The Messengers [S01:E05] | මීලඟ අසරුවා ??? [සිංහල උපසිරසි සමඟ]

කතාව ගේන්න දවසක් පමා වුනා. හැමදාම මම කතාව දෙන්නේ ඉරිදාට වුනත්, මේ දවස් වල විදුලිය නැතුව මාර දුකක් තමයි වින්දේ. 🙁 ඒ වගේම තමයි ගිය සතියේ අන්තර්ජාලයේ, මේ කතාව පිලිබදව කණගාටුදායක ආරංචියකුත් පල කරලා තිබුණා. මම හිතනවා මේ ආරංචිය අහපු ගමන්ම බොහෝ දෙනෙක් කතාව බලන එක නතර කරාවි කියලා. (පලමු සමයෙන් මේ කතාව අවලංගු කරලා දාන්න CW විසින් තීරණය කරලා) හප්පොයි. 🙁

හොඳයි අසුබ ආරංචි ඇහුවා ඇති. දැන් අපි කතාවට බහිමු. 😐 ගිය සතියේ කතාවෙදී ඔයාලට මතක ඇති පලමු අසරුවා හොයාගෙන හැමෝම ලොකු පටලැවිල්ලකයි හිටියේ කියලා. ඒ වගේම එයාලා ඒ පටලැවිල්ල විසඳාගෙන දැනගත්තා අසරුවා තමයි සෙනෙටර් කියලා. ඒ පටලැවිල්ල ඒ විදියට විසඳගත්තා වගේම තමයි, තවත් විසඳාගන්න බැරි ගැටලුවකට ඒ අයට මුහුණ දෙන්න සිද්ධවුනා. ඒ තමයි යුද්ධයේ අසරුවාගේ මුද්‍රාව බිඳී යාම. එදා කට්ටියම එකතු වෙලා ගේම දුන්නත් බැරිවුනා සෙනෙටර් රිචර්ඩ්ස් පවක් සිදු කරන එකෙන් වලක්වන්න. ඔය විදියට යුද්ධයේ මුද්‍රාව බිඳීමත් සමඟ තවත් ඉතුරු වෙලා තියෙන්නේ අසරුවෝ තුන් දෙනයි. ඒ තමයි

1. වසංගතයේ අසරුවා.
2. දුර්භීක්ශයේ අසරුවා.
3. මරණයේ අසරුවා.

මෙන්න මේ අසරුවන් 3 දෙනාගෙන් කවුරු හොයාගන්නද? එයාලගෙන් කවුද අසරුවා? යක්ශයා මීලඟට බිඳින්න හදන්නේ කාගේ මුද්‍රාව ද? කියලා ප්‍රශ්ණ කිහිපයක් තියෙනවා. මේ ප්‍රශ්ණ විසඳගන්න එක තමයි අද අපේ සුරදූතයන්ගේ අභියෝගය වෙලා තියෙන්නේ. මේ අස්සේ ඉතිං ඔයාලා දන්නවා මේ අයට මේ ප්‍රශ්ණ වලට අමතරව පෞද්ගලික ප්‍රශ්ණත් තියෙනවා කියලා.

♨ වේරාට තියෙන ප්‍රශ්ණ තමයි
====================

රජය මොකද මෙච්චර තදියමකින් මේ උල්කාපාතය ගැන වසන් කරන්නේ කියන එක. ඒ වගේම මීට අවුරුදු 7කට කලින් පැහැරගැනීමකට ලක්වුනු තමුන්ගේ පුතාව හොයාගන්න එක.

♨ එරීන්ට තියෙන ප්‍රශ්ණ තමයි
====================

තමුන්ගේ කලින් සැමියා, රොනී. එයා තමුන්ගේ දුව රොනීගෙන් අරගෙන පැනලා ගියපු නිසා පොලිසිය එයාගේ පස්සේ එනවා. ඒ වගේම තමයි එයාට තමුන්ගේ දුව බලාගන්නත් වෙලා.

♨ රවූල්ට තියෙන ප්‍රශ්‍ණ තමයි
====================

එල් හෙෆේ තමුන්ගේ පවුලේ අයව මැරුවා වගේම තමුන්වත් මරන්න හොයන එක. මේ නිසා මෙයාට ඉන්න වෙලා තියෙන්නේ හැංගිලා. අනිත් එක තමයි තමුන්ගේ සහෝදරයාගේ දුව වෙන නදීයාව පරිස්සම් කරන්නත් වෙලා.

