Assault on Precinct 13 (2005) | වැටත් නියරත් ගොයම් කා නම්..

මේ ෆිල්ම් එක පටන් ගන්නේ මෙහෙමයි..ජැක් රොයෙනික් හා තවත් දෙදෙනෙක් සාමාන්‍ය පුද්ගලයන් මෙන් සිට මත්ද්‍රව්‍ය වෙලෙන්දෙක් ව අත් අඩංගුවට ගැනීමට සැරසෙනවා..නමුත් එම මත්ද්‍රව්‍ය වෙලෙන්දා මොවුන් පොලිසියෙන් බව අඳුර ගෙන වෙඩි තබනවා.අවාසනාවන්ත ලෙස මේ අවස්ථාවේදි ජැක් ගේ සගයන් දෙදෙනා  මිය යනවා.

ඉන් මාස 8 කට පසුත් ජැක් මෙම සිදුවීමට වලක්වා ගැනීමට නොහැකිවීම නිසා එය අමතක කිරීමට වේදනා නාශක පෙති ගනිමින් සිටිනවා. දැන් ඔහු සේවය කරන්නේ තරමක් ජනශුන්‍ය පෙදෙසක වන අතර අලුත් අවුරුදු උදාවට පෙර දිනයේ බොහෝ පොලිස් නිලධාරින් නිවාඩු ගොස් ඇතිඅතර සේවයේ සිටින්නේ ජැක් සමග තවත් සුලු පිරිසක්. මේ අතර වෙනත් ප්‍රදේශයක අපරාධ කිහිපයකට වැරදිකරුවකු වූ පුද්ගලයෙකුව අත් අඩංගුවට ගන්නා අතර ඔහු හා තවත් සිර කරුවන් කිහිප දෙනෙක්ව වෙනත් සිර කඳවුරකට මාරු කර හරිමින් සිටින අතර ඇතිවෙන දරුණු හිම කුණාටුවක් නිසා මෙම පොලිස් ස්ථානයට රැගෙන එනවා. නමුත් පසු දිනට පහන් වීමටත් ප්‍රථම මෙම පොලිස් ස්ථානයට පහර දීමට පිරිසක් පැමිණෙනවා. ඔවුන් පහර දෙන්නේ ඇයි? ඔවුන් කවුද කියා එලිවූ විට මෙය අමුතුම සටනක් බවට පත් වෙනවා.  ඔබත් බලන්න

ලිපිය – රොයිලි ප්‍රනාන්දු