Men of Honor (2000) Sinhala Subtitles | සිහිනය ජීවිතය කරගත් මිනිසකුගේ සත්‍ය කතාවක් [සිංහල උපසිරැසි සමග]

සුරංග ජයසේකර සොහොයුරාගේ ලිපිය

මේකේ ප්‍රධාන චරිතය වෙන්නෙ,කලු ජාතිකයෙක් වුණු කාල් බ්‍රශියර්. ඉපදුනේ 1931 ජනවාරි 19. ඇමරිකාවෙ කෙන්ටකී කියන ප්‍රාන්තයෙ.ඉතින් මේ කාලෙ කලු ජාතිකයන්ට සමාජෙ තිබුණ පිළිගැනීම ගැනනම් ඔයාලට හිතාගන්න පුලුවන් ඇති. වහලුන් විදියට තමා සැලකුවෙ.කොහොම උනත් කාල්ට පුලුවන් වෙනව 1948 පෙබරවාරි 25 ඇමරිකානු රාජකීය හමුදාවට බැඳෙන්න.කලු ජාතිකයන්ටනාවික හමුදාවේ කරන්න තියෙන්නෙත් ඉතින් වහල් වැඩම තමා ඉතින්.වැදගත්ම දේ තමා,කාල් හමුදාවට බැඳෙන්න ගෙදරින් එද්දි කාල්ගෙ තාත්ත කාල්ට කියනදේ.U.S.S. hosit කියන නැවේ කාල් කෝකියෙක් විදියට ඉන්න කාලෙ තමයි කාල්ගෙ මේ සිහිනය කාල්ගෙ හිතට ඇතුල්වෙන්නෙ. මාස්ටර් චීප් බිලී සන්ඩේ….ඔහු කිමිදුම් කරුවෙක්.කිමිදුම් කරුවෙක් කියන්නෙ නාවික හමුදාවෙ අමාරුම වaත්තියක්.කොච්චර අමරුද කියල film එක බලද්දි තේරුම්ගන්න පුලුවන්. ඉතින් මෙන්න මේ බිලී සන්ඩේ කියන චරිතෙ නිසා කාල්ට ඕන වෙනව කිමිදුම් කරුවෙක් වෙන්න. ඒත් ඉතින් කලු ජාතිකයෙක් නිසා කාල්ට කිමිදුම් කරුවෙක් වෙන්න තියා, එයාල නාන්නෙ කවද්ද කියන එකත් තිරණය කරන්නෙත් නේවි එක.කොහොම උනත් කාල් අවසානයේ….ඇමරිකාවෙ පළමු කලු ජාතික මාස්ටර් චීප් කෙනෙක් වෙනව කිමිදුම් කරුවෙක් විදියට. (the first African-American U.S. Navy Master Diver) ඒ වගේම කකුලකුත් අහිමි වෙලා තමයි කාල්ට මේ සිහිනය සැබෑ කරගන්න වෙන්නෙ.එතෙන්ට ළඟා වෙන්න කාල්ට පුලුවන් වෙන්නෙ බිලී සන්ඩේ නිසා. කාල්ගෙ පුහුණුකරු වෙන්නෙත් බිලී.බිලී කියන්නෙ නේවි එකටත්,බිලීගෙ බිරිඳටත් එපාම කරපු බේබද්දෙක්. කොහොම උනත් අද අපිට men of honor කියල film එකක් බලන්න තියෙන්නෙ බිලී සන්ඩේ නිසා කියලයි මට හිතෙන්නෙ. තව කිව්වොත් බලන්න දෙයක් නැතිවෙයි.කොහොමද කාල්ගෙ කකුල නැතිවෙන්නෙ? කොහොමද බිලී,කාල්ව පුහුණු කරන්නෙ? film එක පුරාවටම කාල්ට කරන අගෞරව,අවසානෙට කොහොමද කාල් “ගෞරවණීය මිනිසෙක් ” වෙන්නෙ? කියල film එක බලල රසවිඳින්න.

