Agora (2009) Sinhala Subtitles | අගෝරා නුවර හයිපේෂියා ආර්යාව [සිංහල උපසිරැසි සමග]

දමිත් තරංග සොහොයුරාගේ ලිපිය…

මේ චිත්‍රපටයට හේතු වුන කතාව ඉතිහාසයේ එන ඇත්ත සිද්ධියක්. මෙය නිර්මාණය කරන්න මුල් වෙලා තියෙන්නේ ඇලෙක්සැන්ඩ්‍රියා පුස්තකාලය, එවකට තිබුනු විශාලතම පුස්තකාලය ක්‍රිස්තියානුවන් විසින් මුලුමනින්ම විනාසකිරීම හා ඉතිහාසයේ ප්‍ර‍ථම දාර්ශනික ගණිතඥවරිය වන හයිපේෂියා ට උරුම වුන ඛේදනීය ඉරණම යන සත්‍ය කතාව පාදක කරගනිමිනුයි. IV වන ශතවර්ශය අගභාගයේදී රෝම අධිරාජ්‍යයේ ගරා වැටීම ආරම්භ වුනා. ඊජිප්තුවේ ප්‍රාන්තයක් ඇලෙක්සැන්ඩ්‍රියාවටත් මේ බලපෑම දැනෙන්න පටන් ගත්තා. ලෝකයේ පුදුම හතෙන් එකක් යැයි සලකනු ලබන ඉතිහාස ගත ඇලෙක්සැන්ඩ්‍රියා ප්‍රදීපාගාරය සහ,ලෝකයේ ලොකුම පුස්තකාලයත් මේ බිඳ වැටීමට මුහුණ දුන්නා. ඇලෙක්සැන්ඩ්‍රියා පුස්තකාලය කියන්නේ නොයෙකුත් ආක්‍රමණ හමුවේ විවිධ ජාතීන් අතින් වරින් වර විනාශවීම් වලට ගොදුරු වුනු එකක් බව ඉතිහාසය පීරලා බලද්දී හොයාගන්න පුලුවන්. මේ පුස්තකාලය සංස්කෘතික පමණක් නොවෙයි. ආගමික සංකේතයක් වශයෙනුත් වැදගත් තැනක්. මිත්‍යාදෘෂ්ටික ආගම් විසින් ඔවුන්ගේ පාරම්පරික දෙවිවරුන්ට වැඳුම් පිදුම් කළ ස්ථානයකුත් වෙනවා. මේ වැඳුම් පිදුම් හා නගරයේ යුදෙව්වන් කරන වැඳුම් පිදුම් හා සමානව පැවතුනා. එවකට තවමත් ප්‍රචලිත නොවූ ආගමක් වන ක්‍රිස්තියානි ආගම තහනම්ව පැවතුනා.

ක්‍රිස්තු වර්ෂ හතරවන සියවසේදී දාර්ශනිකයෙක් මෙන්ම තාරකා විද්‍යාඥවරියක් වන හයිපේෂියා (Hypatia) විසින් ඇයගේ සොයා ගැනීම් පිලිබඳව තමන්ගේ සිසුන්ට උගන්වනවා. ඇයට හිතින් පෙම් කරන දෙන්නෙකුත් මේ අතර ඉන්නවා. ඇයගේ වහල් සේවකයා විදිමට ඉන්න ඩේවුස් (Davus) නමැති වහලා සහා පන්තියේ ඉගෙන ගන්න සිසුවෙක් වෙන ඔරෙස්ටස් (Orestes) කියන දෙන්නා තමයි ඒ. ඔරෙස්ටස් ප්‍රසිද්ධියේ ඇගේ සිත දිනාගන්න උත්සාහ කරන අතරෙදි ඇයට වෙන්වු වහල් සේවකයා සිතෙන් ඇයට පෙම්කරනවා. ඒත් ඇය පෙම් තරන්නේ එකම එක දේකටයි. ඒ තමයි තාරකා විද්‍යාව. නමුත් ටික කලක් යද්දී ආගම් අතර ගැටුම් ඇවිලෙන්න යනවා. මිත්‍යා ආගම් හා ක්‍රිස්තියානි ආගම් අතර ගැටුම් ඇති වෙද්දී ඇගේ පියා එයින් මිය යනවා. ඇයට තාරකා විද්‍යාව සම්බන්ධ අධ්‍යන කටයුතු වල නියැලෙන්න බාධා ඇතිවෙනවා. ඇයගේ ක්‍රියාකාරකම් දකින අය විසින් ඇයව මායාකාරියක්, දෙවියන්ට භක්තියක් නැති කෙනෙක් කියලා චෝදනා කරනවා. ඒ කාලෙදි වෙනස් අන්දමක දැනුමක් හොයාගෙන ගිය ඇයව මිනිස්සු දැක්කේ අන්න ඒ විදිහටයි. මායාකාරියක්, දෙවියන්ට භක්තියක් නැති කෙනෙක් කියලා ඇයව ඇය ගල් ගසා මරුමුවට පත් කරන්නේ ඉහත චෝදනා වලින් ඇයට නිදොස් වෙන්න බැරි වුන නිසා. නමුත් ඇය ඇත්තටම විද්‍යාඥවරියක් මිස වෙන කෙනෙක් නෙමෙයි.

