St. Vincent (2014) | නුඹේ අසල්වැසියාට ප්‍රේම කරන්න… [සිංහල උපසිරසි සමඟ]

හාස්‍යජනක සහ නාට්‍යමය යන වර්ගීකරණයට අයත් මේ සිනමාපටයත් මට උපසිරැසි යොදන්න භාර දුන්නෙ සමීර කරුණාරත්න සොහොයුරා. ඉතිං මුලින්ම මම ඔහුට ස්තූතිවන්ත වෙනව මේකට උපසිරැසි යොදන්න මට රදුන්නට.වැඩේ භාර අරගෙන නම් ටික දවසක් ගියා සමාවෙන්න ඕනේ ලබාදෙන්න පරක්කු උනාට. අනිත් වැඩත් එක්ක බොහොම හෙමීට තමයි කරගන්න පුලුවන් උනේ.

2014 ඔක්තොම්බර් 10 වෙනිද ඇමරිකාවේදී නිකුත් උන මිනිත්තු 102 ක් පුරා දිවෙන මෙම සිනමාපටය නිශ්පාදනය කරල තියෙන්නෙත් ඇමරිකාවේදීමයි. මේක අධ්‍යක්ෂණය කරල තියෙන්නෙ Theodore Melfi කියන අධ්‍යක්ෂක වරයා විසින්. මෙහිප්‍රධාන චරිතය Groundhog Day (1993), Lost in Translation (2003) සහ Moonrise Kingdom (2012) යන සිනමා පට වලට රංගනයෙන් ධායක වූ Bill Murray විසින් පණපොවන අතර Gilmore Girls (2000), Mike & Molly (2010) වැනි සිනමා පට වලට රංගනයෙන් ධායක වූ Melissa McCarthy සහ King Kong (2005), Mulholland Drive (2001) සහ The Impossible (2012) යන සිනමා පට වලට රංගනයෙන් ධායක වූ Naomi Watts යන නිලියන් දෙදෙනා මෙම සිනමාපටයේ ප්‍රධාන නිලියන් වශයෙන් රංගනයෙන් ධායක වෙනවා. ඒ වගේම ළමා නළු Jaeden Lieberher මෙහි ළමා චරිතයට (ඔලිවර්) රංගනයෙන් ධායක වනවා. ඒ වගේම කියන්න ඕනේ මේ සිනමාපටයට 7.3 ක් වැනි හොඳ IMDb අගයකුත් ලැබිල තියෙනව.

වින්සන්ට් යනු තම බිරිඳව සනීප කරගැනීමට විවිධාකාර ලෙස මුදල් උපයීමට තැත් කරන වයසක පුද්ගලයෙක්. ඒ අතර තම සැමියාගේ විවිධ වංචාසහගත වැඩ වලට මුහුණදුන් මැගී නැමැති බොහෝ වෙහෙසට පත් කාන්තාව තම 12 හැවිරිදි පුතා ඔලිවර් සමඟ Brooklyn නම් නගරයට පදිංචියට පැමිණෙනවා. ඇයට තමාටත් තම දරුවාටත් ඇති තරමට මුදල් ඉපැයීමට දිගු පැය ගණනක් වැඩ කිරීමට සිදුවෙනවා. ඇයට ඔලිවර්ව තම අසල්වැසියා වන වින්සන්ට් ගේ රැකවරණයේ තබා යනව හැරෙන්න වෙන විකල්පයක් නැතිවෙනව. වින්සන්ට් ඔලිවර්ව තමන්ගේ ගමන් බිමන් වලට සහභාගී කරගන්නව. තුරඟ තරඟ ධාවන පථයට, වැඩිහිටි සමාජ ශාලා වලට වගේම බාර් වලටත් ඔහු ඔලිවර්ව එක්කගෙන යනවා. ඒ අතරෙ වින්සන්ට් හා ඔලිවර් අතර තද මිතුදමක් ඇතිවෙනව. වින්සන්ට් ඔලිවර්ට විවිධ දෑ උගන්වන අතර ඔලිවර් වින්සන්ට්ගේ අනිත් අය නොදකින හොඳ පැත්තක් දකිනවා. සාරාංශයක් විදිහට කතාව ඔහොමයි. මේ පැය එකහමාර තුල තව ගොඩක් දේ සිද්දවෙනව.

කම්මැලි කමක් නැතුව බලන්න පුලුවන් හොඳ විහිළු සහගත කතාවක්. ඉතිං හැමෝටම බලන්න කියල ආරාධනා කරනව. එහෙනම් තවත් උපසිරැසියකින් හමුවනතුරු ඔයාලට සුබ දවසක්.  😀  😀

 

 

 

374 MB (BR) කොපිය මෙතනින් බාගන්න

 

807 MB (BR) කොපිය මෙතනින් බාගන්න

 

1.48 GB (BR) කොපිය මෙතනින් බාගන්න

 

 

2,328 downloadsDownload St-Vincent-2014.baiscopelk.zip228 KB

 

https://d36zzuvfojr38z.cloudfront.net/wp_content/uploads/2014/11/හසන්ත-මාලිංග.jpg මේ ලබා දී ඇති සිංහල උපසිරැසි පිළිබද “හසන්ත මාලිංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.