Masoom [S01 : E05 & E06] Sinhala Subtitles | ඉතින් මා අතහරින්න..!! [සිංහල උපසිරසි]

Disney Hotstar වෙතින් ඉතාම මෑතකදී මුදාහැරුණු Thriller Mystery ගණයේ හින්දි වෙබ් කතමාලාවක් තමා මම මේ අරන් එන්නේ. කොටස් 6ක් විතරක් තියෙන මේ කතාමාලාවම එක හුස්මට කුතුහලයෙන් බලාගෙන යන්න පුළුවන් විදිහේ එකක් කියලා නිර්දේශ කරනවා. ඒ වගේම එක වරකට කොටස් දෙක ගානේ දෙන නිසා වැඩිය රස්තියාදු නොවී මේක බලලා ඉවරයක් කරන්නත් ඔයාලට පුළුවන්. සීසන් ගණන් ඇදෙන නිර්මාණයකුත් නෙමේ පේන හැටියට නම්. ඉතින් ඔය හැමෝටම Masoom එක්ක එකතු වෙන්න කියලා ආරාධනා කරන ගමන්ම මේ අරන් ඇවිල්ලා තියෙන්නේ අවසාන කොටස් දෙක. හැරෙමු පහුගිය කොටස් වල සිද්ධ වෙච්ච විශේෂ දේවල් දිහාට.

තමන්ගේ මවගේ හදිසි මරණයෙන් එල්ල වෙච්ච දුක, කම්පනයට අමතරව මේ හැමදේකින්ම එල්ල වෙන පීඩනයට අමතරව තමන්ගෙම මාමා ගෙදෙට්ට රිංගගෙනත් සනාට එල්ල කරන්න ගත්තේ සුළුපටු ප්‍රහාරයන් නම් නෙමේ. සාදයෙදී සනාගෙන් බැරිම තැන එල්ල වෙච්ච පහරට ප්‍රතිප්‍රහාර එල්ල කරන්න මිනිහා හිතාගෙන සනාගේ පිටිපස්සෙන් ලුහුබැන්දා මතක ඇති. ඉතින් සනා මාමාගෙන් වෙඩි කෑවද? බලපු අය දන්නවා ඇති මොකක්ද සිද්ධ වුණේ කියලත්. ඒ වගේම ඒ පිස්තෝලය කොහේ ඉඳන් කොහාටද ගියේ, අන්තිමට ඒක කා අතටද පත් වුණේ කියලත් ඔයා දන්නවා. අවසානය සුපුරුදු විදිහටම සනාගේ දුක් ගොන්නට තවත් දුකක් එකතු කරා.

මොන්ටිගේ සිදුවීම, පොකුණ ගාවින් අතුරුදහන් වෙච්ච කොකා, සනාගේ සහෝදරීගේ විවාහ ජීවිතේ වගේ සහෝදරයගේ අසම්මත ජීවිතේ මේ හැමදේම ගැනම පැහැදිලි කරගන්න පුළුවන් වේවි මේ අවසන් කොටස් දෙකෙන්. වැඩි දෙයක් මෙතන නොකියන්නේ එහෙම කියලා බලලා වැඩක් නැති නිසා. එහෙනම් මුළු කතාමාලාවටම සිංහල උපසිරැසි දීලා අහවරයි. නොබලපු අයත් දැන්මම බලන්න කියලා ආරාධනා කරනවා. තවත් කතාමාලාවක් සමඟ පුළුවන් ඉක්මනටම මුණගැහෙන්න එන්නම්. එතකල් හැමෝටම ජයවේවා. Masoomඑක්ක එකතු වුණු හැමෝටම ස්තූතියි.