Rebel Moon – Part One: A Child of Fire (2023) Sinhala Subtitles | දුෂ්ට අධිරාජ්‍යකට එරෙහි විප්ලවයක ආරම්භය [සිංහල උපසිරැසි] (200*)

Rebel Moon – Part One: A Child of Fire (2023) Sinhala Subtitles

හැමෝටම සුබ දවසක් වේවා කියන ගමන්ම දහස් වාරයක් සමාව ඉල්ලනවා මේ උපසිරසිය ගේන්න පරක්කු උනාට. තවත් වසරක අවසානය කිට්ටු වේගෙන එන නිසා වැඩ රාජකාරි වලින්නම් අඩුවක් වෙලා නෑ. කොහොමත් 2023 වසරට කරන අවසාන උපසිරසිය මේක කියලනම් හරියටම කියන්න පුළුවන්. ඉතිං වසර අවසාන උපසිරසියට නිකන්ම එකක් දීලත් බෑනේ නේද. ඒ නිසා ගොඩක්ම සතුටින් කියන්න දෙයක් තියෙනවා ඔයාලා උඩ දැක්ක විදියටම මේක තමයි බයිස්කෝප් කණ්ඩායම එක්ක මගේ උපසිරසි දිවියේ හතරවෙනි කඩයිම නොහොත් 200* වෙනි උපසිරසිය. ආපහු හැරිලා බැළුවොත් මම වැඩියෙන්ම උපසිරසි කරලා තියෙන්නේ මේ වසර වෙන්න ඕන. මොකද මේ අවුරුද්ද ඉවර වෙන්න කලින් කඩයිම් දෙකකටම ළඟා වෙන්න අවස්ථාව හිමිවුනා. 2018 අගෝස්තු 05 පටන් ගත්ත මේ ගමන දිහා හැරිලා බැළුවම හරිම රසවත් මතයක් රැසක් තියෙනවා. නම් වශයෙන් නොකිව්වට අපේ බයිස්කෝප් අඩවියේ සහෝදර සහෝදරියන් හැමෝටම මම මේ වෙලාවේ ස්තූතිවන්ත වෙනවා මේ කාලය ඇතුලත මට දුන්න සහයෝගයට. ස්තූති කරන්න ඕන අනිත් අය තමයි වෙබ් අඩවිය ආරම්භයේ පටන් අපිත් එක්ක ඉන්න රසික ඔයාලා. ඔයාලගේ පුංචි කොමෙන්ට් එකක් නිසා තමයි අද වෙද්දි මාත් ඇතුළු අපේ උපසිරසිකරුවෝ බොහෝමයක්ම අදටත් ක්‍රියාකාරිව ඉන්නේ.

කඩයිම් උපසිරසියක් උනාට වැඩි දේවල් ලියලා ඔයාලව වෙහෙසට පත් කරන්නේ නෑ. ඊට කලින් දෙයක් කියන්න ඕන. කඩයිමට ෆිලුමක් නැතුව සහ කොටින්ම කඩයිම මතකවත් නැතුව ඉද්දි ඒකත් මතක කරලා මට මේ සලරුව දුන්නේ අපි කාගෙත් හිතවතා වෙන විමා සහෝ තමයි. ඒ නිසා විමාට බෙහෙවින් ස්තූති වෙනවා. එහෙනම් අපි ඉක්මනටම ෆිල්ම් එකට පැත්තට යමු. හොලිවුඩයේ නිර්මාණ ගත්තම සමහර රසිකයෝ තමන්ගේ ප්‍රියතම නළුවා සහ නිළිය මත පදනම් වෙලා චිත්‍රපට නැරඹුවත් සමහර අය බලාගෙන ඉන්නේ තමන්ගේ ප්‍රියතම අධ්‍යක්ෂවරයාගේ නිර්මාණ නරඹන්න තමයි. Zack Snyder කියන්නෙත් අන්න ඒ වගේ විශාල රසිකයෝ රැසක් ඉන්න අධ්‍යක්ෂවරයෙක් තමයි. Rebel Moon කියන්නේ ඔහුගේ නවතම ඒ වගේම ගොඩක් කතා බහකට ලක්වුන නිර්මාණයක් විදියට හඳුන්වන්න පුළුවන්. මොකද චිත්‍රපටය නිකුත් උන දවසේ ඉඳන්ම මේ චිත්‍රපටය දැඩි විචාරක අප්‍රසාදයකට ලක්වුනත් ගොඩක් රසිකයොනම් ස්නයිඩර් මහත්මයගේ පැත්ත ගන්න බව දකින්න ලැබුනා.

Rebel Moon චිත්‍රපටය මේ වෙද්දි 77%ක ගූගල් පරිශීලක කැමත්ත සහ 5.8ක  IMDb අගයකුත් ලබාගෙන තියෙනවා. චිත්‍රපටය වර්ගීකරණය කරලා තිබෙන්නේ Action / Fantacy / Adventure යන කාණ්ඩයන්ට තමයි. රංගනයෙන් දායක වෙන නළු නිළි කැළනම් අපිට බොහොම හුරුපුරුදුයි. Sofia Boutella, Mitchel Huisman, Charlie Hunnam, Djimon Hounsou, Ed Skrein, Ray Fisher වගේ සුප්‍රසිද්ධ රංගන ශීල්පීන් වගේම ඔස්කාර් සම්මානලාභී Anthony Hopkins මහත්මයත් රොබෝ යන්ත්‍රයකට තම හඬ දායකත්වය ලබා දීලා තියෙනවා. චිත්‍රපටයේ අන්තර්ගතය ගැනනම් මුකුත් කියන්න බලාපොරොත්තු වෙන්නේ නෑ. මොකද ආරම්භයේදීම ඔයාලට ඒ ගැන දළ අදහසක් ගන්න පුළුවන් හැඳින්වීමක් තියෙනවා. ඒ වගේම අනිවාර්යයෙන්ම තවත් කොටසක් එයි කියලත් මතක් කරන්න ඕන.  එහෙනම් තවත් විස්තර කියන්න යන්නේ නෑ ආපහු වතාවක් බයිස්කෝප් සෙට් එකට සහ අපේ රසික ප්‍රජාවට බෙහෙවින්ම ස්තුතීවන්ත වෙනවා. වෙලාවක් හම්බුනාම ලබන වසරෙත් මේ වගේම උපසිරසියකින් හම්බෙමු.

ලබන්නාවූ 2024 නව වසර සියළු දෙනාටම සාමය, සතුට පිරී ප්‍රීතීමත් නව වසරක් වේවා!!!

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි WEBRIP පිටපත් සඳහා පමණක් අදාළ වේ.

36,705 downloadsDownload Rebel-Moon-Part-One-A-Child-of-Fire-2023.zip40 KB

මේ ලබා දී ඇති සිංහල උපසිරැසි පිළිබද “ යුරාන් ධනුක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

 

Subtitle Contributor Rank

PLATINUM MEMBER
JOINING DATE – 2018-08-05
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.