The 100 [S07 : E02] Sinhala Subtitles | කාලයෙන් වෙන්වූ ලෝකයන් [සිංහල උපසිරැසි සමඟ]

THE 100 හත්වැනි කතාමාලාවේ දෙවන කොටස සමගිනුයි අප හමු වන්නෙ. ඉතින් ගිය සතියෙ කොටස හැමෝම වගේ බලලා ඇතිනේ මේ වෙද්දි. ඒ ගැන මොකෝ හිතුනේ කට්ටියට? ප්‍රශ්න ටික විසදේවි කියලා හිතුවට සෑහෙන්න ප්‍රශ්න ගොඩක ආරම්භයක් වුනා පෙර කොටස. හොදයි එසේනම් අපි කෙටියෙන් වගේ ඒ ගැන මතක් කරගෙන ඉමු.

රසෙල් ප්‍රයිම් සහ ඔහුගෙ අනුගාමිකයන්ව පරාද කරන්න ක්ලාක් ඇතුළු පිරිස සමත් වුනා. නමුත් ඒ මදි. දැන් තියෙන ලොකුම ප්‍රශ්නය වෙන්නෙ සැන්ටම්වල සාමය ගොඩ නැගීම. ඉතින් ඒකට ලොකු බාධාවක් වෙනවා ප්‍රයිම්වරු ගැන විශ්වාසය ඇති අය සහ නොමැති අය අතර ඝට්ටනය. ඒ වගේම තමා ගේබ්‍රියල්ගෙ දරුවන්ගෙ ක්‍රියා කලාපය. ඔවුන්ට අවශ්‍ය රසෙල්ව මරා දමන්න. කෙසේ නමුත් ක්ලාක්ගෙ මතය වුනේ රසෙල්ට ලබා දෙන දඩුවම තීරණය කළ යුත්තෙ සැන්ටම්වාසීන් බවයි. නමුත් කෙසේ කුමක් කීවත් කතාව අවසාන වුනේ, වෙනදා වගේම සාමය ගැන ආටෝප කියෙව්වාට ප්‍රචණ්ඩත්වයට නැඹුරු වෙන ක්ලාක් කෙනෙක් ඉස්මතු කරමින්.

සැන්ටම් තුළ එසේ සිදුවද්දී කැලෑව තුළ බෙලමි, එකෝ, ගේබ්‍රියල් සහ හෝප් හට වෙනම උවදුරකට මූණ පාන්නට වුනා. මතකනෙ අදෘශ්‍යමාන දෙයක් විසින් බෙලමිව විෂමතාවය වෙත රැගෙන ගියා. ඉතින් එකෝ සහ ගේබ්‍රියල්ට පසුව හැකියාවක් ලැබුනා මේ අදෘශ්‍යමාන දෑ කුමක්දයි දැනගන්න. සැබෑවටම ඒ සිටියෙ මිනිසුන්. හැබැයි කතාමාලාව තුළ මෙතෙක් අප නොදුටු ආකාරයෙ ඉහළ තාක්‍ෂණයකට හිමිකම් කියන පිරිසක්. රොබෝවරු මෙන් ඇදුම්, කිරණ තුවක්කු, එසේම පරිගණක ගත මෙහෙයුම්, සහ සියල්ලටම වැඩියෙන් විෂමතාවය පාලනය කිරීමේ හැකියාවක් ඔවුන් සතු බව දක්නට ලැබුනා. ඉතින් ඒ සියල්ලත් සමගින් එකෝ, ගේබ්‍රියල්, හෝප් තිදෙනා විෂමතාවය තුළට පිවිසුනෙ එම අභිරහසේ සුලමුල හොයාගන්නටයි.

එසේම ගිය සතියෙ කොටසින් පැන නැගුණා වූ තවත් ගැටළුවක්නම් ෂෙයිඩ්හෙඩා, මතකනෙ ෂෙයිඩ්හෙඩාව මැඩිගෙ හිස තුලින් ඉවත් කිරීමෙන් පසුව ඔහු එලිජියස් යානාවේ පරිගණකයෙන් අතුරුදහන් වුනා. ඔහුට සිද්ධ වුනේ කුමක්දැයි කියන කාරණේට පිළිතුරනම් ගිය සතියෙ ලැබුනා. මතකනෙ ෂෙයිඩ්හෙඩා විසින් රසෙල් ප්‍රයිම්ව මරා දමා රසෙල්ගෙ සිරුරේ පාලනය ඔහු අතට ගත්ත බව. ඉතින් එතෙක් මෙතෙක් ජිවත් වූ දරුණුම කමාන්ඩර්වරයා දැන් සැන්ටම් දෙවියාගෙ සිරුර තුළ සිටීම ඉදිරියේදී සෑහෙන ලොකු ගැටුමකට මුල පුරාවි කියලනම් විශ්වාසයි. ඒවගේම පෙර කොටසින් මතු වෙච්ච තවත් ප්‍රශ්නයක් වෙන්නෙ මැඩි. මැඩි තමා කිසිදා නොදුටු මතකයන් සිතුවමට නගනවා. ඉතින් ගායාගෙ මතය වුනේ ඒ කමාන්ඩර්වරුන්ගෙ මතකයන් විය හැකි බවයි. බලමු ඉදිරියේදී අපට ඒ ගැනත් දැනගන්නට ලැබෙයි.

හොදයි එහෙමනම් අද කොටස ගැනත් මං වැඩි යමක් පවසන්නට යන්නෙ නෑ. ඔබටම කුතුහලය සමගින් නරඹන්න ඉතුරු කරමින් යළි ලබන සතියේද හමුවෙන අපේක්‍ෂා පෙරදැරිව මා සමුගන්නවා.

සැ.යු- THE 100 කතාමාලාව ඇමෙරිකානු වේලාවෙන් විකාශය වන්නෙ රාත්‍රී අටට. අපේ වෙලාවෙන්නම් අදාළ දවසට පහු වෙනිදා උදේ හතට අටට පමණ තමයි අන්තර්ජාලයට කොපි නිකුත් වන්නෙ. ඉතින් උදේ අටට කොපියක් නිකුත් වුනත් එයට අදාළ ඉංග්‍රීසි උපසිරසියක් නිකුත් වන්න බොහෝ විට දහවල් දෙකවත් පසු වෙනවා. ඒ නිසා මට උපසිරැසිය ලබා දෙනවනම් දෙන්න වෙන්නෙ බ්‍රහස්පතින්දා රාත්‍රියේ හෝ සිකුරාදා දිනය තුළ තමයි. ඒක නිසා ටිකක් ඉවසීමෙන් ඉන්න කියලා ඉල්ලා සිටිනවා කට්ටියගෙන්.

 

 

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි HDTV / WEB / BR පිටපත් සඳහා අදාළ වේ. 

27,369 downloadsDownload The-100-S07-E02.zip69 KB

මේ ලබා දී ඇති සිංහල උපසිරැසි පිළිබද “මධුකප්‍රිය පෙරේරා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

PLATINUM MEMBER
JOINING DATE – 2015-04-19
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.