Phantom (2023) Sinhala Subtitles | නිදහස වෙනුවෙන් සටන [සිංහල උපසිරැසි] (50*)

Phantom (2023) Sinhala Subtitles

ආයුබෝවන් හැමෝටම! මේක තමයි මගේ 50 වෙනි උපසිරැසි ගැන්වීම. ඉතින් මේ අවුරුද්දේ සබ් කරන්න පටන් අරන්, මේ අවුරුද්දෙම පළවෙනි කඩයිමට යන්න පුළුවන් වෙච්ච එක ලොකු සතුටක්. 2023 ජනවාරි 15 වෙනිදා තමා Spiritwalker (2020) මූවි එකට සබ් කරලා වැඩේ පටන් ගත්තේ. සබ් කරන්න පුළුවන්ද කියලා අහලා මේල් එකක් දැම්මම රිප්ලයි කරලා, උපදෙස් දුන්න විමා අයියවයි, මැසේජ් එකක් දාලා මොනාහරි ඇහුව ගමන් රිප්ලයි කරන රවිදු හේෂාන් අයියවයි, හිරාන් අයියවයි, The Glory, Duty After School වගේ සීරීස් කරන්න මාවත් සම්බන්ධ කරගත්ත ඔලිව සහෝදරයවයි විශේෂයෙන්ම මතක් කරනවා වගේම ස්තූතිවන්ත වෙනවා. ඒවගේම සබ්වලට කමෙන්ට් කරලා අදහස් දක්වපු හැමෝටමත් ස්තූතියි.

පෞද්ගලිකවම මන් වැඩියෙන්ම කැමති කොරියානු සිනමාවටයි, කතාමාලාවලටයි. ඒ හින්දා සබ් කලේ කොරියන් ඒවාට විතරයි. ඉස්සරහටත් කොරියන් ඒවටම තමා උපසිරැසි ගේන්න බලාපොරොත්තු වෙන්නේ. මේ සබ් පනහේ වැඩි හරියක් තියෙන්නේ ටීවී සීරීස්. ඒවයිනුත් මන් කැමතිම එක නම් MOVING. ඔයාලත් ඔයාලගේ කැමතිම එක කමෙන්ට් කරන් යන්න. ආ තව දෙයක්.. මේකත් එක්ක මේ වෙනකම් දුන්න සබ් පනහම කොහොමද කියලත් අදහසක් කියාගෙන යන්න, ඒ අදහස් තමා මේ වැඩේ දිගටම කරගෙන යන්න ලොකු හයියක් වෙන්නේ. 

 

හරි එහෙනම් දැන් ෆිලුම පැත්තට යං. අද අරගෙන ආවේ මේ අවුරුද්දේ මුල ආපු ගින්දර ෆිලුමක් අරන්. නම තමා Phantom. කොරියානු බසින් ගත්තොත් යුර්යොන්ග්. මේ අවුරුද්දේ ජනවාරි 18 වෙනිදා තිරගත වෙච්ච මේ ෆිලුම OTT රිලීස් වුනේ නම් මේ ළගදි. බොක්ස් ඔෆිස් වාර්තා තියලා ඩොලර් මිලියන 5.2 ක් උපයන්න Phantom සමත් වුනා. Action, Thriller, Historical, Crime කියන Genres වලට අයිති වෙන මේ ෆිලුමේ තිර රචනය වගේම අධ්‍යක්ෂණයත් සිදු කරලා තියෙන්නේ Tale Of The Nine Tailed 1938 (2023) සීරීස් එකේ Chief Producer සහ Believer (2018) මූවි එකේ Screenwriter & Director වෙන Lee Hae Young විසින්.

පැය දෙකයි මිනිත්තු දහතුනක් පුරාවට ගලන් යන මේ ෆිලුම මුල ඉදන් අගටම මාරම Entertaining. Top Cast LineUp එකක් ඉන්න පට්ටම වැඩක්. කාස්ට් එකේ Performance ගත්තොත් ආයේ පර්ෆෙක්ට්. විශේෂෙන්ම Park Hae Soo බොසාගේ. මන් පෞද්ගලිකවම කැමතිම නළුවෙක් තමා Park Hae Soo. ආයේ Villain චරිත ඇතුළු ඕන චරිතයක් හම්බුනාම සුපිරියටම කරන කෙනෙක් තමා Park Hae Soo කියන්නේ. මේකෙත් බොසාගේ Top Notch Villain Act එකක් බලාගන්න පුළුවන්. ආ.. Sol Kyung Gu ගැනත් නොකියම බෑ.

කොරියානු සිනමාවේ ඉන්න ලෙජන්ඩ් කෙනෙක් කියලා හදුන්වන්න පුළුවන් කෙනෙක් තමා Sol Kyung Gu කියන්නේ. කොරියන් මූවීස් බලන කෙනෙක් නම් එයා ගැන නොදැන ඉන්න විදියක් නෑනේ. ෆීමේල් ලීඩ් දෙන්නා ගැනත් විශේෂෙන්ම කියන්න ඕනෙ. Park So Dam & Lee Hanee ❤️ මේ ෆිලුමේ පට්ටම Badass Role දෙකක් මේ දෙන්නා කරන්නේ . Top Notch Performance එක්ක Awesome Cinematography & Stylish Action එකතු වුන මුල ඉදන් අගටම Entertaining වැඩක් තමා මේක.