♨ ජෝශුවාට තියෙන ප්‍රශ්ණ තමයි
======================

ධර්මෝපදේශකයෙක් වුනු එයා රූපවාහිනියේ සිදුකල ප්‍රසිද්ධ ප්‍රකාශයක් නිසා, එයාගේ පියා විසින් රූපවාහිනියට ප්‍රකාශයක් කරනවා එයා පිස්සෙක් කියලා. ඒ වගේම තමයි එයාට දැනගන්න ලැබෙනවා තමුන්ගේ බිරිඳට ලැබෙන්න ඉන්න දරුවා තමුන්ගේ දරුවා නෙමෙයි, එයාගේ තාත්තාගේ දරුවා කියලා. (ඒ කියන්නේ එයාගේ බිරිඳට ලැබෙන්න ඉන්න දරුවා එයාගේ මල්ලි)

♨ පීටර්ට තියෙන ප්‍රශ්ණ තමයි
====================

බලය ලැබුනට පස්සේ එයා කෙනෙක්ව මරලා දැම්මා. මේක නිසා මෙයාව පොලිසියෙන් අල්ලගෙන ගියා. ඒත් ආපහු හිරකරුවෝ ප්‍රවාහනය කරන ට්‍රක් එකකින් මෙයා පැනගත්තා. ඒ කියන්නේ මෝස්ට් වෝන්ටඩ් වුනා වගේ තමයි. එයත් පොලිසියෙන් හැංගිලා ඉන්නේ.

♨ රෝස්ට තියෙන ප්‍රශ්ණ තමයි
====================

ඒ හැටි කියලා ප්‍රශ්ණයක් නැති වුනත්, අර්බුදකාරී අවස්ථාවල හැමෝටම කරුණු කාරණා තේරුම් කරන්න යන එක, හැමෝම එකමුතු කරලා එක කණ්ඩායමක් විදියට තියාගන්න එක තමයි මෙයා කරන්නේ. (ඒකත් නියම කට්ටක් තමා)

කොහොමහරි මෙහෙම ප්‍රශ්ණ තියෙන හැමෝම හැන්දෑවට එකට සෙට් වෙන්නේ බාර් එකක් ඇතුලේ නෙව. 🙂 සුර දූතයෝ වුනත් ඉතිං ප්‍රශ්ණ තියෙනකොට බෝතලයක් ලඟ තිබුනොත් සොරිම තමා. ඔන්න ඔය විදියට මම උඩ ගහපු ලිස්ට් එකෙන්, ප්‍රශ්ණ බොක්කටම වැදුනු සුරදූතයෝ දෙන්නෙක් තටු නැවෙන්න ශොට් එකක් දාගෙන ඉන්න තැනින් තමයි අද කතාව පටන් ගන්නේ. බලමු නේද ? 😉 😉 😉

ඒ වගේම පසුගිය කතාංගයන් දෙකේදීම ඔයාලට මතක ඇති වයසක ගැහැණු කෙනෙක් කතාවේ පෙනී සිටියා. ඇයත් මේ සිද්ධියට සම්බන්ධයි වගේ නේද? ඒ වගේම ඔයාලට මතක ඇති තාම මෙතන ඉන්නේ සුරදූතයෝ 6 දෙනයි කියලා. කෝ තාම 7 වෙනියා ගැන නිනව්වක් නැති ගානයි නේද? මේ ප්‍රශ්ණ වලට උත්තර හොයාගන්න අදවත් පුළුවන් වේවිදෝ කියන බලාපොරොත්තුවෙන් කතාව රසවිඳින්න කියලා මම හැමෝටම ආරාධනා කරන ගමන්ම, අදට සමුගන්නවා…. !

ආයු -බෝ -වේවා !!! ☀

 

 

273 MB කොපිය මෙතනින් බාගන්න

7C5D7464439DD5EE08CB1BDEAFF0AF3A464D7309

345 MB කොපිය මෙතනින් බාගන්න

99C93599629968560DBD9EC08EDE45E49A9AA1D5 ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

3,393 downloadsDownload The_Messengers_S01E05_baiscopelk.zip53 KB

 

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “ප්‍රණිත් රණසිංහ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

<<Previous Episode                  All Episodes                      Next Episode >>