The Vampire Diaries [S08 : E16] Sinhala Subtitles | එලීනා ආයෙත් එයිද? [සිංහල උපසිරසි]

ඔන්න යාළුවනේ, කාලයක් අපිව පිස්සු වට්ටපු, හිනැස්සපු, ඒ වගේම අඬවපු The Vampire Diaries කතා මාලාවේ අවසානයට අපි ඇවිත් ඉන්නේ. 
අද මම ඔයාලට කියන්න යන්නේ මේ කතාවේ හැමෝම බලන් හිටපු, හැඟීම්බරම වගේම අවසාන එපිසෝඩ් එක (Season 8, Episode 16) ගැනයි.

මතකද කලින් එපිසෝඩ් එකේ මොකද වුණේ?

අන්තිම එපිසෝඩ් එක ගැන කතා කරන්න කලින්, 15 වෙනි එපිසෝඩ් එකේ වුණ දේ පොඩ්ඩක් මතක් කරගමු. 
ස්ටෙෆන් සහ කැරොලයින්ගේ විවාහ උත්සවය තමයි ඒකෙ ප්‍රධානම දේ වුණේ. හැබැයි ඒ සතුට වැඩිකල් තිබුණේ නැහැ. 
කැතරින් පියර්ස් ආයෙත් එනවා කියන ඉඟියත් එක්ක ලොකු පිපිරීමක් වුණා මතක ඇතිනේ? ඒ වගේම කෙලී ඩොනොවන් කරපු විනාශය නිසා හැමෝම හිටියේ ලොකු අවදානමක. 
මේ හැමදේම මැද්දේ අපේ බොනී සිහි නැති වෙලා වැටුණා.

අවසාන සටන: මිස්ටික් ෆෝල්ස් බේරාගැනීම

අන්තිම එපිසෝඩ් එක පටන් ගන්නේ බොනී මරණයත් එක්ක සටන් කරන තැනින්. 
එතනදී එයාට එලීනාව මුණගැහෙනවා. හැබැයි එන්සෝ ඇවිත් බොනීට කියනවා තවම එයාගේ වෙලාව ඇවිත් නැහැ කියලා. 
බොනී ආයෙත් පියවි සිහියට එනවා.

හැබැයි ප්‍රශ්නය එතනින් ඉවර වෙන්නේ නැහැ. කැතරින් පියර්ස් දැන් නිරයේ (Hell) රැජින වෙලා. 
එයාට ඕනේ මිස්ටික් ෆෝල්ස් නගරයම "Hellfire" වලින් අළු කරලා දාන්න. මැට්ගේ තාත්තාට සිද්ධ වෙනවා නගරයේ සීනුව ගහන්න. 
ඒ හැම සීනු හඬක් එක්කම නගරයට විනාශය ළඟා වෙනවා.

සදාකාලික සමුගැනීම සහ පරිත්‍යාගය

මේ එපිසෝඩ් එකේ හදවතටම දැනෙන කොටස තමයි ඩේමන් සහ ස්ටෙෆන් අතර තියෙන සහෝදර බැඳීම. 
කැතරින්ව විනාශ කරන්න නම් කවුරුහරි කෙනෙක් නිරයේ ගින්දරත් එක්කම එතන ඉන්න ඕනේ. ඩේමන්ට ඕනේ වුණේ තමන්ව පරිත්‍යාග කරලා ස්ටෙෆන්ට සතුටින් ජීවත් වෙන්න ඉඩ දෙන්න. 
හැබැයි අන්තිමේදී ස්ටෙෆන්, ඩේමන්ට හොරෙන් ඒ මාරක තීරණය ගන්නවා.

ස්ටෙෆන් තමන්ගේ ඇඟේ තිබුණු "Cure" එක ඩේමන්ට දීලා, සාමාන්‍ය මනුස්සයෙක් විදියට ජීවත් වෙන්න අවස්ථාව හදලා දීලා, කැතරින් එක්කම ඒ ගින්නට අහු වෙලා මිය යනවා.
 ඒක ඇත්තටම බලන් ඉන්න බැරි තරම් දුක හිතෙන දර්ශනයක්.

එලීනාගේ නැවත පැමිණීම

බොනී තමන්ගේ සම්පූර්ණ මායාවී බලය පාවිච්චි කරලා එලීනාව ඒ දීර්ඝ නින්දෙන් ඇහැරවනවා. 
ඩේමන් සහ එලීනා ආයෙත් මුණගැහෙනවා. හැබැයි ඒ සතුට මැද්දෙත් ස්ටෙෆන් නැති අඩුව හැමෝටම තදින්ම දැනෙනවා.
 ස්ටෙෆන් මිය යන්න කලින් එලීනාව මුණගැහිලා කැරොලයින්ට පණිවිඩයක් දෙනවා—එයාට හැමදාටම ආදරෙයි කියලා.

කතාවේ අවසානය: "Peace"

අන්තිමට අපිට පේනවා හැමෝම තමන්ගේ ජීවිත වල ඉදිරියට යන විදිය
. කැරොලයින් සහ ඇලරික් එකතු වෙලා විශේෂ දරුවන් වෙනුවෙන් පාසලක් පටන් ගන්නවා. 
ඩේමන් සහ එලීනා සතුටින් කාලය ගත කරලා, ජීවිතයේ අවසානයේදී තමන්ගේ පවුලේ අය මුණගැහෙනවා.

vampire diaries කතා මාලාව මෙතනින් අවසානයි.පුරා සීසන් 8 පුරාවට බයිස්කෝප් අප සමග රැදී ඔබ සැමට ස්තුතියි.
 තවත් මේ වගේම ලස්සන  කතා මාලාවකින් හමුවෙමු.