 

 

《CAST – රංගන දායකත්වය》

• Sol Kyung Gu – මුරයමා ජුන්ජි
• Lee Hanee – පාක් චා ක්යුන්ග්
• Park So Dam – යුරිකෝ
• Park Hae Soo – තකහරා කයිටෝ
• Seo Hyun Woo – චොන් යුන් හෝ     

 

《SUMMARY – සාරාංශය》

 

 

1933 දී ජොසොනය ජපානයේ යටත් විජිතයක්. ඔය කාලේ වෙද්දි ජොසොන්වල කලබල වැඩියි. නිදහස ලබා ගැනීම වෙනුවෙන් නිදහස් ව්‍යාපාර හරියට ක්‍රියාත්මක වුනා. (මේක මන් මේ දවස්වල සබ් කරන GYEONGSEONG CREATURE සීරීස් එකේදිත් බලාගන්න පුළුවන්) ඔන්න ඔහොම නිදහස් ව්‍යාපාර සංවිධානයක් තමා සෙවණැලි බලකාය කියන්නේ. ඒ සංවිධානේ ඔත්තුකාරයින්ව හදුන්වන්නේ යුර්යොන්ග්ලා විදියට. 

දවසක් ඔන්න ජොසොන්වලට නව ආණ්ඩුකාරවරයෙක් පත්වෙලා එනවා. ඉතින් පදවි ප්‍රාප්ති උත්සවයට මෙයා ග්යොන්ග්සොන්ග්වලට එනවා. ආණ්ඩුකාරවරයා ග්යොන්ග්සොන්ග්වලට එන දවසේ සෙවණැලි බලකාය විසින් ආණ්ඩුකාරවරයාව ඝාතනය කරන්න සැලැස්මක් හදනවා. ඒත් ඒ සැලැස්ම අන්තිමේදි අසාර්ථක වෙනවා.

 

ඉතින් මෙන්න මේකේ ප්‍රතිඵලයක් විදියට යුර්යොන්ග්ලා සේරමව මුලිනුපුටා දැමීමේ මෙහෙයුමක් ජපන් අධිරාජ්‍ය හමුදාව විසින් ක්‍රියාත්මක කරනු ලබනවා. මෙන්න මේ මෙහෙයුම භාරදෙන්නේ ආරක්ෂක ප්‍රධානි වන තකහරා කයිටෝට.ආණ්ඩුකාරවරයා ග්යොන්ග්සොන්ග්වලට එනවයි කියලා දැනන් ඉදියේ බුද්ධි අංශෙ කීපදෙනෙක් විතරයි හින්දා තකහරා එයාලගෙන් ප්‍රශ්න කරන්න එක හෝටලයකට සේරමව රැස් කරනවා. එහෙම රැස්කරන්නේ මුරයමා ජුන්ජි, පාක් චා ක්යුන්ග්, යුරිකෝ, අංශ ප්‍රධානි චොන් සහ ලී බෙක් හෝ කියන අයව. එතන් ඉදන් මුළු ෆිලුමම ගලන් යන්නේ මේ හෝටලේ ඇතුලේ. ඉතින් මේ ප්‍රශ්න කිරීම්වල ප්‍රතිඵලය මොකක් වෙයිද? ඇත්තටම යුර්යොන්ග් කවුරු වෙන්නැතිද? ඒක දැනගන්න අනිවාරෙන් Phantom නරඹන්න කියලා ආරාධනා කරනවා!

එහෙනම් 50 වෙනි කඩයිම මේ විදියට අවසන් කරනවා. අන්තිම වශයෙන් ආයෙමත් ඉල්ලන්න තියෙන්නේ කමෙන්ට් එකක් දාගෙන යන්න කියලා. එක වචනයක් හරි කමක් නෑ ඒක ගොඩක් වටිනවා. දිගටම උපසිරැසි දෙන්න ඒක ගොඩක් බලපාවි. එහෙනම් මේ ෆිලුම බලලා ඉන්නකෝ. GYEONGSEONG CREATURE සීරීස් එකේ තුන්වෙනි එපියෙන් හම්බෙමු එහෙනම්. හැමෝටම සුභ දවසක්!

 

 

 

 

Due to copyright issues, we no longer provide any torrent links.

ලබා දී ඇති උපසිරැසි WEB-DL පිටපත් සඳහා පමණක් අදාළ වේ.

15,079 downloadsDownload Phantom-2023.zip31 KB

මේ ලබා දී ඇති සිංහල උපසිරැසි පිළිබද “ නයන බුද්ධික ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය. 

 

 

Subtitle Contributor Rank

SILVER MEMBER
JOINING DATE – 2023-01-14
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.