IMDB දර්ශකයේ 7.2ක අගයක් ලබාගෙන තියෙනව.Scott Marshall Smith රචනය කරන මෙය අධ්‍යක්ෂණය කරන්නෙ George Tillman Jr. කියුබා ගුඩින් තමයි කාල්ගෙ චරිතයට පණ පොවන්නෙ.ඔයාටත් ඔයාගෙ සිහිනයට යන්න හොඳ අධිෂ්ඨානයක් ඇතිකරගන්න පුලුවන්වෙන, ඔබටත් “ගෞරවණීය මිනිසෙක් ” වෙන්න පාරක් කපාගන්න පුලුවන්වෙන සුපිරි film එකක්.

 

හේමාල් සිල්වා සොහොයුරා විසින් පෙර පළකරන ලද ලිපිය

බරක් ඔබාමා, ඇමරිකානු ජනාධිපතිවරු අතරින් වැඩි කතා බහට ලක්වුනා. ඒ ඔහු කළු ඇමරිකානුවෙක් වීම නිසයි. මෙම චිත්‍රපටියේ කතා නායකයත් කළු ඇමරිකානුවෙක්. ඔහුත් ඇමරිකාවේ ගොඩක් කතා බහට ලක්වුනු චරිතයක්. සත්‍යය කතාවක් ඇසුරින් නිර්මාණය වු මෙය ශ්‍රේණිගත කිරීමට අනුව 6.8/10 අගයක් ලබාගන්න සමත් වුනා. මේ චිත්‍රපටිය නරඹන ඕනෑම කෙනෙකුගෙ හිතට ‘සිත ඇත්නම් පත කුඩාද?’ යන පැරණි කියමන නිතැතින් ගලා එන එක නොඅනුමානයි.

“History is made by those who break the rules” යන පාඨය තේමා කරගත් මෙම චිත්‍රපටියේ කතාව පිළිබදව කෙටියෙන් ගෙනහැර දක්වනවනම් මෙන්න මෙහෙමයි…කාල් බ්‍රෂිය, 1948 ඇමරිකාවේ කෙන්ටර්කි ප්‍රාන්තයේ උපන් වෘත්තියෙන් අඳ ගොවියෙක්. ඔහුට ඕන වෙනවා තම ජිවිත චර්ය්‍යව වෙනස් කරගන්න. එහෙම හිතලා ඔහු ගිහින් බැඳෙනවා නාවික හමුදාවට. එහිදි ඔහු අධිෂ්ඨාන කරගන්නවා, තමා ප්‍රථම අප්‍රිකානු ඇමරිකානු නාවික කිමිදුම් කරුවා වෙන්න ඕන කියලා. කවදා හරි ප්‍රධාන නාවික කිමිදුම් කරුවත්(Master Diver) වෙනවා කියලා. ඔහොම හිතපු කාල්ට අනිතිමට තම ඉගෙනීමෙ කටයුතු සදහා යන්න වෙනවා නිව් ජර්සි වල බෙයොන්නෙ නාවික සහ කිමිදුම් පාසලට. ඔහු තමයි ඉන්න එකම කළු ජාතිකය. එහිදි ඔහුගෙ ප්‍රධාන උපදේශකයා තමයි බිලි සන්ඩේ. එහෙත් පාසලේ ප්‍රධානියාගෙන් බිලීට උපදෙස් ලැබිලා තියෙන්නෙ කොහොම හරි කාල් බ්‍රෂියව අසමත් කරන ලෙසයි. මේ චිත්‍රපටිය නරඹන ඕනෑම කෙනෙකුට මතකයෙ හිටින අවස්තා දෙකක් තියෙනව. පළමු අවස්තාව නම්, මේ පාසලේදි ඔවුන්ට පරීක්ෂණයක් පවත්වනවා. ගලවපු මෝටරයක් අඩුම කාලයකින් වතුර යට ඉදන් හදලා ගොඩට එවන එක. ඉතින් කාල්ටත් මේකට මූණදෙන්න සිදුවෙනවා, අනිත් සුදු ජාතිකයනුත් එක්ක. මෝටරය හදන්න උවමනා ආම්පන්න බෑගයක දාලා වතුර යටට ලබා දෙනවා. එත් කාල්ව කොහොම හරි අසමත් කරන්න ඕන නිසා අම්පන්න මල්ල කපලා වතුරෙ සී සී කඩ විසි කරනව. අනිත් අය පැයෙන්, දෙකෙන් හදලා උඩට එවද්දි කාල්ගෙ මෝටරය විතරක් උඩට එන්නෙ නැහැ. පැය 9ක් වතුර යට ඉදන් අර මෝටරය හදලා උඩට එවන්නේ තමන් ගේම අතහරින්නෙ නැති බව අනිත් අයට අගවමිනුයි.

