Labor Day (2013) with Sinhala Subtitles | ප්‍රේමයක් වූ අහඹුව…. [සිංහල උපසිරසි සමඟ]

ජීවිතයක් වෙනස් වෙන්න මහා ලොකු වෙලාවක් යන්නේ නැහැ. ඒකට එක තත්පරයක් හොඳටම ඇති. ඒ වෙනස හොඳට වුණත් එහෙමත් නැත්තම් නරකට වුණත්….

මං ඇඩෙල්. අවුරුදු 12ක දරුවෙක් එක්ක තනිවුණු අම්මා කෙනෙක්. එක හේතුවක් නිසා මගේ මහත්තයා මාව දාලා යන්න ගියා. එදා ඉඳන් මගේ ජීවිතේ සොහොන් පිටියක් වගේ වුණා. හැමදේම නීරස වුණා. හුස්ම වැටෙන නිසා ජීවත් වුණා මිසක් ජීවත් වෙන්න තරම් කිසිම බලාපොරොත්තුවක්, ආශාවක් තිබුණේ නැහැ. සමාජයට මං බය වුණා. ගොඩක්. ඇත්තටම කිව්වොත් මං ගෙදරින් එළියට බැස්සෙත් මාසයටම එකම එක වතාවයි. ගෙදරට ඕන කරන බඩුමුට්ටු ගේන්න ඕන නිසා.

ඒ වගේ දවසක, මගේ ජීවිතේ අලුත් වෙනසකට මුල පිරුවා. ඒත් ඒකේ ආරම්භය සුන්දර වුණේ නම් නැහැ. සුපුරුදු විදිහට කටුකයි. එදා අපි එද්දී හිරගෙදරින් පැනපු දරුණු මිණිමරුවෙක් අපිට තර්ජනය කරලා අපේ ගෙදරට රිංග ගත්තා. ඇත්තටම කිසිම රැකවරණයක් නැතිව අපි ගොඩක් අසරණ වුණා. ඒත් කරගන්න කිසිම දෙයක් නැති තැන අපි දෙන්නට සිද්ධ වුණේ බලාගෙන ඉන්න එක විතරයි. හැබැයි එයා අපි දෙන්නට කිසිම කරදරයක් කරේ නම් නැහැ.

හොඳට හෝ නරකට හෝ වෙන්නැති, පොලිස් සෝදිසිකිරීම් නිසා එයා බලාපොරොත්තු වුණු විදිහට එළියට පැනගන්න බැරිවුණා. තවදුරටත් එයාට අපි එක්කම අපේ ගෙදර ඉන්න සිද්ධවුණා. හැබැයි එයා අපිට කරදරයක් වෙනවා වෙනුවට අපිට සහනයක් වුණා. මං දන්නේ නැහැ, එයාට තිබුණු බය, පිළිකුල අපෙන් ටික ටික ඈත් වෙලා ගියා. හැමදේම සාමාන්‍ය විදිහට ගෙවිලා යද්දී, ජීවිතේ පාළුව නැති වෙලා අලුත් පාටක් එකතු වෙනවා වගේ මට දැනුණා. මට විතරක් නෙමයි, මගේ පුතා හෙන්රිටත් එහෙම දැනෙන්න ඇති. මම දන්නේ නැහැ, ඇයි කියලා, ඒත් අපි එයාට ගොඩක් ළංවුණා. මං එයාටත් එයා මටත් ආදරය කරන්න පටන් ගත්තේ අපිටත් නොදැනීමයි. ජීවිතේ ලස්සන වෙන්න පටන් ගත්තා. සතුට අපි ළඟටත් ආවා. ඒත් අපි එහෙම ජීවත් වුණේ මුළු ලෝකෙටම හොරෙන්, බයෙන්. මේ ආදරය නැති කරගන්න මට බය හිතුණා, ලෝභ හිතුණා. ඒත්… ඒත් ඒ සතුට, ආදරය දිගටම අපිට විදින්න දෙන්න තරම් මේ ලෝකේ කාරුණික වුණාද….???

ජාත්‍යන්තර සිනමා දර්ශකය තුළ 6.9ක අගයක් සටහන් කරමින් 2013 වසරේ තිරගත වූ සොඳුරු සලරුවකි Labor Day. අපි කවුරුත් දන්නා Kate Winslet වගේම Josh Brolin, Gattlin Griffith, Tobey Maguire ප්‍රධාන චරිත වලට පණ පොවයි. Golden Globe සම්මාණයකට හා තවත් සම්මාන දෙකකට නිර්දේශ වී ඇති මෙම සලරුව අධ්‍යක්ෂණය කර ඇත්තේ Jason Reitman විසින්ය. ඔබ Drama, Romance ගණයේ චිත්‍රපටි ප්‍රිය කරන අයෙක් නම් මෙය අනිවාර්යෙන් නැරඹිය යුත්තක් බවයි මගේ නම් අදහස.

 

 

 

Due to copyright issues, we do not provide any torrent links.

 

Labor Day (2013) 720p BrRip x264 – YIFY
Download Labor Day (2013) 1080p BrRip x264 – YIFY

මෙම ලබා දී ඇති උපසිරසි ඉහත පිටපත සඳහා අදාළ වේ.

2,400 downloadsDownload Labor.Day_.2013.baiscopelk.zip69 KB

 

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “මයුර සුරාජ්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.