Minari (2020) Sinhala Subtitles | බලාපොරොත්තුවේ චාරිකාව. [සිංහල උපසිරසි]

අපේ ජීවිතේ අපිට කොච්චර ප්‍රශ්න වලට මුහුණ දෙන්න වෙනවද, ඒ ප්‍රශ්නත් එක්ක අපි ජීවිතේ කොහොමද ගෙනියන්නෙ. උදේ වැඩට ගිහින් හවස ගෙදර ඇවිත් ආයෙත් පහුවදා උදේ වැඩට යනව. මේකනෙ අපේ ජීවිතේ. ඒ උනාට ජීවිතේ මීට වඩා තේරුමක් තියෙන්න ඕනෙ නේද? ආදරය, කරුණාව, දයාව මේව කෝ දැන්? මේ දේවල් නැතුව අපිට ජීවත් වෙන්න පුළුවන්ද? මේ හැමදේම ගැන අපේ හිතට ගොඩාක් සරලව දුන්න කනේ පාරක් කියල Minari චිත්‍රපටිය හඳුන්වා දෙන්න පුළුවන්. ඒ වගේම දුවන්නන් වාලෙ දුවන මිනිස් ජීවිත වලට දුන්න හොඳ පාඩමක්.

මෙවර ඇකඩමි සම්මාන උළලෙදි (Oscar) හොඳම චිත්‍රපටිය, හොඳම අධ්‍යක්ෂණය, හොඳම නළුවා ඇතුළු තවත් සම්මාන කිහිපයක් සඳහාම නිර්දේශ වුනා වගේම මේකෙ ආච්චි අම්මට පන පොවන Youn Yuh-jung හොඳම සහය නිළිය සම්මානය දිනා ගැනීමටත් හැකි වුනා. පොඩි අයට දෙන සම්මානයක් තිබ්බ නම් මේකෙ David ගෙ චරිතයට පන දෙන Alan S. Kim ට අනිවාර්යෙන් ඒ සම්මානය ලැබෙනව. එයාගෙ රංගනය ඒ තරම් තාත්විකයි. ඒ වගේම ලොව පුරා සම්මාන උළෙලවල් වලදී සම්මාන 54ක් වගේම 142 වතාවක් සම්මාන සඳහා නිර්දේශ වී තිබෙනවා. මනාප 47,523 කින් IMDB අගය 7.5ක් කරකවාගෙන කුණු තක්කාලි අගය 98% ක අසම සම අගයක් ලබා ගැනීමටත් මෙය සමත්ව තිබෙනවා. පවතින වසංගත තත්වයේ උනත් ඇමරිකන් ඩොලර් මිලියන දෙකක වියදමින් ඩොලර් මිලියන 14.75ක ආදායමක්ද හිමි කර ගැනීමටද හැකියාව ලැබුනා. මෙච්චර විස්තර කියන්නෙ මේ චිත්‍රපටිය කොයි තරම් හොඳ නිර්මාණයක්ද කියල ඔයාලට කියන්න ඕන නිසා.

කතාව අයිති වෙන්නෙ Drama ගණයට. කතාව කැරකෙන්නෙ එකම පවුලෙ පස්දෙනෙක් වටේ. ජේකබ් කොරියාවෙ පදිංචිය අත ඇරල තමන්ගෙ පවුලත් එක්කම ඇමරිකාවෙ පදිංචියට එනව. මොනික කියන්නෙ එයාගෙ නෝන. දෙන්න ටිකක් අඩ දබර වලට බරයි. ඩේවිඩ් කියන්නෙ එයාලගෙ පුතා. දුව ඈන්. ඇමරිකාවෙ පදිංචියට ආවට ජීවත් වෙන්න ලේසි නෑ කියල ජේකබ් තේරුම් ගන්නව. ඔය අතරෙ මොනික ගෙ අම්ම ඒ කියන්නෙ ආච්චි අම්මත් මෙයාලත් එක්ක ඉන්න එනව. එතනින් එහාට වෙන්නෙ මොකද කියල මේක බලලම දැන ගන්න. ජීවිතේට වටින පාඩම් ගොඩාක් කියල දෙන ලස්සනම ලස්සන කතාවක්.

සබ් එකේ අඩු පාඩු තිබ්බොත් සමාව ඉල්ලනව වගේම මේ වටින නිර්මාණය උපසිරැසි ගැන්වීමට අවස්ථාව ලබා දුන් සිසිල ප්‍රසාද් අයියටත් මේ වෙලාවෙ ස්තුතිවන්ත වෙනව. ලිපිය දිග උනා නම් සමාවෙන්න කියල ඉල්ලන ගමන් මේ සිනමා නිර්මාණය අනිවාර්යෙන් බලන්න කියල බයිස්කෝප් හිත මිතුරු ඔයාල හැමෝගෙන්ම මම ඉල්ලනවා.

“මිනාරි හරිම පුදුමයි!”

“මිනාරි හරිම පුදුමාකාරයි!”

 

 

Due to copyright issues, we do not provide any torrent link.

මෙම ලබා දී ඇති උපසිරැසි BR පිටපත් සඳහා අදාළ වේ.

4,346 downloadsDownload Minari-2020.zip36 KB

මේ ලබා දී ඇති සිංහල උපසිරැසි පිළිබද “සුජිත් ප්‍රියංකර” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

NEW MEMBER
JOINING DATE – 2020-05-15
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.