IMDB දර්ශකයේ අගය 7.2ක් අරගත්ත මේ චිත්‍රපටය ගැන ඒ විස්තරය සටහන් කලේ ඉතිහාස කතාවක් බලද්දී ඒ සිද්ධි වල ඇත්ත විත්ති දැන ගෙන ඉන්නම ඕන. නැත්නම් බලන චිත්‍රපටය කිසිම රසයක් නැති එකක් බවට නිතැතින්ම පත්වෙනවා. 2009 වගේ කාලෙක ආපු පැය දෙකක් පුරා දිව යන ටිකක් පරණ චිත්‍රපටයක් වුනත් තමන්ගේ කාලය අපතේ යවන්නේ නැතිව බලන්න පුලුවන්. සැබෑ ඉතිහාස කතාව ඒ ස්වරෑපයෙන්ම ආවර්ජනය කරලා තියෙනවා කියලා බය නැතුව කියන්න පුලුවන්.

 

චමිදෙවා සොහොයුරාගේ ලිපිය…

පෘතුවිය ක්‍රියාකරනා හැටි හොයන ගැහැණියක්….
ඇයට සිතෙන් පෙම්බඳින ඇගේම වහල් සේවකයෙක්…. ඇයට උරුමකම් කියන කුමාරයෙක්….

මේ ඔක්කොම ජීවත් උනේ රෝම ඊජිප්තුවේ ඇලෙක්සැන්ඩ්‍රියාවල ක්‍රිස්තු වර්ෂ 400 විතර අතීතයේ. දාර්ශනික හා තාරකා විද්‍යාඥයෙක් ලෙස ප්‍රකට කාන්තාවක් වන Hypatia ගැනතමයි කතාව ගලා යන්නේ. ඇගේ පියාගේ අඩිපාරෙම යමින් තාරකා විද්‍යව උගන්වමින් ගවේශණ කටයුතු වල නියලෙන අතර ඇගෙන් ඉගන ගන්නා ඩ්ෆ්ග් කුමරු ඇගේ සිත දිනාගන්න උත්සාහ කරනවා. ඒ අතර ඇයට වෙන්වු වහල් සේවකයා සිතෙන් ඇයට පෙම්කරනවා. නමුත් මේ සියල්ල කණපිට පෙරලෙන්නේ ආගම් අතර ගැටුම් ඇතිවෙන්න ගත්තයින් පස්සෙයි.

එදා ආගම්වල බලපෑම මත විද්‍යාඥයන්ට විඳින්නට උන බාධාවන් ඇයටද උරුම වන හැටි බලන්න නම් බාගන්න වෙනවා….

ඔස්කාර සම්මාන දිනාගත් Rachel Weisz හා Max Minghella, Oscar Isaac රංගනයෙන් එකතුවෙන, IMDb වල 7.3/10 ගත්ත මේකත් ඔයාලගේ සිනමා එකතුවට අරගන්න.

 

 

 

Due to copyright issues, we do not provide any torrent links.

මෙම ලබා දී ඇති උපසිරසි BR පිටපත සඳහා අදාළ වේ.

7,257 downloadsDownload Agora-2009.zip41 KB

https://d36zzuvfojr38z.cloudfront.net/wp_content/uploads/2017/09/Damith-Rathnayake.gif මේ ලබා දී ඇති සිංහල උපසිරැසි පිළිබද “දමිත් තරංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2012-02-17
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.