Band of Brothers [E04] Sinhala Subtitles – Replacements] | ප්‍රබල ප්‍රහාරයක්, පසුබෑමක් හා සතුරු භූමියේ තනිවීමක් [සිංහල උපසිරැසි සමඟ]

හොඳයි හැමෝම මේ සුපිරි කතා මාලාවේ තුන්වෙනි කොටස බලන්න ඇතිනේ. ඔන්න අද ගේන්නේ හතරවෙනි කොටස. අද E කණ්ඩායම ඇතුළු මිත්‍ර පාර්ශවය ලබන පරාජයක් ගැන තමා කියවෙන්නේ. පහුගිය කොටසේදී ඔවුන්ව යුද බිමේ ඉදිරි ආරක්ෂක වළල්ලෙන් අයින් කරවලා ආපහු එංගලන්තෙට යවන දර්ශනයකින්. එහෙදි ඔවුන්ට ආපහු යුද බිමට යන්න කැඳවීමක් ලැබෙනවා. ඒත් කණ්ඩායමේ මියගිය හා ආබාධිත වූ සෙබළු වෙනුවට ආදේශක නවක සෙබළුන් දැන් කණ්ඩායමට ඇවිත් තියෙනවා. ඒත් මුල සිටි සෙබළු එනම් ඔවුන් පුහුණූ වූ තැන නාමය අනුව තැනු ටොකෝවා මිනිසුන්වූ පැරණින් සෙබළු අලුත් අය එකට පෑහෙන හැටි ටිකක් විතර වෙනස්. සමහරු සාදරයෙන් පිළිඅරගෙන උදව් කරනවා සමහරු වැඩකට නැති උන් කියලා හඳුන්වනවා. කොහොම වුණත් කථාවේ මුල් දර්ශන කිහිපයෙන් පස්සෙ ඔවුන්ට අලුත් මෙහෙයුමකට ආපහු යෑමට අණ ලැබෙනවා.

ඒ තමා නෙදර්ලන්තයට ආපහු ගුවනෙන් පිම්මක් පැනීම. මෙවර එම මෙහෙයුම් නාමය වෙන්නෙ මාක්ට් ගාඩ්න් යන නමයි. 1944 දෙසැම්බර් මාසය වන විට යුද්ධය අවසන් කිරීමේ අරමුණ මත මිත්‍රපාර්ශවික පාර්ශවයේ බ්‍රිතාන්‍ය අණ දීම් යටතේ 1944 සැප්තැම්බර් 17-25 අතර සිදුවූ මේ මෙහෙයුමේ අරමුණ තමා රයින් ගඟ හරහා ජර්මනියට ඇතුළු වීම. ඒ සඳහා නෙදර්ලන්තයට මායිම්ව වැටී ඇති ජර්මන් බලකොටු හා ටැංකි වලින් සන්නද්ධ ආරක්ෂක වළල්ල බිඳහෙළීමට අවශ්‍ය වුණා. එලෙසෙම රයින් ගඟේ අතු ගංඟා දෙකක් හා මාස් ගඟ හා තවත් කුඩා දියමංඩ වල ඇති පාලම් අල්ලාගෙන ඒ හරහා සන්නාහ සන්නද්ධ රථ ජර්මනියට ඇතුල් කොට ඉක්මනින් යුද්ධය අවසන් කිරීම තමා මූලික සැලැස්ම වුණේ. මේ සඳහා ජර්මනිය අල්ලාගෙන සිටි නෙදර්ලන්තයට ගුවනින් පැරෂුට් භටයන් බස්වා සන්නද්ධ රථ වලට මඟ පාදා දීම තමා මෙහෙයුමේ ආරම්භය වශයෙන් සිදුවුණේ. මුල් දින කීපය සාර්ථක වුණත් මේ මෙහෙයුම අසාර්ථක වූ මෙහෙයුමක් මෙන්ම ජීවිත හානි ගණනාවක් සිදුවු මෙහෙයුමක් බවට පත්වුණා.

E කණ්ඩායම හට පැවරෙන වගකීම වන්නේ අයින්හොවන් හා ආන්හෙම් ඇති පාරක් මුදවා ගෙන එය හරහා බ්‍රිතාන්‍ය සන්නාහ සන්නද්ධ ටැංකි වෙත ආන්හෙම් දක්වා යෑමට අවස්ථාව සැලසීම, හා ඔවුන් එන තෙක් ආරක්ෂා කර ගැනීමයි. බුද්ධි අංශ තොරතුරු අනුව එම ප්‍රදේශයේ සිටින්නේ වයසක හා යෞවනයන්ගෙන් සමන්විත ජර්මන් බලකායක් නිසා ඔවුන් එය වෙත පිම්ම පනින්නේ රාත්‍රිකාලයේ නොව දහවල් කාලයේදීයි. එසේම ඔවුන්ට කිසිම උපද්‍රවයකින් තොරව සියලු දෙනා භූමියට ළඟා වනවා පමණක් නොව ඔවුන්ට ලැබෙන්නේ ජර්මන් හමුදාවෙන් තොරවූ අයින්හෝවන් නගරයක්. එසේම එහි ජනතාව ඔවුන්ව ඉතා උණුසුම් අන්දමින් පිළිගන්නවා. එහෙත් ආන්හෙම් යෑමට කලින් කැප්ටන් වින්ටර්ස් හට තම පළමු පසු බැසීමට මුහුණ දීමට සිදුවෙනවා. එනම් E කණ්ඩායම හට නොයෙන් නගරයේදී දරුණු ප්‍රහාරයකට මුහුණ දීමට සිදුවී එයින් පසු බැස යාමේදි එක් සාජන් වරයෙක් වන රැන්ඩ්ල්මන් තුවාල සහිතව සතුරු භූමියේ තනිවෙනවා. ඉතින් අද කොටසේ ප්‍රධාන චරිතය වෙන්නේ එම “බුල්” රැන්ඩ්ල්මනුයි. එසේම කිහිප දෙනෙක් තුවාල ලබා සංග්‍රාම භූමියෙන් ඉවත්වන්නටද සිදුවෙනවා. ඉතුරු ටික් ඉතින් බාගෙනම බලමු නේද?

පහුගිය සතියේ පොරොන්දු වුණා වගේම අපි කොටස් තුනක් හෝ හතරක් මේ සතියේ දෙන්න බලාපොරොත්තු වෙනවා. මටම හැමදාම ලිපියක් දෙන්න ගියාම ඒක අනික් අයට කරන අසාධාරණයක් නොවැ. කොහොමත් ලබන සතියේ දී සම්පූර්ණ කතා මාලාවෙම සබ් දීලා ඉවර කරන්න තමා හිතන් ඉන්නේ. හැමෝටම ඉවසීමෙන් ඉන්න කියලා කාරුණිකව ඉල්ලා හිටිනවා. 

 

 

Due to copyright issues, we do not provide any torrent link.

මෙම ලබා දී ඇති උපසිරැසි BR පිටපත් සඳහා අදාළ වේ.

18,229 downloadsDownload Band-of-Brothers-1x04-1.zip35 KB

https://d36zzuvfojr38z.cloudfront.net/wp_content/uploads/2014/08/RoylyFdo.jpg මේ ලබා දී ඇති සිංහල උපසිරැසි පිළිබද “රොයිලි ප්‍රනාන්දු” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
ADMIN MEMBER
JOINING DATE – 2009/03/10