Andhaghaaram (2020) Sinhala Subtitles | අද්භූත දුරකථනය. [සිංහල උපසිරසි]

සුභ දවසක් වේවා බයිස්කෝප් සිංහලෙන් රසික රසිකාවියනි.! විශේෂයෙන්ම දමිළ සිනමා රසික රසිකාවියන් පුන පුනා බලා සිටි තවත් අපූරු වගේම උසස් රසවින්ඳනයක් ලබාගන්නට පුලුවන් වේවි යැයි විස්වාසය පෙරදැරි කොටගෙන නොඉවසිල්ලෙන් බලාගෙන සිටි Horror, Mystery, Thriller වර්ගීකරණයට අයත් දමිළ සිනමාපටයක සිංහල උපසිරැසි නිර්මාණයක් සමඟිනුයි අද මා මෙලෙසින් වෙබ් අඩවියට වෙත පිය මනින්නේ.! එසේනම් තවත් කතා නැතුව අපි බලමු චිත්‍ර‍පටිය ගැන පොඩි විස්තරයක්.!

දමිළ සිනමා රසික රසිකාවියො කවුරුත් දන්න කෙනෙක් තමයි ජනප්‍රිය සිනමා අධ්‍යක්ෂක Atlee Kumar කියන දකුණු ඉන්දීය දමිළ සිනමාවම  විටින් විට හොල්ලන චරිතය.ඔහුගේ වැඩ ගැන තවත් මතක් කරලා දුන්නොත් බයිස්කෝප් සිංහලෙන් අපද සිංහල උපසිරැසි ලබාදී තිබෙන ඔහු අධ්‍යක්ෂණය කර තිබෙන Raja Rani 2013,Theri 2016,Mersal 2017,Bigil 2019  යන සිනමා පටයන් හතර දක්වන්නට පුලුවන්.! ඔබ දමිළ සිනමා රසිකයකු නම් මේ වෙද්දි ඉහත සිනමාපටයන් හතරම නරඹලත් ඇති. නමුත් අද මා සිංහල උපසිරැසි නිර්මාණය කරගෙන ආ මේ  Andhaghaaram 2020   සිනමා පටයේ නිෂ්පාදනය සිදුවුනේ ඔහුගේ අතින් හැබැයි අධ්‍යක්ෂණය නම් සිදුවුනේ  V. Vignarajan කියන  අධ්‍යක්ෂකවරයාගේ අතින් මුලින්ම චිත්‍ර‍පටියේ නිෂ්පාදකවරයා ගැන කියන්න හේතුවනම් උනේ මේ අධ්‍යක්ෂකතුමාගේ පලවෙනි සිනමා නිර්මාණය මේ චිත්‍ර‍පටය නිසාත් Atlee Kumar වගේ ප්‍ර‍වීණයෙකු යටතේ නිර්මාණය උන මේ සිනමාපටය  කිසිදු සැකයකින් තොරව හොඳ රසවින්ඳනයක් ලබාගන්නට පුලුවන් එකක්ය යන කරුණු කාරණා පැහැදිලි කර දීම සඳහාත්ය.! කෙසේ නමුත් අධ්‍යක්ෂකවරයාගේ පලවෙනි සිනමා නිර්මාණය මෙයද කියා ඔබත් මවිතවනවා නොඅනුමානයි ඒ තරම්ම උසස් මට්ටමට ඇතැම් සිනමාපට වල මෙන් අවසානය ගැන මුල සිටම කිසිම නිර්ණය කිරීමක් කිරීමට නොහැකි වන ලෙස ප්‍රේක්ෂකයා ඇද බැඳ තබාගන්නට මේ චිත්‍ර‍පටයේ අධ්‍යක්ෂණය වගේම රචනයද කල V. Vignarajan සමත් වෙලා තියෙනවා යැයි මා කියනා කාරණාවට චිත්‍ර‍පටිය බැලුවොත් ඔබත් එකඟ වේවි. 

චිත්‍ර‍පටයේ නිෂ්පාදකවරයා සහ අධ්‍යක්ෂකවරයා ගැන කීවාට පසු මෙහි ප්‍ර‍ධාන චරිතය රඟදක්වන මෑතකදි දමිළ සිනමාවේ දැඩි ලෙස කතාබහට ලක්වුන නළුවකු වන Arjun Das ගැන නම් කතා නොකරම බෑ. ඇත්තෙන්ම කිව්වේ දමිළ සිනමා ක්ෂේත්‍ර‍ය මෙන්ම දමිළ සිනමා රසිකයින් පවා ඔහුව අඳුනන්නේ ‘අන්බු’ කියන නමින් මා ඉහත කීවාක් මෙන් ඔහු ගැන වැඩි වශයෙන් කතාබහට ලක්වුනේ ඔහුට ‘අන්බු’ යන නාමය පවා ලැබුනේ පසුගිය වසරේ මහත් පෙරලියක් කල කාර්ති සිවකුමාර් විසින් ප්‍ර‍ධාන චරිතය රඟදැක්වු Kaithi 2019 දමිළ සිනමාපටය නිසාවෙන් එම චිත්‍ර‍පටයේ මැනැවින් ප්‍ර‍තිවීර චරිතය නිරූපණය කල ඔහු දමිළ සිනමා ක්ෂේත්‍රයේ මහත් ආන්දෝලනයක් ඇති කලා! ඔබ Kaithi 2019 බලපු කෙනෙක් නම් එය ඔබත් හොඳාකාරවම දැක ගන්නට ඇති. ඉතාමත් හොඳින් තමන්ගේ චරිතය සහ භූමිකාව වටහාගෙන චිත්‍ර‍පටයට හොඳ සාධාරණයක් ඉෂ්ට කිරීමට සහ ඔහුගේ රංඟනය පිළිබඳව බලාපොරොත්තු තබාගෙන සිටි තම ප්‍රේක්ෂකයින්ගේද සිත් පිනවීමට Arjun Das නොහොත් ‘අන්බු’ සමත්වී තිබෙන බව පැහැදිලිවම කිවයුතුයි.