ඔහොම නාවික කිමිදුම් කරුවෙකු ලෙස කටයුතු කරද්දි, ඔහුට පැවරෙනවා මුහුදු පතුලේ තියෙන පරමාණු බෝම්බයක් හොයන්න. මෙහිදි සිදුවෙන අනතුරකින් ඔහුගේ පාදයක් අහිමි වෙනවා. දැන් මොකද කරන්නෙ ? කකුලක් නැතුව ප්‍රධාන කිමිදුම් කරුවා වෙනවා තියා, සේවයේ නියැලෙන්නටවත් අවස්තාවක් නැහැ. එත් කාල් ඔහුගේ අරමුණ කීයටවත් අකුල ගන්න ලෑස්ති නැහැ. ඉතින් ඔහු නැවතත් පූර්ණ සේවයට යොදවන්න කියලා ඉල්ලනවා. බළධාරීන් කියා සිටිනවා සේවයේ යොදවන්න නම් ශාරීරික යොග්‍යයතාවය ඔප්පු කරන්න කියල. ඉතින් කකුලක් නැතුව දුර්වල වූ ඔහුගේ සිරුර යලි පන ගන්වන්න තමයි ඔහුගේ දැන් අරමුණ. කෙසෙවෙතත් ඔහුට සිදුවෙනවා තම සේවය ලබා ගන්න යුධ අධිකරණයක් ඉදිරියේ තම යෝග්‍යයතාවය ඔප්පු කරන්න. මෙහිදි ඔහු තබන පියවර 12 චිත්‍රපටිය නරඹන්නන්ගේ මතකයෙහි රැදෙන දෙවැනි අවස්තාවයි.

කතාව එහෙන් මෙහෙන් කියුවත් චිත්‍රපටිය නැරඹුවොත් ඔයාලටත් හිතේවි මෙහෙම චරිතත් ලෝකයෙ හිටියා කියලා. ඉතින් අවසානයේදි කාල් තම අරමුණවූ ඇමරිකාවේ ප්‍රධාන කිමිදුම්කරු වු ප්‍රථම කළු ජාතිකයා ( first African American Master diver ) යන නාමය තම නමට ඉදිරියෙන් ලියගන්න හැකි වුනාද කියල දැනගන්න මේ චිත්‍රපටිය බලන්න. Georage Tillman Jr.විසින් අධ්‍යක්ශණය කල මෙහි, කාල් බ්‍රෂිය ලෙස Cuba Gooding Jr. චරිත නිරූපනය කරයි. ඉතින් පැය එකා හමාරක් එකසේ රස විදිය හැකි මෙම චිත්‍රපටිය නරඹලා ඔයාලගෙ අදහස් උදහස් දැනගන්නත් එක්කලා පොඩි කොමෙන්ට් එකකුත් දාගෙනම යන්න.

 

 

 

Due to copyright issues, we do not provide any torrent links.

ලබා දී ඇති උපසිරසිය BR පිටපත සඳහා අදාළ වේ.

4,597 downloadsDownload Men.of_.Honor_.2000.zip44 KB

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “සුරංග ජයසේකර” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

NEW MEMBER
JOINING DATE – 2017-12-01
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.