෑම්ට, මේ ටවුම හරිම භයානක බවත්, වහාම ජීවිතේ බේරාගෙන පැනලා යන්න කියලත් කියනවා. ඉතින් මොකද්ද මේ තරං භයානක දේ මේ ටවුමේ තියෙන? අර ගෑනු කෙනාට එහෙම නස්පැත්තියක් වුනේ මොකද? රුබිගේ කීම අහලා අයියා මලෝ දෙන්නා යන්න යයිද? නැත්නං මොකක් කරයිද? මේ ප්‍රශ්නවලට උත්තර කථාව බලලා දැනගමු.අද කතාවේදී රූබි බොහොම නරක ආරංචියක් එලි කරනවා ඩීන්ට….මේ කථාව පලවෙනි වතාවට බලන අයෙගෙන් අහන්න ප්‍රශ්නෙකුත් තියෙනවා මං ලග… ඔයාලා හිතන විදිහට රූබි මොකද මෙච්චර හොද? … 😉 

දැනුමට:
අද කතාවේ පලවෙනි වතාවට යක්දෙස්සිය නැත්නම් විච් (witch) කියන සංකල්පය හදුන්වලා දෙනවා. කෙටියෙන්ම පැහැදිලි කලොත් මොවුන් මන්තර ගුරුකම්කාරියන්. මන්තර ගුරුකම් භාවිතයෙන් හොද දේවල් වගේම නරක දේවලුත් මොවුන් කරනවා.බොහෝ අවස්ථාවල කාන්තා පාර්ශවේ අය තමයි යක්දෙස්සියන් වෙන්නේ. ඒත් එකේ තේරුම පිරිමි අය නෑ කියන එක නෙමේ.

මේ කතන්දර යුරෝපයේ එක් අදුරු යුගයකට අයිති මිත්‍යා විශ්වාසයි. ඒ කාලේ යුරෝපයේ ක්‍රිස්තියානි රටවල මිනිසුන් යක්දෙස්සියන්ට දැක්වුයේ පුදුම බියක් සහ විරෝධයක්. ඔවුන් හිතුවේ යක්දෙස්සියන් යක්ෂයා නැත්නම් සාතන්ගේ උදව්වෙන් මන්තර ගුරුකම්, හූනියම් ආදිය කරනවාය කියලයි. ඔවුන්ට දුන්න දඩුවම තමයි පණ පිටින් ප්‍රසිද්ධියේ පුළුස්සා මරා දැමීම. හැම යුරෝපිය රටකම වගේ මෙය නීති ගත කරලා තිබුණ. වරින් වර රට පුරා යක්දෙස්සියන් සොයා පුළුස්සා දැමීම (Witch-hunt) හැම රටකම වගේ කෙරුනා. යක්දෙස්සියන් අදුනා ගැනීමට භාවිතා කලේ ඉතාම මෝඩ ක්‍රම වේදයි. මේ නින්දා සහගත වැඩේ නිසා ජීවිතෙන් වන්දි ගෙවපු අහිංසක ගැහැනුන් ගණන අති විශාලයි. බොහෝ විට පල්ලියේ සහ ප්‍රභූවරුන්ගේ තරහට ලක්වූවන්, ශාක සාරයෙන් බෙහෙත් කරන වෙද ගැහැනුන්, මානසික රෝගීන් ආදී විවිධ කාන්තාවන් මේ චෝදනාවට ලක්වෙලා පණපිටින් ගින්නට බිලිවුණා. මනුෂ්‍ය ශිෂ්ඨාචාරයටම කළු පැල්ලමක් එක් කල මේ අවාසනාවන්ත යුගය අවසන් වුනේ 18 වෙනි ශතවර්ශේදියි. අද කතාවේදී යක්දෙස්සියන් පුච්චන්නේ නැති වුනත්, ඒ කාලේ මිත්‍යා විශ්වාස පදනම් කරගෙන තමයි කථාව හදලා තියෙන්නේ. හූනියම් ගැන නං මං හිතන්නේ අපේ රටේ ඈයොන්ට අමුතුවෙන් කියලා දෙන්න ඕනේ නෑනේ. සුප(ර්)නැචුරල් කට්ටිය මෙහෙට ආවනං, අනුන්ට වින කරන එක ගැන කෙල පැමිණි අපේ කට්ටියගෙන් හූනියම් ගැන තවටිකක් හොදට ඉගෙනගෙන යන්න තිබුණා…
ප. ලි.
මං හරියටම දන්නේ නෑ නිවැරදි සිංහල වචනය “යක්දෙස්සිය”මද කියලා. කොහොම වුනත්, යක්දෙස්සිය සහ විච් යන පද දෙකම අවස්ථාවේ හැටියට වරින්වර උපසැරසිවල යොදාගෙන තියෙනවා.

 

 

 

Due to copyright issues, we do not provide any torrent links.

4,382 downloadsDownload Supernatural-.-S03E09.zip77 KB

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “MDG” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

<< Previous Episode                       All Episodes                         Next Episode >>