නිෂ්පාදක,අධ්‍යක්ෂක,ප්‍ර‍ධාන නළුවා යන ත්‍රිත්වය ගැන ඉහත ජේද වලින් කතා කරාට මේ චිත්‍ර‍පටයේ සාර්ථක්වය උරදුන් තවත් පිරිසක් සිටිනවා නම් ඒ තමයි සෙසු රංඟන ශිල්පීන් ඔවුන්ද තම තමන්ගේ චරිතයන් පිළිබඳව හොඳ අවබෝධයක් ලබාගෙන ඉතාමත් දක්ෂ ලෙසින් තම චරිතයන්ට උපරිම සාධාරණයක් ඉෂ්ටකර තිබෙන අනිවාර්යෙන්ම කිවයුතු අතර මේ වන විට අන්තර්ජාලයේ පවා ඇති Reviews වලින්ද ඒ බව මැනැවින් ඔප්පුවී තිබෙනවා. තවද පසුබිම් සංගීතය,ආලෝකකරණය,තිර රචනය යන අංගයන් වලටද මේවන විට සමාජජාලා මාධ්‍යන්හිද හොඳ ප්‍ර‍තිචාර ලැබෙමින් පවතිනවා. මා ලිපිය ලියන මේ මොහොත (වේලාව උදෑසන 8.22 යි) වන විට චිත්‍ර‍පටය නිකුත් වෙලා දින දෙකක්වත් ගතව ගොස් නැති නමුත් මනාප 670 ක් ලබාගෙන IMDb අගය 10/8.3 ක් ලබාගැනීමට සමත් වෙලා තිබෙනවා.ඒ කෙසේ නමුත් මේ වන විට ලොවපුරා පවතින කොවිඩ් 19 වසංගත තත්වය හමුවේ මේ සිනමාපටයද සිනමා ශාලවලට නිකුත් නොකර ඉඳුරාම Netflix හරහා නිකුත් කිරිමට නිෂ්පාදන කණ්ඩායම කටයුතු කර තිබෙනවා.

සුපුරුදු පරිදි සිනමාපටය ආශ්‍රිත කරුණු කිහිපයක් අදත් ඔබට ඉදිරිපත් කලා, චිත්‍ර‍පටයේ අඩංගු කතාව ගැන නම් මුකුත් කියන්නට බලාපොරොත්තුවක් නෑ,එහෙම කිව්වොත් ඔබගේ රසවින්ඳනයටත් එය බාධාවක් වෙන නිසා,චිත්‍ර‍පටය ගැන පොදුවේ යමක් කියනව නම් Horror, Mystery, Thriller යන වර්ගීකරණයට අයත් චිත්‍ර‍පටයක් සමාජජාලා මාධ්‍යන්හි චිත්‍ර‍පට ඇතැම් චිත්‍ර‍පට විචාරකයින් මෑතකදී නිර්මාණය වූ, මේ වසරේ නිර්මාණය වූ හොඳම Thriller සිනමාපටයක්ය ආදී වශයෙන් Andhaghaaram 2020 පිළිබඳ අදහස් දක්වනවා.චිත්‍ර‍පටය කිසිම කම්මැලිකමකින් තොරව බලන්න පුලුවන් එකක් කියලත් මතක් කරලා දෙනවා වගේම මේ කාල වකවානුවේ පැමිණි බහුතරයක් චිත්‍ර‍පට හා මෙය සංසන්දනය කරද්දි පැය ‍02 යි විනාඩි 51 ක ධාවන කාලයකින් සමන්විත මෙය ඔබට මීට පෙර වර්ෂ වල මෙන් සුපුරුදු සිනමා රසවින්ඳන අත්දැකීමක් ලබාදේවි යැයි මා විස්වාස කරනවා.! එසේ නම් සිංහල උපසිරැසිය දැන් ඔබට බාරයි චිත්‍ර‍පටය බලලා සිංහල උපසිරැසිය ගැන ඔබගේ අදහස් උදහස් පහල කමන්ට් තීරුවේ දක්වනවා නම් අගය කරනවා. තවත් සිංහල උපසිරැසි නිර්මාණයක් සමඟින් හමුවීමේ බලාපොරොත්තුවෙන් අදට මා සමුගන්නවා..

” The Devil Is In The Details.! ”
ඔබ සැමට කඳ සුරිඳු පිහිටයි.!

 

 

 

Due to copyright issues, we no longer provide any torrent links.

ලබා දී ඇති උපසිරැසි TRUE HD පිටපත් සඳහා අදාළ වේ.

17,246 downloadsDownload ANDHAGHAARAM-2020.zip77 KB

මේ ලබා දී ඇති සිංහල උපසිරැසි පිළිබද “M.T.R. තරිදු රුක්ෂාන් පෙරේරා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

GOLD MEMBER
JOINING DATE – 2015/10/16
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.